អន្តរជាតិ
រថយន្ត២០គ្រឿងជួបគ្រោះថ្នាក់ចរាចរណ៍ ដោយសារព្រិលធ្លាក់ខ្លាំងនៅរដ្ឋ ណេវ៉ាដា 27, Dec 2021 , 8:19 pm
![](https://image.thmeythmey.com/pictures/2021/12/27/thumb2/hypatia-h-56072c4ff403b052aa15074e490afe34-h-2369e1e10ffb5979f2f4f02bccddf75c.jpg)
×![]()
យ៉ាងហោចណាស់រថយន្តជាង២០គ្រឿង បានរអិលប៉ះទង្គិចគ្នានៅលើផ្លូវហាយវេមួយ នៅក្នុងភាគពាយ័ព្យរដ្ឋណេវ៉ាដា នាថ្ងៃទី២៦ ធ្នូ ដែលបណ្តាលឱ្យមានមនុស្សទទួលរងរបួសធ្ងន់ស្រាលជាច្រើននាក់ ។ នេះបើតាមការិយាល័យតម្រួត Washoe County Sheriff's Office។
ក្រុមមន្រ្តីពន្លត់អគ្គីភ័យរបស់ការិយាល័យតម្រួត Sheriff ដែលបានទៅជួយសង្រ្គោះក្នុងហេតុការណ៍គ្រោះថ្នាក់ចរាចរណ៍រថយន្ត ដែលបណ្តាលមកពីរអិល ដោយសារព្រិលធ្លាក់នេះ បាននិយាយថា មនុស្ស៣នាក់បានបញ្ជូនទៅកាន់មន្ទីពេទ្យភ្លាមៗ និងច្រើននាក់ផ្សេងទៀតរងរបួសស្រាល បន្ទាប់ពីជួបគ្រោះថ្នាក់រួច។
មុនពេលគ្រោះថ្នាក់នេះកើតឡើង ការិយាល័យអាកាសធាតុប្រចាំរដ្ឋណេវ៉ាដា (National Weather Service Reno) ក៏បានប្រកាសហាមប្រជាជនចេញក្រៅផ្ទះផងដែរ ព្រោះមានព្រិលធ្លាក់លាយឡំខ្យល់បក់ខ្លាំង។
«យើងសង្ឃឹមថាមិនមានការពន្យាពេលធ្វើដំណើរនៅលើដងផ្លូវទាំងអស់ ដោយសារតែព្រិលធ្លាក់ខ្លាំងលាយឡំជាមួយខ្យល់បក់ក្នុងល្បឿនយ៉ាងលឿនហើយក៏អាចបង្កជាការគ្រោះថ្នាក់ដល់ការធ្វើដំណើរ។»នេះបើតាមការប្រកាស់ពីសំណាក់ NWS Reno មិនតែប៉ុណ្ណោះការិយាល័យតម្រួត Sheriff ក៏បានអះអាងដែលថានៅលើផ្លូវហាយវេនៃជ្រលងភ្នំ Washoe មានព្រិលធ្លាក់ខ្លាំងជាមួយល្បឿនខ្យល់រហូតដល់ទៅ ៨០គីឡូម៉ែត្រក្នុង១ម៉ោងដែលបណ្តាលឱ្យការបើកបរមានស្ថានភាពរអិលខ្លាំង៕
© រក្សាសិទ្ធិដោយ thmeythmey.com