កីឡាជាតិ
ជាតិ
ស៊ីហ្គេម៖ ជម្រើស១១នាក់ដំបូងរបស់កម្ពុជាក្នុងជំនួបជាមួយឡាវ 09, May 2022 , 3:33 pm
លឹម ពិសុទ្ធ ស្ថិតក្នុងជម្រើសដំបូងក្នុងជំនួបជាមួយឡាវ។ រូបថត FFC
× ក្រុមកីឡាករបាល់ទាត់កម្ពុជា ត្រូវប្រកួតបើកឆាកក្នុងពូល B របស់ខ្លួន ក្នុងព្រឹត្តិការណ៍កីឡាស៊ីហ្គេមលើកទី៣១ ដោយត្រូវប៉ះឡាវ នាវេលាម៉ោង៤រសៀលថ្ងៃ ទី៩ ខែឧសភា នេះ នៅកីឡដ្ឋាន Thien Truong ប្រទេសវៀតណាម។
សម្រាប់សមាសភាពជម្រើស១១នាក់ដំបូង សៀង ចន្ធា កាន់តំណែងជាប្រធានក្រុម ខណៈមិត្តរួមក្រុមបឹងកេត ហ៊ុល គឹមហ៊ុយ ជាអ្នកចាំទី។ លឹម ពិសុទ្ធ របស់ភ្នំពេញក្រោន វិលត្រឡប់សារជាថ្មីក្នុងជម្រើសដំបូង ក្រោយអវត្តមាននាព្រឹត្តិការណ៍កន្លងមកដោយសាររបួស។ សមាសភាពថ្មីដ៏គួរឲ្យចាប់អារម្មណ៍នោះ មានជា សុខម៉េង របស់ណាហ្គាវើលដ៍ និង វាំង ដាវីន របស់បឹងកេត។
សមាសភាពផ្សេងទៀតរួមមាន តាំង ប៊ុនឆៃ (បឹងកេត), សារ ទី, គី រីណា (វិសាខា), មិន រតនៈ (ព្រះខ័នរាជស្វាយរៀង), ជួន ចាន់ចាវ (ភ្នំពេញក្រោន) និងញាណ សុស៊ីដាន (កងយោធពលខេមរភូមិន្ទ)៕
© រក្សាសិទ្ធិដោយ thmeythmey.com