ធ្វើជាអធិបតីក្នុងពិធីសម្ពោធដាក់ឲ្យប្រើប្រាស់វេទិកាអុំទូក និងសំណង់សិល្បការផ្សេងៗ ក្នុងភូមិកំពង់ស្រឡៅ ឃុំកំពង់ស្រឡៅមួយ ស្រុកឆែប ខេត្តព្រះវិហារ នាព្រឹកថ្ងៃទី១៧ ខែឧសភា ឆ្នាំ២០២២ សម្តេច ស ខេង ថ្លែងដូច្នេះថា៖«យើងទាំងអស់គ្នា ប្តេជ្ញារួមគ្នាត្រូវយកជ័យជំនះឲ្យបាន២ ក្នុងពេលតែមួយ។ ជ័យជំនះទី១ គឺសម្រាប់គណបក្ស ជ័យជំនះទី២ គឺសម្រាប់ប្រទេសជាតិ។ មានតែគណបក្សប្រជានជនកម្ពុជាទេ ដែលកាន់អំណាចបានយូរជាងគេ ហើយមូលហេតុបានយូរ គឺមិនមែនសម្លាប់គេ ដើម្បីកាន់អំណាចយូរទេ គឺបម្រើប្រជាពលរដ្ឋ ការពារអាយុជីវិតប្រជាលពរដ្ឋ អភិវឌ្ឍសេដ្ឋកិច្ចសង្គម ជីវភាពរស់នៅរបស់ប្រជាពលរដ្ឋ»។ 

 

សម្តេចរដ្ឋមន្រ្តីមហាផ្ទៃ ចាត់ទុកការបោះឆ្នោតឃុំ-សង្កាត់ ថាមានសារៈសំខាន់មួយ ដើម្បី ពង្រឹងលទ្ធិប្រជាធិបតេយ្យនៅមូលដ្ឋាន ឲ្យកាន់តែរឹងមាំថែមទៀត។ សម្តេច បន្តថា ការបោះឆ្នោតឃុំ-សង្កាត់ ជាការផ្តល់ឱកាស ឲ្យប្រជាពលរដ្ឋ ជ្រើសរើសអ្នកដឹកនាំរបស់ខ្លួននៅមូលដ្ឋាន។  
 

ការឃោសនាបោះឆ្នោតឃុំ-សង្កាត់អាណត្តិទី៥ មានរយៈពេល១៤ថ្ងៃ គឺចាប់ពីថ្ងៃទី២១ ខែឧសភា ដល់ថ្ងៃទី៣ ខែមិថុនា ឆ្នាំ២០២២។ រំលង១ថ្ងៃ គឺនៅថ្ងៃទី៥ ខែមិថុនា ឆ្នាំ២០២២ គឺជាកាលបរិច្ឆេទនៃការបោះឆ្នោតឃុំ-សង្កាត់អាណត្តិទី៥ ដែលជាអាណត្តិថ្មី៕