បើតាមសេចក្តីប្រកាសរបស់ក្រសួងពាណិជ្ជកម្ម ការតាំងពិព័រណ៌អាកាសចរណ៍របស់រដ្ឋ Selangor លើកទី២ ក្នុងឆ្នាំ២០២២នេះ ធ្វើឡើងក្រោមប្រធានបទ «SELANGOR, The ASEAN business and General Aviation Hub»។ ពិព័រណ៌នេះ នឹងប្រព្រឹត្តទៅ ចាប់ពីថ្ងៃទី៨ ដល់ថ្ងៃទី១០ ខែកញ្ញា នៅមជ្ឈមណ្ឌលអាកាសចរណ៍ តំបន់ SkyPark រដ្ឋ Selangor ប្រទេសម៉ាឡេស៊ី។

 

តាមរយៈសេចក្តីប្រកាសនេះ ភាគីម៉ាឡេស៊ី បានស្នើដល់សមាគមពាក់ព័ន្ធនឹងវិស័យឧទ្ធម្ភាគចក្ររបស់កម្ពុជា ឱ្យចូលរួមក្នុងការតាំងពិព័រណ៌នេះ។ ការស្នើនេះ គឺដើម្បីបង្កើតបណ្ដាញទំនាក់ទំនង និងរដ្ឋ Selangor ក្លាយជាមជ្ឈមណ្ឌលសកម្មភាពដ៏ទាក់ទាញមួយសម្រាប់ឧស្សាហកម្ម និងធុរកិច្ចវិស័យអាកាសចរណ៍ទូទៅ និងបម្រើសេវាកម្មឧទ្ធម្ភាគចក្រទូទាំងតំបន់អាស៊ីគ្នេយ៍។

 

សម្រាប់ព័ត៌មានលម្អិត សូមចូលទៅកាន់គេហទំព័រ www.selangoraviationshow.com ឬទាក់ទង Ms. Liyana Kamil តាមរយៈលេខទូរស័ព្ទ ០93 997 434 និងអ៊ីម៉ែល [email protected] / [email protected] ៕