ជាតិ
យុវជន ជិត៩០០នាក់ទទួលបានការបណ្តុះបណ្តាលជំនាញទេសចរណ៍ផ្នែកបដិសណ្ឋារកិច្ច ពីកម្មវិធី«ហូកា» 23, Jul 2022 , 8:59 am
![លោក ប៉ាក់ សុខុម រដ្ឋលេខាធិការក្រសួងទេសចរណ៍ និងជាប្រធានគណៈកម្មការគ្រប់គ្រងគម្រោង«ហូកា»។ រូបថត៖ ក្រសួងទេសចរណ៍](https://image.thmeythmey.com/pictures/2022/07/22/thumb2/khon.jpg)
លោក ប៉ាក់ សុខុម រដ្ឋលេខាធិការក្រសួងទេសចរណ៍ និងជាប្រធានគណៈកម្មការគ្រប់គ្រងគម្រោង«ហូកា»។ រូបថត៖ ក្រសួងទេសចរណ៍
×![]()
ដោយ៖ ចៀន និតា
យុវជនខ្មែរជិត៩០០នាក់ក្នុងខេត្តចំនួន៩ ទទួលបានការបណ្តុះបណ្តាលជំនាញទេសចរណ៍ ផ្នែកបដិសណ្ឋារកិច្ច ពីគម្រោង «ហូកា»។ ក្នុងចំណោមយុវជនទាំងនេះ គឺមានស្រី ៥៩៦នាក់។
ឆមាសទីមួយឆ្នាំ២០២២ មានយុវជនចំនួន៨៨៤នាក់ ក្នុងខេត្តក្រចេះ ស្ទឹងត្រែង ព្រះវិហារ រតនគីរី និងមណ្ឌលគីរី សៀមរាប បាត់ដំបង ពោធិ៍សាត់ និងកំពង់ឆ្នាំង ទទួលបានបណ្តុះបណ្តាលលើជំនាញទេសចរណ៍ផ្នែកបដិសណ្ឋារកិច្ចពីកម្មវិធីហូកា។ នេះបើយោងតាមក្រសួងទេសចរណ៍ ដោយបញ្ជាក់ថា យុវជនដែលទទួលបានបណ្តុះបណ្តាលនេះ គឺមានទាំងអ្នកជំនាញដែលកំពុងបម្រើការងារបច្ចុប្បន្ន យុវជនទីទាល់ក្រ និងអ្នកជំណាញដែលបានឈប់សម្រាកពីការងារដោយវិបត្តិជំងឺកូវី-១៩។
បើតាមលោក ប៉ាក់ សុខុម រដ្ឋលេខាធិការក្រសួងទេសចរណ៍ និងជាប្រធានគណៈកម្មការគ្រប់គ្រងគម្រោង«ហូកា» ការអនុវត្តគម្រោងបណ្តុះបណ្តាលបដិសណ្ឋារកិច្ច ហូកា ដល់យុជននៅតាមតំបន់នានានេះ គឺជាការចូលរួមចំណែកដល់វិស័យទេសចរណ៍កម្ពុជា និងការពង្រឹងជំនាញវិជ្ជាជិវៈទេសចរណ៍។ លោក បន្ថែមថា ការបណ្តុះបណ្តាលនេះ គឺទទួលបានការគាំទ្រពីអង្គការ SwissContact អង្គការអន្តរជាតិខាងការងារ (ILO) និងអង្គការ UNIDO លើជំនាញសេវាកម្មម្ហូបអាហារ និងភេសជ្ជៈ ការិយាល័យជួរមុខ គេហកិច្ច ចុងភៅ ជំនាញឆុងការហ្វេនានា។
ជាមួយគ្នានេះលោក លោក Christain Volder Ide ប្រធានកម្មវិធីអភិវឌ្ឍន៍ជំនាញនេះ បានលើកឡើងថា តាមរយៈកិច្ចសហការដ៏ល្អនេះ អង្គការ SwissContact នឹងពង្រីកការបណ្តុះបណ្តាលបដិសណ្ឋារកិច្ច ហូកា ទៅខេត្តបាត់ដំបង ប៉ៃលិន ពោធិ៍សាត់ បន្ទាយមានជ័យ និងឧត្តរមានជ័យ ដែលជាគោលដៅអាទិភាព និងមានសក្តានុពលវិស័យទេសចរណ៍៕
© រក្សាសិទ្ធិដោយ thmeythmey.com