ជាតិ
មណ្ឌលគិរី រតនគិរី ព្រះវិហារ និងឧត្តរមានជ័យ បន្តចុះត្រជាក់ដល់១៥អង្សាសេ 28, Dec 2022 , 7:59 am
![ខេត្តមណ្ឌលគិរី រតនគិរី ព្រះវិហារ ឧត្តរមានជ័យបន្តចុះត្រជាក់ចន្លោះ១៥-១៧អង្សាសេមួយសប្ដាហ៍។ រូបភាពក្រសួងធនធានទឹក និងឧតុនិយម។](https://image.thmeythmey.com/pictures/2022/12/27/thumb2/m.jpg)
ខេត្តមណ្ឌលគិរី រតនគិរី ព្រះវិហារ ឧត្តរមានជ័យបន្តចុះត្រជាក់ចន្លោះ១៥-១៧អង្សាសេមួយសប្ដាហ៍។ រូបភាពក្រសួងធនធានទឹក និងឧតុនិយម។
×![]()
ភ្នំពេញ៖ ក្រសួងធនធានទឹក និងឧតុនិយម បានឱ្យដឹងថា ឥទ្ធិពលពីទ្រនុងសម្ពាធខ្ពស់ពីចិន និងខ្យល់មូសុងឦសាន្តក្នុងកម្រិតមធ្យម អាចបង្កឱ្យកម្ពុជា មានអាកាសធាតុត្រជាក់បង្គួរ ចាប់ពីថ្ងៃទី២៨ ធ្នូ ដល់ថ្ងៃទី៣ ខែមករា ឆ្នាំ២០២៣។ ពិសេសខេត្តចំនួនបួនអាចចុះត្រជាក់ចន្លោះពី១៧-១៥អង្សាសេ។
តាមការព្យាកររបស់ក្រសួងធនធានទឹក និងឧតុនិយម ទ្រនុងសម្ពាធខ្ពស់ពីចិន និងខ្យល់មូសុងឦសាន្ត អាចធ្វើឱ្យតំបន់ទំនាបកណ្ដាលមានធាតុអាកាសចុះត្រជាក់ក្នុងកម្រិតមធ្យម។ តំបន់ខ្ពង់រាប អាចចុះត្រជាក់ក្នុងកម្រិតបង្គួរ។ ជាមួយគ្នានេះ ខេត្តមណ្ឌលគិរី រតនគិរី ព្រះវិហារ និងឧត្តរមានជ័យ មានសីតុណ្ហភាពអប្បបរមា ចន្លោះពី១៧-១៥អង្សាសេ នាពេលព្រឹក និងយប់។ ចំពោះតំបន់មាត់សមុទ្រ អាចចុះត្រជាក់ក្នុងកម្រិតខ្សោយ៕
© រក្សាសិទ្ធិដោយ thmeythmey.com