ចាប់ពីឆ្នាំ២០១៤មក ស្ថាបត្យករខ្មែរដែលបានចុះបញ្ជីមានជិត១៤០០នាក់ក្នុងនោះស្ត្រី២០០នាក់

ជាតិ

ចាប់ពីឆ្នាំ២០១៤មក ស្ថាបត្យករខ្មែរដែលបានចុះបញ្ជីមានជិត១៤០០នាក់ក្នុងនោះស្ត្រី២០០នាក់

27, Dec 2022 , 9:59 pm

រូបភាព

អ្នកស្រី កែវ ម៉ាលីកា អគ្គនាយិកា ជាមួយ ស្ថាបត្យករ ជាច្រើនទៀត

ដោយ:

ភ្នំពេញ៖ រយៈពេលនៃការអនុវត្តចាប់តាំងពីឆ្នាំ២០១៤ មកដល់ដំណាច់ខែកញ្ញា ឆ្នាំ២០២២នេះ ស្ថាបត្យករខ្មែរចំនួន ១ ៣៧២នាក់ បានចុះបញ្ជីនៅគណៈស្ថាបត្យករកម្ពុជា ដែលក្នុងនោះមានស្ត្រី២០០នាក់។ នេះបើតាមរបាយការណ៍សមិទ្ធផលសង្ខេបរយៈពេល ៥ឆ្នាំរបស់ក្រសួងដែនដី នគររូបនីយកម្ម និងសំណង់។

ចុចទីនេះដើម្បីទទួលបានព័ត៌មានរហ័ស

របាយការណ៍ដែលចេញផ្សាយនៅថ្ងៃទី២៧ ខែធ្នូ បានលម្អិតពីការងារគណៈស្ថាបត្យករកម្ពុជាពីឆ្នាំ២០១៨ ដល់ខែកញ្ញា ឆ្នាំ២០២២ ដែលមានចំនួនស្ថាបត្យករសរុប ៨៥២នាក់ ក្នុងនោះខ្មែរ៧៣២នាក់ បរទេស១៣នាក់ ស្ថាបត្យករអាជីព៨០នាក់ និងស្ថាបត្យករអាស៊ាន២៧នាក់។

បើគិតចាប់តាំងពីផ្តើមអនុវត្តនៅឆ្នាំ២០១៤ ដល់ដំណាច់ខែកញ្ញា ឆ្នាំ២០២២ ស្ថាបត្យករចុះបញ្ជីសរុបចំនួន ១៥១៣នាក់ (ស្ត្រី២១៤នាក់) ក្នុងនោះស្ថាបត្យករខ្មែរ មាន១៣៧២នាក់ (ស្ត្រី២០០នាក់), ស្ថាបត្យករបរទេសមាន២៣នាក់ (ស្ត្រី២នាក់) ស្ថាបត្យករអាជីពមាន៨៧នាក់ (ស្ត្រី៩នាក់) និងស្ថាបត្យករអាស៊ាន៣១នាក់ (ស្ត្រី៣នាក់)៕

Tag:

ស្ថាបត្យករខ្មែរ