ជាតិ
សង្គមជាតិ
ក្រសួងសង្គមកិច្ច ចាប់ដៃគូជាមួយអង្គការចំនួន១២ ដើម្បីជួយកុមារ មនុស្សចាស់ និងជនមានពិការភាព 30, May 2024 , 10:19 pm
![](https://image.thmeythmey.com/pictures/2024/05/30/thumb2/c__1_.jpg)
×![]()
ក្រសួងសង្គមកិច្ច អតីតយុទ្ធជន និងយុវនីតិសម្បទា បានចុះហត្ថលេខាលើកិច្ចព្រមព្រៀងដែលមានថវិកាជាង ២៤លានដុល្លារ ជាមួយសមាគម និងអង្គការមិនមែនរដ្ឋាភិបាលចំនួន១២ ដែលធ្វើការងារផ្តោតលើក្រុមគោលដៅជាកុមារ មនុស្សចាស់ ជនមានពិការភាព និងជនរងគ្រោះ នៅភ្នំពេញ និងនៅតាមបណ្តាខេត្ត។ គម្រោងនេះ មានរយៈពេល៣ឆ្នាំ គឺពីឆ្នាំ២០២៤-២០២៧។
បើតាមការចុះផ្សាយរបស់ក្រសួងសង្គមកិច្ច ក្នុងចំណោមសមាគម និងអង្គការទាំង១២នេះ មានអង្គការមិនមែនរដ្ឋាភិបាលបរទេសចំនួន៦ និងអង្គការមិនមែនរដ្ឋាភិបាលក្នុងស្រុកចំនួន៦។
នៅក្នុងពិធីចុះហត្ថលេខានៅថ្ងៃទី៣០ ឧសភានេះ លោក ស៊ូនី វង្សវិសិដ្ឋ រដ្ឋលេខាធិការក្រសួងសង្គមកិច្ច បានមានប្រសាសន៍ថា ទាំងសមាគម និងអង្គការមិនមែនរដ្ឋាភិបាលបរទេស និងក្នុងស្រុក គឺជាដៃគូដ៏សំខាន់មិនអាចខ្វះបាន ក្នុងការចូលរួមចំណែកអភិវឌ្ឍន៍ប្រទេសកម្ពុជា។
លោក ស៊ូនី វង្សវិសិដ្ឋ រដ្ឋលេខាធិការក្រសួងសង្គមកិច្ច ក្នុងពិធីចុះហត្ថលេខាជាមួយសមាគន និងអង្គការមិនមែនរដ្ឋាភិបាល នៅថ្ងៃទី៣០ ឧសភា ឆ្នាំ២០២៤។ លោក ស៊ូនី វង្សវិសិដ្ឋ រដ្ឋលេខាធិការក្រសួងសង្គមកិច្ច
សូមបញ្ជាក់ថា ក្រសួងសង្គមកិច្ច បានចុះកិច្ចព្រមព្រៀងក្នុងភាពជាដៃគូ ជាមួយសមាគម អង្គការមិនមែនរដ្ឋាភិបាល ជាបន្តបន្ទាប់។ មកដល់ពេលនេះ មានសមាគម អង្គការមិនមែនរដ្ឋាភិបាលក្នុងស្រុក និងបរទេស បានចុះកិច្ចព្រមព្រៀងគម្រោងជាមួយក្រសួងសង្គមកិច្ច អតីតយុទ្ធជន និងយុវនីតិសម្បទា ដែលនៅមានសុពលភាពចំនួន ១៥៨គម្រោង ក្នុងនោះ១០២ គម្រោង ជាគម្រោងកិច្ចការពារកុមារ, ២០គម្រោង ជាគម្រោងពាក់ព័ន្ធនឹងកិច្ចការគ្រួសារ, ២០គម្រោង ពាក់ព័ន្ធនឹងកិច្ចគាំពារជនរងគ្រោះ, ១៥គម្រោងទាក់ទងនឹងជនមានពិការភាព និង១គម្រោង ទាក់ទងនឹងមនុស្សចាស់៕
រូបភាពទំព័រហ្វេសប៊ុក្រសួងសង្គមកិច្ច អតីតយុទ្ធជន និងយុវនីតិសម្បទា
Tag:
កុមារ
ជនមានពិការភាព
ជនងាយរងគ្រោះ
មនុស្សចាស់
© រក្សាសិទ្ធិដោយ thmeythmey.com