បើតាម សារមន្ទីរជាតិភ្នំពេញ រូបកឹងលើកយកមកបង្ហាញនេះ ជាសមុច្ច័យកំពុងដាក់តាំងនៅសារមន្ទីរជាតិ ដែលធ្វើពីឈើ គគីរ និងផ្តៅមានរាងដូចជាផ្ទះ ឬបន្ទប់មួយ មានទ្វារ បង្អួច និងក្បាច់ក្បូររចនាជាច្រើន។ សិល្បករខិតខំផ្ចិតផ្ចង់ឆ្លាក់លម្អិតផ្នែកនីមួយៗនៃកឹងនេះ និងមានក្បាច់ផ្កា ស្លឹក សត្វស្លាប ស្វា និងទន្សាយជាដើម។

ជញ្ជាំងបណ្តោយជា៥ផ្នែក គឺមានជញ្ជាំងបណ្តោយពីរដូចគ្នា។ ចំពោះជញ្ជាំងឆ្លងកាត់ដែលមានទ្វារហៅថាជញ្ជាំងខាងមុខ និងជញ្ជាំងខាងក្រោយ ជាប្រភេទចម្លាក់លៀន។ កឹងនេះ មានបណ្ដោយ ៥.៥០ម៉ែត្រ និងទទឹង ២.៨៧ ម៉ែត្រ។ កឹងកម្ពស់១.៧០ម៉ែត្រនេះ មានប្រភពមកពីវត្តធ្លក ខេត្តសៀមរាប ដែលស្ថិតក្នុងសតវត្សរ៍ទី១៩៕ 

សូមទស្សនារូបភាពខាងក្រោម៖