បើតាមក្រសួងសាធារណការ និងដឹកជញ្ជូន រថភ្លើងទាំង១១គ្រឿងនេះ ត្រូវបានគេកែសម្រួលលើប្រព័ន្ធជើងក្រោមដូចជា ប្រព័ន្ធហ្វ្រាំង និងពង្រួមទទឹងកង់ពី១០៦៧ មីលីម៉ែត្រ មក១០០០មិល្លីម៉ែត្រវិញ ដើម្បី ស្របតាមស្តង់ដារផ្លូវដែកកម្ពុជា។ ទន្ទឹមនេះ អ្នកបច្ចេកទេស ក៏កែទ្វារចេញ-ចូល ម៉ាស៊ីនត្រជាក់ ច្រកទ្វារសុវត្ថិភាព សម្ភារបរិក្ខារ និងការងារផ្សេងៗទៀត ដើម្បីធានាសុវត្ថិភាពសម្រាប់ការដឹកជញ្ជូនអ្នកដំណើរ។ 
 

សូមជម្រាបថា រថភ្លើងល្បឿនលឿន Kiha-183 បានដាក់ឱ្យបើកសាកល្បងជាបន្តបន្ទាប់ ចាប់តាំងពីថ្ងៃទី៨ ខែមិថុនាមក នៅលើផ្លូវដែកភាគខាងត្បូង ព្រះសីហនុ-ភ្នំពេញ និងភាគខាងជើង ភ្នំពេញ-ក្រុងប៉ោយប៉ែត។ ការបើកបរធ្វើតេស្តលើផ្លូវដែកភាគខាងត្បូង ក្នុងល្បឿនចន្លោះ៥០-៨០គីឡូម៉ែត្រក្នុង១ម៉ោង និងផ្លូវដែកភាគខាងជើង ចន្លោះពី៣០-៥០គីឡូម៉ែត្រក្នុង១ម៉ោង៕