កីឡាអន្តរជាតិ
អន្តរជាតិ
ក្រូអាស៊ីមិនខ្វល់ពីការបែកធ្លាយរូបងូតទឹកស្រាតរបស់ក្រុមកីឡាករនោះឡើយ 20, Jun 2014 , 4:01 pm
× រូបថតងូតទឹកស្រាតរបស់កីឡាករជម្រើសជាតិក្រូអាស៊ី នៅអាងទឹកមួយកន្លែងក្នុងពេលហ្វឹកហាត់របស់ពូកគេអំឡុងយុទ្ធនាការប្រកួតជម្រុះតាមពូលនៃពានរង្វាន់ FIFA World Cup នៅប្រទេសប្រេស៊ីល ត្រូវបានត្រូវបានសារព័ត៌មានក្នុងស្រុករបស់ខ្លួនចេញផ្សាយ កាលពីចុងសប្ដាហ៍កន្លងទៅ។
លោក Robert Kovac ជំនួយការគ្រូបង្វឹកក្រុមជម្រើសជាតិក្រូអាស៊ីបានលើកឡើងថា កីឡាករទាំងអស់គ្មានពាក្យអ្វីត្រូវថ្លែងក្រោយពេលឃើញដំណឹងមកពីស្រុកមានបង្ហាញរូបភាពអាក្រាត ដែលសារព័ត៌មានលួចថត។
លោកជំនួយការបានបន្ថែមថា សំណាងណាស់ដែលកីឡាកររបស់លោកយល់ពីស្ថានការ និង មានហេតុផលច្បាស់លាស់ មិនប្រតិកម្មមុនពេលប្រកួតជាមួយក្រុមកាមេរ៉ូន កាលពីម្សិលមិញ នាំឱ្យខូចការធំ។
លោក Kovac បញ្ជាក់ថាព្រមានទៅកាន់អ្នកលួចថតរូបថា ៖ «អ្វីៗជាស្ថិតក្នុងសិទ្ធឯកជន។ កីឡាករខ្ញុំមានពេលសម្រាក និង លេងបន្តិចបន្តួច ហើយស្ថានភាពនោះមិនអនុញ្ញាត្តិឱ្យមានការថតរូបនោះទេ»។ ប៉ុន្ដែយ៉ាងណាក៏ដោយលោកមិនចង់ចំណាយពេលឥតប្រយោជន៍ជាមួយព័ត៌មាន និង រូបភាពអស់ទាំងនេះទេ អ្វីដែលសំខាន់គឺការប្រកួតរបស់ក្រុមនៅពេលខាងមុខ៕
© រក្សាសិទ្ធិដោយ thmeythmey.com