អន្តរជាតិ
នយោបាយអន្តរជាតិ
លោកពូទីន ធ្វើទស្សនកិច្ចទៅឥណ្ឌារឹតបន្តឹងចំណងមិត្តភាព
10, Dec 2014 , 8:15 pm
×![]()
ដោយ: ថ្មីៗ
នៅថ្ងៃពុធនេះប្រធានាធិបតីរុស្ស៊ីលោក វ្លាឌីមៀ ពូទីន អញ្ជើញទៅដល់ទីក្រុងញូដេលីប្រទេសឥណ្ឌាហើយ ដើម្បីរឹតបន្តឹងចំណងមិត្តភាពរវាងប្រទេសទាំងពីរអោយកាន់តែល្អប្រសើរនិងស៊ីជម្រៅ។ ដំណើរទស្សនកិច្ចរបស់លោក ពូទីន រយៈពេលបីថ្ងៃទៅកាន់ប្រទេសឥណ្ឌានេះ ក្នុងគោលបំណងបង្កើនទំនាក់ទំនងពាណិជ្ជកម្ម ការទូត និងសន្តិសុខទ្វេភាគី។ 
ប្រធានាធិបតីរុស្ស៊ីលោក វ្លាឌីមៀ ពូទីន ធ្វើដំណើរទស្សនកិច្ចទៅកាន់ប្រទេសមហាយក្សអាស៊ីខាងត្បូងឥណ្ឌារយៈពេលបីថ្ងៃ ដែលដំណើរទស្សនកិច្ចននេះចាប់ផ្តើមនៅថ្ងៃពុធនេះ។ លោក ពូទីន ទៅកាន់ទីក្រុងដែលីនៅថ្ងៃពុធនេះ ដោយកាលវិភាគនៃដំណើរទស្សនកិច្ចរបស់លោកហាក់បីដូចជាមរមាញឹកខ្លាំងណាស់ ព្រោះលោកត្រូវជួបពិភាក្សាទ្វេភាគីជាមួយសមភាគីរបស់លោក លោក នារិន្ត្រា ម៉ូឌី។ ដំណើរទស្សនកិច្ចផ្លូវរដ្ឋរបស់មេដឹកនាំកំពូលរុស្ស៊ីទៅកាន់ប្រទេសឥណ្ឌា បានបង្ហាញយ៉ាងច្បាស់ពីការខិតខំប្រែងរៀបចំបង្កើនចំណងមិត្តភាពជាមួយគ្នាអោយកាន់តែស៊ីជម្រៅ។ គោលបំណងនៃការទស្សនកិច្ចលើកនេះដែរ គឺលោក វ្លាឌីមៀ ពូទីន ចង់អភិវឌ្ឍចំណងមិត្តភាពទ្វេភាគីរវាងប្រទេសទាំងពីរលើវិស័យសំខាន់ៗមួយចំនួនមាន វិស័យសន្តិសុខ ការពារជាតិ និងវិស័យសេដ្ឋកិច្ច ពាណិជ្ជកម្មថែមទៀតផង។
ក្នុងដំណើរទស្សនកិច្ចនេះ គេរំពឹងថា មេដឹកនាំរុស្ស៊ី និងជួបពិភាក្សាជាមួយនាយករដ្ឋមន្ត្រីថ្មីរបស់ឥណ្ឌា នារិន្ត្រា ម៉ូឌី នៅក្នុងវិមានរដ្ឋាភិបាលឥណ្ឌាដើម្បីកំណត់គោលដៅនានាដើម្បីឈានទៅសម្រេចអោយបាននូវទំនាក់ទំនងពាណិជ្ជកម្ម និងវិស័យការពារជាតិទ្វេភាគីអោយបានយូរអង្វែង។ មិនត្រឹមតែប៉ុណ្ណោះទេសម្រាប់ថ្ងៃស្អែកនេះ លោក ពូទីន នឹងចូលរួមថ្លែងសុន្ទកថានៅក្នុងសភាឥណ្ឌាផងដែរ និងបន្ទាប់ពីនេះលោក ពូទីន នឹងបន្តចូលរួមក្នុងសន្និសីទកំពូលប្រចាំឆ្នាំលើកទី១៥រវាងរុស្ស៊ី និងឥណ្ឌា។
មិនត្រឹមតែប៉ុណ្ណោះទេ ក្នុងជំនួបទ្វេភាគីរវាងមេដឹកនាំទាំងពីរ រ បៀបវារៈសំខាន់គឺផ្តោតទៅលើបញ្ហាពាណិជ្ជកម្ម និងការវិនិយោគ។ ហើយកិច្ចព្រមព្រៀងចំនួនប្រមាណ ១០ ដែលមេដឹកនាំទាំងពីរនឹងចុះហត្ថលេខា ហើយលោក ពូទីន និងលោក ម៉ូឌី ក៏នឹងពិភាក្សាបន្ថែមដើម្បីត្រួតត្រាយផ្លូវដើម្បីអោយប្រទេសទាំងអាចបង្កើនកិច្ចសហប្រតិបត្តិការក្នុងវិស័យអប់រំ និងវិស័យទេសចរណ៍ជាដើម។ យ៉ាងណាក៏ដោយក្រៅពីបង្កើនទំនាក់ទំនងពាណិជ្ជកម្ម សេដ្ឋកិច្ច យោធា ប្រទេសទាំងពីរក៏បានកំណត់ថានឹងបង្កើនតម្លៃនៃទំនាក់ទំនងពាណិជ្ជកម្មអោយដល់ ២០ពាន់លានដុល្លាត្រឹមឆ្នាំ ២០១៥ខាងមុខ។
គួរបញ្ជាក់ថា ដំណើរទស្សនកិច្ចរបស់លោកពូទីនទៅកាន់ប្រទេសឥណ្ឌា បង្ហាញពីទំនាក់ទំនងស៊ីជម្រៅរវាងមហាអំណាចទាំងពីរ ស្របពេលដែលរុស្ស៊ីកំពុងប្រឈមមុខជាមួយលោកខាងលិចក្នុងសំណុំរឿងអ៊ុយក្រែន៕
ប្រធានាធិបតីរុស្ស៊ីលោក វ្លាឌីមៀ ពូទីន ធ្វើដំណើរទស្សនកិច្ចទៅកាន់ប្រទេសមហាយក្សអាស៊ីខាងត្បូងឥណ្ឌារយៈពេលបីថ្ងៃ ដែលដំណើរទស្សនកិច្ចននេះចាប់ផ្តើមនៅថ្ងៃពុធនេះ។ លោក ពូទីន ទៅកាន់ទីក្រុងដែលីនៅថ្ងៃពុធនេះ ដោយកាលវិភាគនៃដំណើរទស្សនកិច្ចរបស់លោកហាក់បីដូចជាមរមាញឹកខ្លាំងណាស់ ព្រោះលោកត្រូវជួបពិភាក្សាទ្វេភាគីជាមួយសមភាគីរបស់លោក លោក នារិន្ត្រា ម៉ូឌី។ ដំណើរទស្សនកិច្ចផ្លូវរដ្ឋរបស់មេដឹកនាំកំពូលរុស្ស៊ីទៅកាន់ប្រទេសឥណ្ឌា បានបង្ហាញយ៉ាងច្បាស់ពីការខិតខំប្រែងរៀបចំបង្កើនចំណងមិត្តភាពជាមួយគ្នាអោយកាន់តែស៊ីជម្រៅ។ គោលបំណងនៃការទស្សនកិច្ចលើកនេះដែរ គឺលោក វ្លាឌីមៀ ពូទីន ចង់អភិវឌ្ឍចំណងមិត្តភាពទ្វេភាគីរវាងប្រទេសទាំងពីរលើវិស័យសំខាន់ៗមួយចំនួនមាន វិស័យសន្តិសុខ ការពារជាតិ និងវិស័យសេដ្ឋកិច្ច ពាណិជ្ជកម្មថែមទៀតផង។
ក្នុងដំណើរទស្សនកិច្ចនេះ គេរំពឹងថា មេដឹកនាំរុស្ស៊ី និងជួបពិភាក្សាជាមួយនាយករដ្ឋមន្ត្រីថ្មីរបស់ឥណ្ឌា នារិន្ត្រា ម៉ូឌី នៅក្នុងវិមានរដ្ឋាភិបាលឥណ្ឌាដើម្បីកំណត់គោលដៅនានាដើម្បីឈានទៅសម្រេចអោយបាននូវទំនាក់ទំនងពាណិជ្ជកម្ម និងវិស័យការពារជាតិទ្វេភាគីអោយបានយូរអង្វែង។ មិនត្រឹមតែប៉ុណ្ណោះទេសម្រាប់ថ្ងៃស្អែកនេះ លោក ពូទីន នឹងចូលរួមថ្លែងសុន្ទកថានៅក្នុងសភាឥណ្ឌាផងដែរ និងបន្ទាប់ពីនេះលោក ពូទីន នឹងបន្តចូលរួមក្នុងសន្និសីទកំពូលប្រចាំឆ្នាំលើកទី១៥រវាងរុស្ស៊ី និងឥណ្ឌា។
មិនត្រឹមតែប៉ុណ្ណោះទេ ក្នុងជំនួបទ្វេភាគីរវាងមេដឹកនាំទាំងពីរ រ បៀបវារៈសំខាន់គឺផ្តោតទៅលើបញ្ហាពាណិជ្ជកម្ម និងការវិនិយោគ។ ហើយកិច្ចព្រមព្រៀងចំនួនប្រមាណ ១០ ដែលមេដឹកនាំទាំងពីរនឹងចុះហត្ថលេខា ហើយលោក ពូទីន និងលោក ម៉ូឌី ក៏នឹងពិភាក្សាបន្ថែមដើម្បីត្រួតត្រាយផ្លូវដើម្បីអោយប្រទេសទាំងអាចបង្កើនកិច្ចសហប្រតិបត្តិការក្នុងវិស័យអប់រំ និងវិស័យទេសចរណ៍ជាដើម។ យ៉ាងណាក៏ដោយក្រៅពីបង្កើនទំនាក់ទំនងពាណិជ្ជកម្ម សេដ្ឋកិច្ច យោធា ប្រទេសទាំងពីរក៏បានកំណត់ថានឹងបង្កើនតម្លៃនៃទំនាក់ទំនងពាណិជ្ជកម្មអោយដល់ ២០ពាន់លានដុល្លាត្រឹមឆ្នាំ ២០១៥ខាងមុខ។
គួរបញ្ជាក់ថា ដំណើរទស្សនកិច្ចរបស់លោកពូទីនទៅកាន់ប្រទេសឥណ្ឌា បង្ហាញពីទំនាក់ទំនងស៊ីជម្រៅរវាងមហាអំណាចទាំងពីរ ស្របពេលដែលរុស្ស៊ីកំពុងប្រឈមមុខជាមួយលោកខាងលិចក្នុងសំណុំរឿងអ៊ុយក្រែន៕
© រក្សាសិទ្ធិដោយ thmeythmey.com
