កីឡាជាតិ
ជាតិ
ប្រកួតបើកឆាក ស្វាយរៀង ប៉ះក្រុមមកពីឡាវ រីម្ចាស់ផ្ទះប៉ះក្រុមក្នុងស្រុក 22, Dec 2014 , 10:01 am
× ក្រុមបាល់ទាត់ខេត្តស្វាយរៀង របស់កម្ពុជា ត្រូវប្រកួតបើកឆាកនៅម៉ោង ៨:៣០ នាទីព្រឹកថ្ងៃទី ២២ ខែ ធ្នូ ឆ្នាំ ២០១៤ ក្នុងពានរង្វាន់ Number One Cup ដែលរៀបចំឡើងនៅកីឡដ្ឋានខេត្តប៊ីងភឿក ប្រទេសវៀតណាម ដោយប៉ះក្រុមបាល់ទាត់ខេត្ត Champasak របស់ប្រទេសឡាវ។
ពានរង្វាន់នេះមានក្រុមចូលរួមចំនួន ៨ ចែកជា ២ ពូល។ ឆ្លងតាមការចាប់ឆ្នោតជ្រើសរើសពូលពីរសៀលម្សិលមិញ ពូល A មានក្រុមម្ចាស់ផ្ទះ បញ្ជាការយោធាខេត្តប៊ីងភឿក, ក្រុមកងពលធំ លេខ៤ របស់វៀតណាម, ក្រុម Champasak របស់ឡាវ និង ក្រុមខេត្តស្វាយរៀង របស់កម្ពុជា។ ចំណែកពូល B មានក្រុម ចម្ការកៅស៊ូបឹងកេត និង អគ្គស្នងការដ្ឋាននគរបាលជាតិ របស់កម្ពុជា, ក្រុមយោធភូមិភាគលេខ៧ ក្រុមបញ្ជាការដ្ឋានខេត្តប៊ីញយឿត។
តាមគម្រោងពិធីបើកនឹងចាប់ផ្ដើមនៅម៉ោង ២ :៣០ នាទីរសៀល ចំពេលក្រុមម្ចាស់ស្រុក បញ្ជាការយោធាខេត្តប៊ីងភឿក ត្រូវប៉ះក្រុមកងពលធំ លេខ៤ នៅវគ្គជម្រុះពូល A វេលាម៉ោង ៣ រសៀល។
ពាន Number One Cup រៀបចំឡើងពីថ្ងៃទី ២២ ដល់ ៣១ ខែ ធ្នូ ឆ្នាំ ២០១។ ឆ្លងតាមការប្រជុំក្រុមពីម្សិលមិញ អ្នកឈ្នះជើងឯកនឹងទទួលបានពានរង្វាន់ ១ អមដោយប្រាក់រង្វាន់ ៤០០០$ ហើយក្រុមជើងឯករងនឹងទទួលបាន ២៥០០$ និងក្រុមចំណាត់ថ្នាក់លេខ ៣ នឹងទទួលបាន ២០០០$។
យោងតាមកម្មវិធី ពូល B នឹងធ្វើការប្រកួតជម្រុះនៅថ្ងៃស្អែកម្ដង ខណៈក្រុមខេត្តស្វាយរៀង បានចេញដំណើរទៅមុនគេ ក្នុងចំណោមក្រុមកម្ពុជាទាំង ៣ ពោលគឺតាំងពីថ្ងៃទី ១៨ ខែ ធ្នូ ឆ្នាំ ២០១៤ ដោយមានថ្នាក់ដឹកនាំចំនួន ៨ នាក់អមដោយកីឡាករចំនួន ២០ នាក់តាមជើងរថយន្តក្រុងពីកម្ពុជាទៅវៀតណាម ផ្ទាល់តែម្ដង៕
© រក្សាសិទ្ធិដោយ thmeythmey.com