កីឡាអន្តរជាតិ
អន្តរជាតិ
តើអ្នកណាជាម្ចាស់ពាន FIFA Ballond’orនិងគ្រូបង្វឹកឆ្នើមប្រចាំឆ្នាំ២០១៤ 12, Jan 2015 , 7:00 pm
![](https://image.thmeythmey.com/pictures/2015/01/12/thumb2/ballon_dor.jpg)
×![]()
សហព័ន្ធកីឡាបាល់ទាត់អន្តរជាតិ (FIFA) និងទស្សនាវដ្តីបារាំង France Football នឹងរៀបចំពិធីប្រគល់ពាន FIFA Ballon d’Or, FIFA Women’s World Player of the Year និងគ្រូឆ្នើមប្រចាំឆ្នាំ២០១៤ នារាត្រីវេលាម៉ោង១២និង៣០នាទី (ម៉ោងនៅកម្ពុជា)។ ពិធីនឹងរៀបចំឡើងនៅសាល Kongresshausក្នុងទីក្រុងហ្ស៊ួរិច ប្រទេសស្វ៊ីស។
សម្រាប់ពាន FIFA Ballon d’Or កីឡាករឆ្នើមបីរូបដែលត្រូវប្រជែងគ្នារួមមាន ខ្សែប្រយុទ្ធ Cristiano Ronaldo (ព័រទុយហ្គាល់/Real Madrid) ខ្សែប្រយុទ្ធ Lionel Messi (អាហ្សង់ទីន/Barcelona) និងអ្នកចាំទី Manuel Neuer (អាល្លឺម៉ង់/Bayern Munich)។
ដោយឡែកគ្រូបង្វឹកបីនាក់ដែលស្ថិតក្នុងបញ្ជីចុងក្រោយ រួមមានលោក Carlo Ancelotti (អ៊ីតាលី/Real Madrid) លោក Joachim Loew (អាល្លឺម៉ង់/ជម្រើសជាតិអាល្លឺម៉ង់) និងលោក Diego Simeone (អាហ្សង់ទីន/Atletico Madrid)។
ចំពោះពានកីឡាការិនីឆ្នើមប្រចាំឆ្នាំ កីឡាការិនីបីរូបរួមមាន Nadine Kessler (អាល្លឺម៉ង់), Marta (ប្រេស៊ីល) និង Abby Wambach (អាមេរិក)។រីឯគូប្រជែងសម្រាប់ពានបាល់ទាត់ផ្នែកនារី មាន លោក Ralf Kellermann (អាល្លឺម៉ង់/ស្ត្រី VfL Wolfsburg) លោកស្រី MarenMeinert (អាល្លឺម៉ង់/ស្ត្រីជម្រើសជាតិអាល្លឺម៉ង់អាយុក្រោម១៩ និង២០ឆ្នាំ)និងលោក Norio Sasaki (ជប៉ុន/ស្ត្រីជម្រើសជាតិជប៉ុន)។
ការបោះឆ្នោតជ្រើសរើសកីឡាករ-កីឡាការិនីឆ្នើមប្រចាំឆ្នាំមានការចូលរួមពីសំណាក់ប្រធានក្រុម គ្រូបង្វឹកនៃក្រុមជម្រើសជាតិបុរសនិងនារីនៃសមាជិកចំនួន២០៩របស់ FIFA រួមទាំងតំណាងអ្នកសារព័ត៌មានអន្តរជាតិដែលត្រូវបានជ្រើសរើសដោយ FIFAនិង France Football ផងដែរ។
ខ្សែប្រយុទ្ធចំនួន១៥នាក់ អ្នកចាំទី៥នាក់ ខ្សែការពារ២០នាក់និងខ្សែបម្រើ១៥នាក់កំពុងស្ថិតក្នុងបញ្ជីសម្រាប់ពាន FIFA FIFPro World XI ។ដោយឡែកកីឡាករបីនាក់ចុងក្រោយសម្រាប់ពានគ្រាប់បាល់បញ្ចូលទីល្អដាច់គេ FIFA Puskas Award រួមមាន Stephanie Roche (២០ តុលា ឆ្នាំ២០១៣ )រវាងក្រុម Peamount United និងក្រុម Wexford Youths ក្នុងក្របខណ្ឌ BEWNL (សាធារណរដ្ឋអៀរឡង់) កីឡាករ James Rodriguez (២៨ មិថុនា ឆ្នាំ២០១៤ )រវាងកូឡុំប៊ី និងអ៊ុយរូហ្គាយ ក្នុងព្រឹត្តិការណ៍ 2014 FIFA World Cup និង Robin van Persie (១៣ មិថុនា ឆ្នាំ២០១៤ ) រវាងអេស្ប៉ាញនិងហូឡង់ ក្នុងព្រឹត្តិការណ៍ 2014 FIFA World Cup។
ជាមួយគ្នានេះក៏នឹងមានបេក្ខភាពដែលត្រូវទទួលពានរង្វាន់ FIFA Presidential Award និង FIFA Fair Play ផងដែរ៕
© រក្សាសិទ្ធិដោយ thmeythmey.com