កីឡាជាតិ
កីឡាអន្តរជាតិ
ជាតិ
FIFA Ballon d’Or៖ Ronaldo បានសំឡេងគាំទ្រលើសគូប្រជែងជាងពាក់កណ្តាល 13, Jan 2015 , 11:56 am
![](https://image.thmeythmey.com/pictures/2015/01/13/thumb2/1312015115721ronaldo.jpg)
×![]()
ខ្សែប្រយុទ្ធព័រទុយហ្គាល់ Cristiano Ronaldo នៃក្លិប Real Madrid បានក្លាយជាម្ចាស់ពាន FIFA Ballon d’Or ជាលើកជាទីបី ជាមួយនឹងសំឡេងគាំទ្រលើសខ្សែប្រយុទ្ធអាហ្សង់ទីន Lionel Messi និងអ្នកចាំទីអាល្លឺម៉ង់ Manuel Neuer ជាងពាក់កណ្តាល។ ស្របពេលជាមួយគ្នា លោក Joachim Loew គ្រូបង្វឹកក្រុមជម្រើសជាតិអាល្លឺម៉ង់ ទទួលបានការគាំទ្រច្រើនជាង លោក Carlo Ancelotti គ្រូបង្វឹក Real Madrid និងលោក Diego Simeone គ្រូបង្វឹក Atletico Madrid។
លទ្ធផលពិស្តាស្តីពីការបោះឆ្នោតគាំទ្
រពីសំណាក់មនុស្ស៥៤៤នាក់ (គ្រូបង្វឹកក្រុមជម្រើសជាតិ ប្រធានក្រុមជម្រើសជាតិ និងអ្នកសារព័ត៌មានដែលជ្រើសរើសដោយទស្សនាវដ្តី France Football) ត្រូវបានផ្សព្វផ្សាយនៅលើគេហទំព័រសហព័ន្ធកីឡាបាល់ទាត់អន្តរជាតិ (FIFA) បន្ទាប់ពីពិធីចែករង្វាន់កាលពីរាត្រីថ្ងៃចន្ទ ទី១២ ខែមករា ឆ្នាំ២០១៥ នៅក្នុងទីក្រុងហ្សួរិច ប្រទេសស្វីស។
ខ្សែប្រយុទ្ធ Cristiano Ronaldo ទទួលបានសំឡេងគាំទ្រ ៣៧,៦៦ភាគរយ ខណៈខ្សែប្រយុទ្ធ Lionel Messi ទទួលបាន១៥,៧៦ភាគរយ និងអ្នកចាំទី Manuel Neuer បាន១៥,៧២ភាគរយ។ កីឡាករដែលទទួលបានសំឡេងគាំទ្រជាបន្តបន្ទាប់ (ក្រោម១០ភាគរយ) រួមមាន Arjen Robben, Thomas Mueller, Philipp Lahm, Neymar, James Rodriguez។
ទាក់ទងនឹងពានរង្វាន់គ្រូបង្វឹកឆ្នើម (FIFA World Coach) វិញ លោក Joachim Loew ទទួលបានសំឡេងគាំទ្រ៣៦,២៣ភាគរយ ខណៈគូប្រជែងរបស់ខ្លួន គឺលោក Carlo Ancelotti បាន ២២,០៦ភាគរយ និងលោក Diego Simeone បាន១៩,០២ភាគរយ។ គ្រូបង្វឹកដែលទទួលបានសំឡេងគាំទ្រជាបន្តបន្ទាប់រួមមាន លោក Pep Guardiola លោក Jose Mourinho និងលោក Louis Van Gaal។
![](https://fbcdn-sphotos-b-a.akamaihd.net/hphotos-ak-xfp1/v/t1.0-9/10389297_774744475935024_4457627374262304690_n.jpg?oh=793b149f85e1aec1a40f7ea3e069e36f&oe=556DB82B&__gda__=1433174434_592ac226e18697037b943c687b442cde)
សម្រាប់សំឡេងបោះឆ្នោតពីកម្ពុជា គ្រូបង្វឹកកូរ៉េខាងត្បូងដែលដឹកនាំក្រុមជម្រើសជាតិកម្ពុជា លោក Lee Tae Hoon និងលោក អ៊ឹង ចំរើន និពន្ធនាយករងសារព័ត៌មានថ្មីៗ បានផ្តល់ម្នាក់៥ពិន្ទុដល់ខ្សែប្រយុទ្ធ Ronaldo។ បន្ទាប់ពី Ronaldo លោក Lee ឲ្យបីពិន្ទុទៅ Lionel Messi និង១ពិន្ទុទៅ Philipp Lahm ខណៈលោក ចំរើន បោះឲ្យ Thomas Mueller និង Diego Costa សម្រាប់តំណែងលេខពីរ និងលេខបី។ ដោយឡែក ជម្រើសរបស់ប្រធានក្រុមគួច សុគម្ភៈ រួមមាន Lionel Messi, Karim Benzema និង Andres Iniesta។
ចំពោះសំឡេងគាំទ្រដល់គ្រូបង្វឹក លោក Joachim Loew ទទួលបាន៥ពិន្ទុពីលោក អ៊ឹង ចំរើន។ លោក ចំរើន បានផ្តល់៣ពិន្ទុដល់លោក Carlo Ancelotti និង១ពិន្ទុដល់លោក Diego Simone។ គ្រូបង្វឹកដែលលោក Lee Tae Hoon បោះឆ្នោតឲ្យមាន លោក Diego Simone លោក Jose Mourinho និងលោក Carlo Ancelotti ខណៈជម្រើសរបស់គួច សុគម្ភៈ រួមមាន លោក Pep Guardiola លោក Jose Mourinho និងលោក Diego Simone៕
សម្រាប់លទ្ធផលពិស្តា៖
© រក្សាសិទ្ធិដោយ thmeythmey.com