ជាតិ
សង្គមជាតិ
អង្រុតយក្ស មួកយក្ស ជាប់ឯតទគ្គកម្មជាតិដំបូងនៅកម្ពុជា
15, Apr 2015 , 6:45 pm
×![]()
ដោយ: ថ្មីៗ
សៀមរាប៖ អង្រុតយក្ស មួកយក្ស កន្ត្រង់ប្រហុកយក្ស និងបំពង់ទឹកត្នោតយក្ស ដែលធំជាងសម្ភារធម្មតានោះ រាប់រយដង បានជាប់ឯតទគ្គកម្មថ្នាក់ជាតិដំបូងនៅកម្ពុជា។ សម្ភារវប្បធម៌របស់ខ្មែរដែលផលិតឡើងដោយអ្នកស្រុកអង្គរពោលគឺជាស្នាដៃរបស់ប្រជាជននៅភូមិប្រដាក់ ខេត្តសៀមរាប កំពុងទទួលការចាប់អារម្មណ៍យ៉ាងខ្លាំង ពីសំណាក់អ្នកទស្សនាក្នុងព្រឹត្តិការណ៍អង្គរសង្ក្រាន្ត។
អ្នកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ជាអ្នកប្រកាសទទួលស្គាល់នូវសម្ភារៈប្រើប្រាស់ប្រពៃណីរបស់ខ្មែរធំៗទាំង ៤ នោះ ថា ជាវត្ថុជាប់ក្នុងឯតទគ្គកម្មថ្នាក់ជាតិដំបូងជាងគេនៅកម្ពុជា ។ ក្រៅពីនិយាយសរសើរដល់អ្នកច្នៃប្រឌិតវត្ថុទាំងនោះ អ្នកស្រីរដ្ឋមន្ត្រី ក៏បានបញ្ជាក់ថា ការផលិតអង្រុតយក្ស មួកយក្ស កន្ត្រង់ប្រហុកយក្ស និងបំពង់ទឹកត្នោតយក្សទាំងនេះ គឺជាការបង្ហាញនូវវប្បធម៌អរូបិយរបស់ខ្មែរតាំងពីបុរាណកាលមក។ សម្រាប់អ្នកស្រី សម្ភារនេះ គឺជាអច្ឆរិយៈទេពកោសល្យរបស់ដូនតាខ្មែរ។
លោក សុខ សង្វា កូនប្រុសលោក សុខ អាន អ្នកទទួលខុសត្រូវការតាំងសម្ភារវប្បធម៌ ក្នុងបរិវេណភូមិខ្ញុំ បាននិយាយថា មួកយក្ស ធ្វើដោយមនុស្ស ១៤ នាក់ ដែលជាមួកធំជាងមួកធម្មតា ១៥០ ដង ប្រើប្រាស់ស្លឹកត្នោតអស់ ៦០ គីឡូក្រាម និងអំបោស ១, ៥ គីឡូក្រាម។ រីឯកន្ត្រង់ប្រហុកក្សវិញ ធ្វើដោយមនុស្ស ១១ នាក់រយៈពេល ៧ ថ្ងៃ ។ កន្ត្រង់ប្រហុកនេះ ធំជាងកន្រង់ប្រហុកធម្មតា ១៥២ ដង ។ ចំណែកអង្រុតយក្សធ្វើដោយមនុស្ស ចំនួន១១នាក់ ប្រើរយៈពេល២៤ថ្ងៃ មានទំហំធំជាងអង្រុតធម្មតាចំនួន២២០ដង ដោយប្រើប្រាស់ឬស្សីចំនួន៣៧ដើមពុះជា១១០ចំរៀក ផ្តៅចំនួន២៤០ដើម ដែកសសៃលួសចំនួន១គីឡូក្រាម និងដែកគោល១១០ដើម។
សូមបញ្ជាក់ថា នៅក្នុងព្រឹត្តិការណ៍អង្គរសង្ក្រាន្ត ដែលប្រារព្ធធ្វើនៅខេត្តសៀមរាបនៅឆ្នាំនេះ អង្រុតយក្ស មួកយក្ស កន្ត្រង់ប្រហុកយក្ស បំពង់ទឹកត្នោតយក្ស ត្រូវបានសហភាពសហព័ន្ធយុវជនកម្ពុជា បានដាក់តាំងនៅក្នុងបរិវេណភូមិខ្ញុំ ដើម្បីឲ្យប្រជាជនដែលមកចូលរួមក្នុងព្រឹត្តិការណ៍នេះ បានទស្សនាកម្សាន្ត៕
អ្នកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ជាអ្នកប្រកាសទទួលស្គាល់នូវសម្ភារៈប្រើប្រាស់ប្រពៃណីរបស់ខ្មែរធំៗទាំង ៤ នោះ ថា ជាវត្ថុជាប់ក្នុងឯតទគ្គកម្មថ្នាក់ជាតិដំបូងជាងគេនៅកម្ពុជា ។ ក្រៅពីនិយាយសរសើរដល់អ្នកច្នៃប្រឌិតវត្ថុទាំងនោះ អ្នកស្រីរដ្ឋមន្ត្រី ក៏បានបញ្ជាក់ថា ការផលិតអង្រុតយក្ស មួកយក្ស កន្ត្រង់ប្រហុកយក្ស និងបំពង់ទឹកត្នោតយក្សទាំងនេះ គឺជាការបង្ហាញនូវវប្បធម៌អរូបិយរបស់ខ្មែរតាំងពីបុរាណកាលមក។ សម្រាប់អ្នកស្រី សម្ភារនេះ គឺជាអច្ឆរិយៈទេពកោសល្យរបស់ដូនតាខ្មែរ។
លោក សុខ សង្វា កូនប្រុសលោក សុខ អាន អ្នកទទួលខុសត្រូវការតាំងសម្ភារវប្បធម៌ ក្នុងបរិវេណភូមិខ្ញុំ បាននិយាយថា មួកយក្ស ធ្វើដោយមនុស្ស ១៤ នាក់ ដែលជាមួកធំជាងមួកធម្មតា ១៥០ ដង ប្រើប្រាស់ស្លឹកត្នោតអស់ ៦០ គីឡូក្រាម និងអំបោស ១, ៥ គីឡូក្រាម។ រីឯកន្ត្រង់ប្រហុកក្សវិញ ធ្វើដោយមនុស្ស ១១ នាក់រយៈពេល ៧ ថ្ងៃ ។ កន្ត្រង់ប្រហុកនេះ ធំជាងកន្រង់ប្រហុកធម្មតា ១៥២ ដង ។ ចំណែកអង្រុតយក្សធ្វើដោយមនុស្ស ចំនួន១១នាក់ ប្រើរយៈពេល២៤ថ្ងៃ មានទំហំធំជាងអង្រុតធម្មតាចំនួន២២០ដង ដោយប្រើប្រាស់ឬស្សីចំនួន៣៧ដើមពុះជា១១០ចំរៀក ផ្តៅចំនួន២៤០ដើម ដែកសសៃលួសចំនួន១គីឡូក្រាម និងដែកគោល១១០ដើម។
សូមបញ្ជាក់ថា នៅក្នុងព្រឹត្តិការណ៍អង្គរសង្ក្រាន្ត ដែលប្រារព្ធធ្វើនៅខេត្តសៀមរាបនៅឆ្នាំនេះ អង្រុតយក្ស មួកយក្ស កន្ត្រង់ប្រហុកយក្ស បំពង់ទឹកត្នោតយក្ស ត្រូវបានសហភាពសហព័ន្ធយុវជនកម្ពុជា បានដាក់តាំងនៅក្នុងបរិវេណភូមិខ្ញុំ ដើម្បីឲ្យប្រជាជនដែលមកចូលរួមក្នុងព្រឹត្តិការណ៍នេះ បានទស្សនាកម្សាន្ត៕
© រក្សាសិទ្ធិដោយ thmeythmey.com
