ជាតិ
កម្ពុជាគ្រោងបើកស្ថានទូតថ្មីនៅប្រទេសអេហ្ស៊ីប
23, Apr 2015 , 12:00 pm
×![]()
ដោយ: ថ្មីៗ
កម្ពុជាគ្រោងបើកស្ថានទូតថ្មីនៅប្រទេសអេហ្ស៊ីប បន្ទាប់ពីស្ថានភាពប្រទេសអេហ្ស៊ីប បានវិលមកភាពល្អប្រសើឡើងវិញ។ គម្រោងនៃការបើកស្ថានទូតកម្ពុជាថ្មីនេះ ធ្វើឡើងនៅក្នុងកិច្ចពិភាក្សាទ្វេរភាគីរវាងលោកនាយករដ្ឋមន្ត្រី ហ៊ុន សែន និងនាយករដ្ឋមន្ត្រីប្រទេសអេហ្ស៊ីប លោក អ៊ីប្រាហ៊ីម ម៉ាហឡេប (Ibrahim Mahlah)ក្រោយពីជំនួបក្នុងកិច្ចប្រជុំកំពូលអាស៊ីអាហ្វ្រិក។ជាមួយគ្នានេះប្រមុខរដ្ឋាភិបាលកម្ពុជា-អេហ្ស៊ីប បានឯកភាពគ្នាក្នុងការជំរុញកិច្ចសហប្រតិបត្តិការប្រទេសទាំងពីរ ឲ្យកាន់តែរឹងមាំនិងរីកចម្រើនទ្វេឡើងថែមទៀត ។
យោងតាមទូរទស្សន៍ជាតិកម្ពុជា (TVK)ក្នុងជំនួបពិភាក្សាគ្នាកាលពីរសៀលថ្ងៃទី២២ ខែមេសារលោកនាយករដ្ឋមន្ត្រី ហ៊ុន សែន និងនាយករដ្ឋមន្ត្រីប្រទេសអេហ្ស៊ីប លោកអ៊ីប្រាហ៊ីម ម៉ាហឡេប បានពិភាក្សាគ្នាជុំវិញការបើកស្ថានឯកអគ្គរាជទូតប្រទេសកម្ពុជានៅក្នុងទីក្រុងកៃរ៉ូ ប្រទេសអេហ្ស៊ីប ដើម្បីបង្កើនទំនាក់ទំនងការទូតនៃប្រទេសទាំងពីរកាន់តែរីកចម្រើន។
ជាមួយគ្នានេះប្រមុខរដ្ឋាភិបាលកម្ពុជា-អេហ្ស៊ីបបេ្តជ្ញារួមគ្នា ក្នុងការបង្កើនទំនាក់ទំនងកិច្ចសហប្រតិបត្តិការ នៃប្រទេសទាំងពីរឲ្យកាន់តែរីកចម្រើនថែមទៀត ពិសេសការបង្កើនកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ និងការកែប្រែនូវគោលជំហរមួយចំនួនទាក់ទិនទៅនឹងបញ្ហាអន្តរជាតិ ដើម្បីផ្លាស់ប្តូរនូវការគាំទ្រគ្នាទៅវិញទៅមក ៕
© រក្សាសិទ្ធិដោយ thmeythmey.com
