បញ្ជូនជនជាតិវៀតណាម២នាក់ទៅតុលាការ ក្រោយស្លៀកពាក់ជាយោធាខ្មែរទៅដឹកឈើខុសច្បាប់

ជាតិ

បញ្ជូនជនជាតិវៀតណាម២នាក់ទៅតុលាការ ក្រោយស្លៀកពាក់ជាយោធាខ្មែរទៅដឹកឈើខុសច្បាប់

23, Apr 2015 , 8:30 pm

រូបភាព

ដោយ: ខន ចំប៉ា

បុរសជនជាតិវៀតណាម២នាក់ ត្រូវបានសមត្ថកិច្ចបញ្ចូនខ្លួនទៅតុលាការខេត្តនៅថ្ងៃទី២៣ ខែមេសានេះ បន្ទាប់ពីពួកគេបានចូលទៅដឹកជញ្ជូនឈើប្រណិតខុសច្បាប់ យកទៅប្រទេសវៀតណាម ព្រមទាំងបានស្លៀកពាក់ជាយោធាខ្មែរទៀតនោះ។ នេះបើយោងតាមការចុះផ្សាយនៅក្នុងគេហទំព័ររបស់អគ្គស្នងការនគរបាលជាតិ។

ចុចទីនេះដើម្បីទទួលបានព័ត៌មានរហ័ស

ប្រភពដដែលបានឲ្យដឹងទៀតថា ជនជាតិវៀតណាមទាំង២នាក់នោះ មានឈ្មោះ ហ្វ ថាញ់ហយ អាយុ៣៣ឆ្នាំ និងឈ្មោះ ងៀត វ៉ាន់អិន អាយុ៣២ឆ្នាំ។

អគ្គស្នងការនគរបាលជាតិបានស្រង់សម្តីរបស់លោកប៊ួយ រតនា នាយផ្នែករដ្ឋបាលព្រៃឈើក្រចេះ ថា ជនជាតិវៀតណាម២នាក់នេះ ត្រូវបានឃាត់ខ្លួន នៅថ្ងៃទី២២ ខែមេសា ឆ្នាំ២០១៥នេះ ក្នុងភូមិសាស្ត្រឃុំកន្ទួត ស្រុកចិត្របុរី ខេត្តក្រចេះ។ លោក បន្តថា នៅពេលមន្ត្រីជំនាញចាប់ឃាត់រ៉ឺម៉កឈើរបស់ បុរសជនជាតិវៀតណាមទាំងពីរនាក់នេះ ពួកគេប្រុងនឹងប្រើហិង្សាមកលើមន្ត្រីជំនាញទៀតផង ហើយនៅក្នុងប្រតិបតិ្តរឹបអូសបានឈើប្រណិតប្រភេទធ្នង់ និងឈើនាងនួន បានចំនួន៨កំណាត់ផងដែរ៕