ជាតិ
នយោបាយជាតិ
លោក មាជ សុវណ្ណារ៉ា និងសកម្មជន CNRP ត្រូវចូលបំភ្លឺក្នុងសវនាការអង្គសេចក្ដីរកខុសត្រូវ
05, May 2015 , 3:48 pm
×![]()
ដោយ: ថ្មីៗ
សាលាដំបូងរាជធានីភ្នំពេញ ចេញដីកាកោះហៅលោក មាជ សុវណ្ណារ៉ា និងសកម្មជនគណបក្សសង្គ្រោះជាតិជាថ្មី ដើម្បីបើកសវនាការអង្គសេចក្ដីរកខុសត្រូវ ពាក់ព័ន្ធនឹងការចោទប្រកាន់ដឹកនាំបាតុកម្ម បង្កឲ្យមានអំពើហិង្សានៅជិតទីលានប្រជាធិបតេយ្យ កាលពីឆ្នាំមុនកន្លងទៅ។ នេះបើតាមលោក ជូង ជូងី មេធាវីការពារក្ដីលោក មាជ សុវណ្ណារ៉ា។
ថ្លែងប្រាប់សារព័ត៌មានថ្មីៗនៅថ្ងៃអង្គារនេះ លោក ជូង ជូងី មានប្រសាសន៍ថា ព្រះរាជអាជ្ញារងសាលាដំបូងរាជធានីភ្នំពេញ លោក កែវ សុជាតិ បានបង្គាប់ឲ្យឈ្មោះ មាជ សុវណ្ណារ៉ា ចូលបំភ្លឺនៅថ្ងៃទី១៩ ខែ ឧសភា វេលាម៉ោង៨ព្រឹក ដើម្បីឆ្លើយបំភ្លឺពីការចោទប្រកាន់នោះ។ ជាមួយគ្នានេះ សកម្មជនគណបក្សសង្គ្រោះជាតិ ក៏ត្រូវចូលបំភ្លឺដែរ។ «លោក មាជ សុវណ្ណារ៉ា ត្រូវចូលបំភ្លឺក្នុងតុលាការ។ហើយសកម្មជនគណបក្សសង្គ្រោះជាតិ ដែលត្រូវបានចោទប្រកាន់កន្លងមក ប្រហែលជា១១នាក់ក៏ត្រូវចូលដែរ។ ការចូលបំភ្លឺនេះគឺដើម្បីបើកសវនាការអង្គសេចក្ដីរកខុសត្រូវ បានន័យថា បើតុលាការមិនរកឃើញកំហុសទេ លោកមាជ សុវណ្ណារ៉ា អាចរួចផុតពីការចោទប្រកាន់ »។ នេះជាការបញ្ជាក់របស់លោក ជូង ជូងី។
មេធាវីរូបនេះ យល់ថា ដំណើរការរបស់តុលាការនាពេលនេះ គឺជាការល្អដែលតុលាការបានពន្លឿនតាមនិតិវិធីរបស់ខ្លួន។ តែយ៉ាងណារូបលោក នៅតែអះអាងការពារកូនក្ដីលោកថា មិនបានប្រព្រឹត្តិខុសតាមការចោទប្រកាន់ឡើយ។
លោក មាជ សុវណ្ណារ៉ា និងសកម្មជនគណបក្សសង្គ្រោះជាតិ ចំនួន៤រូបផ្សេងទៀត ត្រូវបានតុលាការដោះលែងឲ្យនៅក្រៅឃុំបណ្ដោះអាសន្នកាលពីថ្ងៃទី ១៣ មេសា កន្លងទៅ៕
ថ្លែងប្រាប់សារព័ត៌មានថ្មីៗនៅថ្ងៃអង្គារនេះ លោក ជូង ជូងី មានប្រសាសន៍ថា ព្រះរាជអាជ្ញារងសាលាដំបូងរាជធានីភ្នំពេញ លោក កែវ សុជាតិ បានបង្គាប់ឲ្យឈ្មោះ មាជ សុវណ្ណារ៉ា ចូលបំភ្លឺនៅថ្ងៃទី១៩ ខែ ឧសភា វេលាម៉ោង៨ព្រឹក ដើម្បីឆ្លើយបំភ្លឺពីការចោទប្រកាន់នោះ។ ជាមួយគ្នានេះ សកម្មជនគណបក្សសង្គ្រោះជាតិ ក៏ត្រូវចូលបំភ្លឺដែរ។ «លោក មាជ សុវណ្ណារ៉ា ត្រូវចូលបំភ្លឺក្នុងតុលាការ។ហើយសកម្មជនគណបក្សសង្គ្រោះជាតិ ដែលត្រូវបានចោទប្រកាន់កន្លងមក ប្រហែលជា១១នាក់ក៏ត្រូវចូលដែរ។ ការចូលបំភ្លឺនេះគឺដើម្បីបើកសវនាការអង្គសេចក្ដីរកខុសត្រូវ បានន័យថា បើតុលាការមិនរកឃើញកំហុសទេ លោកមាជ សុវណ្ណារ៉ា អាចរួចផុតពីការចោទប្រកាន់ »។ នេះជាការបញ្ជាក់របស់លោក ជូង ជូងី។
មេធាវីរូបនេះ យល់ថា ដំណើរការរបស់តុលាការនាពេលនេះ គឺជាការល្អដែលតុលាការបានពន្លឿនតាមនិតិវិធីរបស់ខ្លួន។ តែយ៉ាងណារូបលោក នៅតែអះអាងការពារកូនក្ដីលោកថា មិនបានប្រព្រឹត្តិខុសតាមការចោទប្រកាន់ឡើយ។
លោក មាជ សុវណ្ណារ៉ា និងសកម្មជនគណបក្សសង្គ្រោះជាតិ ចំនួន៤រូបផ្សេងទៀត ត្រូវបានតុលាការដោះលែងឲ្យនៅក្រៅឃុំបណ្ដោះអាសន្នកាលពីថ្ងៃទី ១៣ មេសា កន្លងទៅ៕
© រក្សាសិទ្ធិដោយ thmeythmey.com
