ពីនេះ ពីនោះ
មិនយល់?...ឲ្យគម្រោងឆ្នាំនេះល្អយ៉ាងម៉េច បើថវិកាឆ្នាំចាស់មិនទាន់ធ្លាក់មកផង? 07, May 2015 , 11:38 am
×
ប៉ុន្មានឆ្នាំចុងក្រោយនៃអាណត្តិទី៥នេះ រាជរដ្ឋាភិបាល បានបង្ខំចិត្តដុតដៃដុតជើងធ្វើកំណែទម្រង់ស៊ីជម្រៅដើម្បីពង្រឹងប្រព័ន្ធរដ្ឋបាលសាធារណៈ ហើយការណ៍នេះក៏បានអន្ទងចិត្តពលរដ្ឋបានច្រើនណាស់ដែរ។ ប៉ុន្តែបញ្ហានៅត្រង់ថា មន្ត្រីតាមស្ថាប័នរដ្ឋមួយចំនួន ពិសេសក្រុមមន្ត្រីជាប្រធាន ឬថ្នាក់ដឹកនាំអង្គភាព បែរជាបង្ហាញការមិនសប្បាយចិត្ត ចំពោះចរន្តនៃការទម្លាក់ថវិកាពីថ្នាក់លើ ដែលគ្រប់គ្រងដោយក្រសួងសេដ្ឋកិច្ច និងហិរញ្ញវត្ថុទៅវិញ។
ប្រធានអង្គភាពទាំងនោះ បានត្អូញត្អែថា ថ្នាក់លើតែងទម្លាក់ចុះនូវគម្រោង ឬផែនការសកម្មភាពថ្មីៗជាច្រើន បន្ថែមពីលើអ្វីដែលពួកគេគ្រោងធ្វើក្នុងឆ្នាំថ្មី បើទោះបីជាបានដឹងថាថ្នាក់ក្រោមមិនទាន់ទាំងទទួលបានថវិកាស្នើសម្រាប់ឆ្នាំចាស់នោះក៏ដោយ។ តើសកម្មភាពស្ថាប័ន ឬអង្គភាពរយៈពេល១២ខែនៃឆ្នាំចាស់នោះ មានដំណើរបែបណាទៅ បើគ្មានថវិកាប្រើប្រាស់យ៉ាងដូច្នេះនោះ? តើក្រសួងសេដ្ឋកិច្ច មានដឹងអំពីបញ្ហានេះទេ? មិនយល់...?
© រក្សាសិទ្ធិដោយ thmeythmey.com