ជាតិ
សង្គមជាតិ
ខែមេសា៖ ជនល្មើស២៥២នាក់ត្រូវឃាត់ខ្លួន ក្នុងការបង្ក្រាបបទល្មើសចំនួន១៤០ករណី 12, May 2015 , 9:10 am
![](https://image.thmeythmey.com/pictures/2015/05/11/thumb2/sen_sok.jpg)
×![]()
នៅក្នុងខែមេសាឆ្នាំ២០១៥ អាជ្ញាធរ បង្ក្រាបបានបទល្មើសនានាបានចំនួន១៤០ករណី និងឃាត់ខ្លួនជនល្មើសបានចំនួន២៥២នាក់ តាមរយៈការអនុវត្តគោលនយោបាយភូមិ-សង្កាត់មានសុវត្ថិភាព ក្នុងរាជធានីភ្នំពេញ។ នេះបើយោងតាមរបាយការណ៍ដែលបានចុះផ្សាយនៅក្នុងហ្វេកប៊ុករបស់សាលារាជធានី ភ្នំពេញ។
របាយការណ៍ដដែល បានបង្ហាញថា បទល្មើសដែលអាជ្ញាធរបានបង្ក្រាបរួមមមានបទល្មើសព្រហ្មទណ្ឌចំនួន៤៧ករណី ឃាត់ខ្លួនបានចំនួន៦៣នាក់ បទល្មើសគ្រឿងញៀន៤៤ករណី ឃាត់ខ្លួនជនល្មើសបានចំនួន៩៣នាក់ បង្ក្រាបក្មេងទំនើងបានចំនួន៣៥ករណី និងឃាត់ខ្លួនបានចំនួន៥២នាក់ និងបង្ក្រាបល្បែងស៊ីសងបានចំនួន១៤ករណី ព្រមទាំងឃាត់ខ្លួនមនុស្សបានចំនួន៤៤នាក់។
សូមបញ្ជាក់ថា គោលនយោបាយភូមិ-សង្កាត់មានសុវត្ថិភាព មានចំណុចរួមមាន៖
១. គ្មានសកម្មភាពឆក់ ប្លន់ គ្រប់ប្រភេទ
២. គ្មានការដាំដុះ ផលិត ចរាចរ ជួញដូរ ចែកចាញ និងការប្រើប្រាស់គ្រឿងញៀនខុសច្បាប់
៣. គ្មានអំពើអាណាចារ្យ គ្មានអំពើហិង្សាក្នុងគ្រួសារ ការជួញដូរស្ត្រី និងកុមារ
៤. គ្មានក្មេងទំនើង
៥. គ្មានការលេងល្បែងស៊ីសង ការប្រើប្រាស់អាវុធខុសច្បាប់ និងបទល្មើសគ្រប់ប្រភេទ
៦. គ្មានគ្រោះថ្នាក់ចរាចរណ៍
៧. គ្មានគ្រោះថ្នាក់ដោយសារយុទ្ធភ័ណ្ឌមិនទាន់ផ្ទុះ
៨. គ្មានការត្រួតពិនិត្យខុសច្បាប់
៩. មានវិធានការទប់ស្កាត់ គ្រប់គ្រង និងឆ្លើយតបចំពោះគ្រោះមហន្តរាយ ប្រកបដោយប្រសិទ្ធិភាព៕
© រក្សាសិទ្ធិដោយ thmeythmey.com