ជាតិ
សង្គមជាតិ
ថតស្រាតនៅតាព្រហ្ម៖ បរទេស៣នាក់ត្រូវបណ្តេញចេញពីកម្ពុជា
12, May 2015 , 3:31 pm
×![]()
សៀមរាប៖ បុរសពីរនាក់ និងស្ត្រីជនបរទេសម្នាក់ ត្រូវបានបណ្តេញចេញពីប្រទេសកម្ពុជា បន្ទាប់ពីពួកគេ បានថតអាក្រាតកាយនៅប្រាសាទតាព្រហ្ម កាលពីថ្ងៃអាទិត្យកន្លងទៅ។ ពួកគេជាប់ចោទពីបទ បង្ហាញកេរ្តិ៍ខ្មាស់ជាសាធារណៈ។ 
បើគិតត្រឹមដើមឆ្នាំ២០១៥មក នេះជាករណីទី៣ហើយ ដែលមានភ្ញៀវទេសចរបរទេស លួចធ្វើសកម្មភាពថតអាក្រាតនៅតំបន់ប្រាសាទខ្មែរ។ ទោះជាការប្រព្រឹត្តិរបស់ពួកគេធ្វើឡើងដោយចេតនា និងអចេតនាយ៉ាងណាក្តី ប៉ុន្តែពួកគេត្រូវបានបណ្តេញចេញពីកម្ពុជា និងពិន័យជាទឹកប្រាក់ថែមទៀត។ ដូចករណីចុងក្រោយនេះ បុរសជនជាតិអាហ្សង់ទីន អ៊ីតាលី និងស្ត្រីជនជាតិហូឡង់ ពួកគេទាំង៣នាក់ ត្រូវសម្រេចបណ្តេញចេញពីកម្ពុជា ដោយហាមមិនឲ្យចូលប្រទេសកម្ពុជារយៈ៤ឆ្នាំ។
ក្រៅពីហាមអ្នកទាំង៣មិនឲ្យធ្វើដំណើរចូលកម្ពុជាហើយ បុរសទាំង២នាក់ ដែលជាអ្នកធ្វើសកម្មភាពថតស្រាតត្រូវកាត់ទោសក្នុងម្នាក់ៗឲ្យជាប់ពន្ធនាគាររយៈពេល៧ខែ តែត្រូវព្យូរ និងពិន័យជាទឹកប្រាក់ចំនួន១លានរៀល ចំណែកស្ត្រីជាមិត្តភក្តិ ដែលជាអ្នកកាន់កាមេរ៉ាថត ជាប់ពន្ធនាគារ៦ខែ (ព្យូរ) ពិន័យជាប្រាក់ ៨០ម៉ឺនរៀល។
ភ្ញៀវបរទេសដែលលួចធ្វើសកម្មភាពថតអាក្រាតនៅប្រាសាទតាព្រហ្មកាលពីរសៀលថ្ងៃអាទិត្យនោះ មានទីមួយឈ្មោះ LUCIANO GASTÓN MUŇOZ ភេទ ប្រុស អាយុ៣០ឆ្នាំ ជនជាតិអាហ្សង់ទីន ទីពីរ ឈ្មោះ BRUNO MARGRINI ភេទប្រុស អាយុ៣០ឆ្នាំ ជាអ្នកអាក្រាត និងទីបី ឈ្មោះ KIKI STAMOU ភេទស្រី អាយុ១៩ឆ្នាំ ជនជាតិហូឡង់។
គួរបញ្ជាក់ថា បុគ្គលិកអាជ្ញាធរជាតិអប្សរា សហការនិងប៉ូលិសការពារបេតិកភ័ណ្ឌ បានធ្វើការឆែកឆេរ និងឈានចូលដល់ការឃាត់ខ្លួនជនបរទេសទាំង៣នាក់ខាងលើ បន្ទាប់ពីពួកគេបានធ្វើសកម្មភាពថតអាក្រាតកាយនៅប្រាសាទតាព្រហ្ម នៅម៉ោង៣កន្លះ ថ្ងៃទី១០ ឧសភា។ នេះជាលើកទី៣ហើយ ដែលកើតមានករណីដូចគ្នានេះ គឺទីមួយ កាលពីថ្ងៃទី២៩ ខែមករា ជនជាតិបារាំង៣នាក់ កើតឡើងនៅប្រាសាទបន្ទាយក្តី ទីពីរនៅថ្ងៃទី៦ កុម្ភៈ ស្ត្រីបងប្អូនជនជាតិអាមេរិក២នាក់ បានលួចថតរូបអាក្រាតនៅក្នុងបរិវេណប្រាសាទព្រះខ័ន៕
បើគិតត្រឹមដើមឆ្នាំ២០១៥មក នេះជាករណីទី៣ហើយ ដែលមានភ្ញៀវទេសចរបរទេស លួចធ្វើសកម្មភាពថតអាក្រាតនៅតំបន់ប្រាសាទខ្មែរ។ ទោះជាការប្រព្រឹត្តិរបស់ពួកគេធ្វើឡើងដោយចេតនា និងអចេតនាយ៉ាងណាក្តី ប៉ុន្តែពួកគេត្រូវបានបណ្តេញចេញពីកម្ពុជា និងពិន័យជាទឹកប្រាក់ថែមទៀត។ ដូចករណីចុងក្រោយនេះ បុរសជនជាតិអាហ្សង់ទីន អ៊ីតាលី និងស្ត្រីជនជាតិហូឡង់ ពួកគេទាំង៣នាក់ ត្រូវសម្រេចបណ្តេញចេញពីកម្ពុជា ដោយហាមមិនឲ្យចូលប្រទេសកម្ពុជារយៈ៤ឆ្នាំ។
ក្រៅពីហាមអ្នកទាំង៣មិនឲ្យធ្វើដំណើរចូលកម្ពុជាហើយ បុរសទាំង២នាក់ ដែលជាអ្នកធ្វើសកម្មភាពថតស្រាតត្រូវកាត់ទោសក្នុងម្នាក់ៗឲ្យជាប់ពន្ធនាគាររយៈពេល៧ខែ តែត្រូវព្យូរ និងពិន័យជាទឹកប្រាក់ចំនួន១លានរៀល ចំណែកស្ត្រីជាមិត្តភក្តិ ដែលជាអ្នកកាន់កាមេរ៉ាថត ជាប់ពន្ធនាគារ៦ខែ (ព្យូរ) ពិន័យជាប្រាក់ ៨០ម៉ឺនរៀល។
ភ្ញៀវបរទេសដែលលួចធ្វើសកម្មភាពថតអាក្រាតនៅប្រាសាទតាព្រហ្មកាលពីរសៀលថ្ងៃអាទិត្យនោះ មានទីមួយឈ្មោះ LUCIANO GASTÓN MUŇOZ ភេទ ប្រុស អាយុ៣០ឆ្នាំ ជនជាតិអាហ្សង់ទីន ទីពីរ ឈ្មោះ BRUNO MARGRINI ភេទប្រុស អាយុ៣០ឆ្នាំ ជាអ្នកអាក្រាត និងទីបី ឈ្មោះ KIKI STAMOU ភេទស្រី អាយុ១៩ឆ្នាំ ជនជាតិហូឡង់។
គួរបញ្ជាក់ថា បុគ្គលិកអាជ្ញាធរជាតិអប្សរា សហការនិងប៉ូលិសការពារបេតិកភ័ណ្ឌ បានធ្វើការឆែកឆេរ និងឈានចូលដល់ការឃាត់ខ្លួនជនបរទេសទាំង៣នាក់ខាងលើ បន្ទាប់ពីពួកគេបានធ្វើសកម្មភាពថតអាក្រាតកាយនៅប្រាសាទតាព្រហ្ម នៅម៉ោង៣កន្លះ ថ្ងៃទី១០ ឧសភា។ នេះជាលើកទី៣ហើយ ដែលកើតមានករណីដូចគ្នានេះ គឺទីមួយ កាលពីថ្ងៃទី២៩ ខែមករា ជនជាតិបារាំង៣នាក់ កើតឡើងនៅប្រាសាទបន្ទាយក្តី ទីពីរនៅថ្ងៃទី៦ កុម្ភៈ ស្ត្រីបងប្អូនជនជាតិអាមេរិក២នាក់ បានលួចថតរូបអាក្រាតនៅក្នុងបរិវេណប្រាសាទព្រះខ័ន៕
© រក្សាសិទ្ធិដោយ thmeythmey.com
