ស្ត្រីរកស៊ីផ្លូវភេទស្នើឲ្យអាជ្ញាធររៀបចំកំណត់តំបន់អាទិភាពសម្រាប់ពួកគេ

ជាតិ

សង្គមជាតិ

ស្ត្រីរកស៊ីផ្លូវភេទស្នើឲ្យអាជ្ញាធររៀបចំកំណត់តំបន់អាទិភាពសម្រាប់ពួកគេ

12, May 2015 , 8:39 pm

រូបភាព

ដោយ: ធឿន បញ្ញាឬទិ្ធ

ស្ត្រីធ្វើការតាមគ្រិះស្ថានសេវាកម្សាន្ត ស្នើឲ្យអាជ្ញាធរជួយរៀបចំកំណត់តំបន់អាទិភាព សម្រាប់ពួកគេ ក្នុងការធ្វើឲ្យប្រសើរឡើងនូវហេដ្ឋារចនាសម្ព័ន្ធ នៅតាមផ្លូវសាធារណៈ និងការអនុវត្តគោលនយោបាយភូមិឃុំមានសុវត្ថភាព។កិច្ចពិភាក្សារវាងអាជ្ញាធរមូលដ្ឋាន និងស្ត្រី ទាក់ទងនឹងការកំណត់តំបន់អាទិភាព ចំពោះស្ត្រីធ្វើការតាមគ្រិះស្ថានសេវាកម្សាន្ត នៅព្រឹកថ្ងៃទី ១២ ឧសភានេះ នៅមជ្ឈមណ្ឌលកម្សាន្តលីឡា។

ចុចទីនេះដើម្បីទទួលបានព័ត៌មានរហ័ស

លោកស្រី កែវ ថា ប្រធានអង្គការបណ្ដាញការងារស្ត្រីរួបរួមគ្នា មានប្រសាសន៍ថា កិច្ចពិគ្រោះយោបល់នេះ គឺមានគោលបំណងស្នើឲ្យអាជ្ញាធរមូលដ្ឋាន ធ្វើការកំណត់តំបន់អាទិភាពដល់ស្ត្រីរកស៊ីផ្លូវភេទតាមផ្លូវសាធារណៈ ក្នុងការរៀបចំប្រព័ន្ធបំភ្លឺផ្លូវ បង្គន់អនាម័យ និងសុវត្ថភាពនានានៅតាមដងផ្លូវសាធារណៈជាដើម។ លោកស្រី កែវ ថា បន្ថែមថា ការរៀបចំតំបន់អាទិភាពនេះ ក៏ជាការកែលំអរនូវហេដ្ឋារចនាសម្ព័ន្ធនៅតាមផ្លូវសាធារណៈ ក្នុងការការពារសន្ដិសុខសណ្ដាប់ធ្នាប់ដល់ស្ត្រីរកស៊ីផ្លូវភេទ ក្នុងការថវិការចិញ្ចឹមជីវិត និងគ្រួសារពួកគេផងដែរ។ ជាពិសេសការអនុវត្តតាមគោលនយោបាយ ភូមិ ឃុំ មានសុវត្ថភាពរបស់រាជរដ្ឋាភិបាល។

ជាមួយគ្នាកញ្ញា ផាត ស្រីមុំ តំណាងឲ្យស្ត្រីរកស៊ីផ្លូវភេទនៅតាមទីធ្លាសាធារណៈ ក៏សំណូមពរឲ្យអាជ្ញាធរ ជួយការពារសន្ដិសុខសុវត្ថភាពជូនពួកគេ ចៀសវាងការចាប់ខ្លួនពួកគេដោយគ្មានមូលហេតុ ពោលគឺបានន័យថា ពួកគេជាស្ត្រីរកស៊ីផ្លូវភេទ មិនមែនជាអ្នកប្រព្រឹត្តិបទល្មើសនោះទេ។

ទន្ទឹមនឹងនេះ ស្ត្រីដែលធ្វើការនៅតាមគ្រិះស្ថានកម្សាន្ត ដូចជាហាងខារ៉ាអូខេ តាមក្លិបកម្សាន្ដនានា ជាពិសេសស្ត្រីដែលរកស៊ីផ្លូវភេទទាំងនោះក៏បានបង្ហាញក្ដីព្រួយបារម្ភចំពោះការបៀតបៀនពីសំណាក់ភ្ញៀវមួយចំនួន មកលើរូបពួកគេ។ជាមួយគ្នាពួកគេក៏បានអំពាវនាវឲ្យភ្ញៀវ (អតិថិជន) ទាំងនោះ ឲ្យតម្លៃនិងផ្ដល់សិទ្ធិលើពួកគេផងដែរ។

អង្គការបណ្ដាញការងារស្ត្រីរួបរួមគ្នា បានភ្ជាប់ទំនាក់ទំនងជាមួយស្ថាបនរដ្ឋាភិបាល និងអង្គការមិនរដ្ឋាភិបាល ដើម្បីគាំពារសិទ្ធិក្នុងការប្រកបរបរ ការចិញ្ចឹមជីវិតរស់នៅ របស់ជនក្រីក្រប្រកបរបររកស៊ីផ្លូវភេទ និងធ្វើការក្នុងគ្រិះស្ថានកម្សាន្ត៕