ហិង្សាកុមារបណ្តាលឲ្យកម្ពុជាខាតបង់ថវិការាប់លានដុល្លារអាមេរិក

ជាតិ

សង្គមជាតិ

ហិង្សាកុមារបណ្តាលឲ្យកម្ពុជាខាតបង់ថវិការាប់លានដុល្លារអាមេរិក

01, Jun 2015 , 9:56 am

រូបភាព

ដោយ:

លោកស្រី រ៉ាណា ហ្លាវ័រ តំណាងមូលនិធិអង្គការសហប្រជាជាតិដើម្បីកុមារ (UNICEF) បានថ្លែងថា ហិង្សាលើកុមារបានបណ្តាលឲ្យកម្ពុជា ខាតថ្លៃចំណាយផ្នែកសេដ្ឋកិច្ច និងផ្នែកសុខភាពកុមាររាប់លានដុល្លារអាមេរិក។ តាមរបាយការណ៍សិក្សាក្រោមការគាំទ្រដោយយូនីសេហ្វ បានបង្ហាញថា ហិង្សាលើកុមារបានបណ្តាលឲ្យកម្ពុជា ខាតថ្លៃចំណាយផ្នែកសេដ្ឋកិច្ច និងផ្នែកសុខភាពកុមារសរុបប្រមាណ ១៦២លានដុល្លារអាមេរិកក្នុងឆ្នាំ ២០១៣ ឬប្រហាក់ប្រហែល១% នៃផលិតផលក្នុងស្រុកសរុប។

ចុចទីនេះដើម្បីទទួលបានព័ត៌មានរហ័ស

លោកស្រី រ៉ាណា ហ្លាវ័រ បានលើកឡើងពីរបាយការណ៍នេះឡើង នាឱកាសការប្រារព្ធខួបលើកទី៦៦ ទិវាកុមារអន្តរជាតិ ១មិថុនា និងខួបលើកទី១៤ នៃទិវាពិភពលោកប្រឆាំងពលកម្មកុមារ ១២ មិថុនា និងទិវាកុមារកម្ពុជាឆ្នាំ២០១៥ ។ លោកស្រីបន្ថែមថា អំពើហិង្សាលើកុមារនេះដែរ បានធ្វើឲ្យខាតបង់ផ្នែកផលិតភាពកុមារសរុបតម្លៃ ៨៣,៣លានដុល្លារអាមេរិកផងដែរ៕