ជាតិ
បទយកការណ៍ / បទសម្ភាសន៍
សង្គមជាតិ
ពលរដ្ឋខេត្តព្រះវិហារចូលចិត្តប្រកបបរបាញ់សត្វព្រៃ ច្រើនជាងធ្វើកសិកម្ម 20, Jun 2015 , 5:00 pm
× ខេត្តព្រះវិហារ៖មន្ត្រីការិយាល័យក្សេត្រសាស្ត្រនៃមន្ទីរកសិកម្មខេត្តព្រះវិហារ លោក ប៉ែន ពេជ្រពណ្ណារាយ បានឲ្យដឹងថា ពលរដ្ឋកំពុងរស់នៅខេត្តព្រះវិហារភាគច្រើនជាអ្នកចំណាកស្រុក។ ហើយថា ក្រៅពីការធ្វើកសិកម្ម ពលរដ្ឋភាគច្រើនបាននឹងកំពុងប្រកបរបរបាញ់សត្វលក់ឲ្យឈ្មួញទៀតផង។ លើសពីនេះ លោកបន្ថែមថា ទោះបីជាអាជ្ញាធរបានចុះណែនាំពីការធ្វើកសិកម្មដាំដុះក៏ដោយ ក៏ពលរដ្ឋខេត្តភាគឧត្តរមួយនេះ នៅតែមានទម្លាប់បែបចាស់បុរាណដដែល។មន្ត្រីរូបនេះបានបញ្ជាក់យ៉ាងដូចនេះ នៅថ្ងៃទី៣ មិថុនា នាពិធីសម្ពោធកូនកៅស៊ូប្រភេទថ្មី នៃប្រទេសប៊ែលហ្ស៊ិក ដែលនាំយកមកដាំដុះដោយក្រុមហ៊ុនសិលាដាម៉ិក ក្នុងខេត្តព្រះវិហារ។
សូមស្តាប់សំឡេង៖
បើតាមរបាយការណ៍ស្តីពីស្ថានភាពអភិវឌ្ឍន៍ខេត្តព្រះវិហារ នៃក្រសួងអភិវឌ្ឍន៍ជនបទ ខេត្តភាគឧត្តរនៃប្រទេសកម្ពុជាមួយនេះ មានផ្ទៃដីសរុប១៤,០៣១គីឡូម៉ែត្រការ៉េ ក្នុងនោះផ្ទៃដីភាគច្រើនគ្របដណ្តប់ដោយព្រៃឈើ។ ចំពោះដែនព្រៃជម្រកសត្វវិញ រួមមានដែនជម្រកគូលែនព្រហ្មទេពដែនព្រៃជម្រកសត្វបឹងពែនិងដែនការពារទេសភាពប្រាសាទព្រះវិហារមានទំហំផ្ទៃជាង ៣ម៉ឺនហិចតា ដែលស្ថិតក្រោមសមត្ថកិច្ចគ្រប់គ្រងរបស់មន្ទីរបរិស្ថានខេត្ត។
ដោយឡែក គម្របព្រៃឈើស្ថិតក្រោមការគ្រប់គ្រងរបស់ខ័ណ្ឌរដ្ឋបាលព្រៃឈើមានប្រមាណ ១លានហិចតារីឯផ្ទៃដីកសិកម្មទូទាំងខេត្តប្រមាណ ១សែនហិចតា។
ប្រជាពលរដ្ឋសរុបទូទាំងខេត្តមានជាង ៣ម៉ឺនគ្រួសារស្មើនឹងចំនួនមនុស្សជាង ២សែននាក់។ ដង់ស៊ីតេប្រជាជនស្មើនឹង១២នាក់ ក្នុង១គីឡូម៉ែត្រការ៉េ៕
© រក្សាសិទ្ធិដោយ thmeythmey.com