ជាតិ
សង្គមជាតិ
ព្រឹទ្ធាចារ្យខ្មែរបីរូបទទួលងារជា “ពលករជំនាញឆ្នើម The best worker”
05, Jun 2015 , 12:29 pm
រូបភាព៖ អាជ្ញាធរជាតិអប្សរា
×![]()
ដោយ: សារព័ត៌មានថ្មីៗ
ក្នុងកិច្ចប្រជុំបច្ចេកទេសលើកទី២៤របស់អាយស៊ីស៊ីអង្គរ ព្រឹទ្ធាចារ្យជនជាតិខ្មែរ៣រូប ដែលមានជំនាញផ្នែកជួសជុលប្រាសាទឥដ្ឋអស់រយៈពេលជាង ២០ឆ្នាំ បានទទួលងារជាពលករជំនាញឆ្នើម។ ងារនេះត្រូវបានប្រគល់ជូនដោយលោក សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ក្នុងឱកាសនៃកិច្ចប្រជុំបច្ចេកទេសលើកទី២៤ របស់គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរ ហៅកាត់ថា អាយស៊ីស៊ី-អង្គរ នាថ្ងៃទី៥ខែមិថុនា ឆ្នាំ២០១៥នេះ។ 
ព្រឹទ្ធាចារ្យខ្មែរ ដែលមានជំនាញខាងជួសជុលប្រាសាទឥដ្ឋទាំង៣រូបនេះមាន លោកតា ស៊ឹម អៃ អាយុ៧០ឆ្នាំ លោកតា ស៊ឹម អឿម អាយុ៦៣ ឆ្នាំ និងលោកតា ភេម ភឿម អាយុ៦៨ឆ្នាំ មានទីលំនៅជិតប្រាសាទបាគង ស្រុកប្រាសាទបាគង ខេត្តសៀមរាប។ មានប្រសាសន៍ក្រោយទទួលបានប័ណ្ណសរសើររួច លោកតា ស៊ឹម អឿម បានរៀបរាប់ថា លោកតា និងក្រុមការងារបានចាប់ផ្តើមការងារជួសជុលប្រាសាទឥដ្ឋតាំងពីនៅក្មេងៗ ដោយឪពុករបស់លោក ក៏ជាអ្នកជួសជុល និងបង្ហាត់បង្ហាញ។ លោកតាបន្តថា ការងារនេះលោកតាចេះពីឪពុកលោកខ្លះ និងទទួលបានការបណ្តុះបណ្តាលបន្ថែមពីអ្នកជំនាញហុងគ្រី អ៊ីតាលី និងអាល្លឺម៉ង់ ក្នុងពេលដែលលោកតាចូលរួមធ្វើការជាមួយពួកគេតាំងពីឆ្នាំ១៩៩៤មក។
ចាប់តាំងពីឆ្នាំ២០០០មក លោកតាបានចូលរួមធ្វើការជាមួយអាជ្ញាធរជាតិអប្សរា តាមរយៈនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ។ លោកតា ស៊ឹម អឿមបានរៀបរាប់បន្ថែមថា លោកតាមានសេចក្តីរីករាយយ៉ាងខ្លាំង ដែលបានចូលរួមក្នុងកិច្ចការជួសជុលប្រាសាទរបស់ខ្មែរ ទោះបីជាលោកតាមានអាយុកាន់តែច្រើន និងមានជំងឺខ្លះៗប្រចាំកាយក៏ដោយ។ គិតមកទល់នឹងពេលនេះ ក្រុមការងាររបស់លោកតាបានចូលរួមជួសជុលប្រាសាទព្រះគោ បានរួចរាល់ និងកំពុងបន្តជួសជុលប្រាសាទបាគង ប្រាសាទលលៃ និងប្រាសាទគោកចក ជាមួយនឹងក្រុមជំនាញរបស់អាជ្ញាធរជាតិអប្សរា។
ជាការផ្តែផ្តាំដល់កូនចៅជំនាន់ក្រោយ លោកតា អឿម បានលើកឡើងថា សូមឲ្យកូនខ្មែរទាំងអស់យកចិត្តទុកដាក់រៀនសូត្រ ដើម្បីរក្សាបច្ចេកទេសនៃការជួសជុលនេះបានបន្តរហូត ដោយពុំបាច់ពឹងបរទេសទាំងស្រុង ព្រោះប្រាសាទទាំងនោះជាបេតិកភណ្ឌរបស់ដូនតាខ្មែរយើង៕
អត្ថបទ៖ អាជ្ញាធរជាតិអប្សរា
ព្រឹទ្ធាចារ្យខ្មែរ ដែលមានជំនាញខាងជួសជុលប្រាសាទឥដ្ឋទាំង៣រូបនេះមាន លោកតា ស៊ឹម អៃ អាយុ៧០ឆ្នាំ លោកតា ស៊ឹម អឿម អាយុ៦៣ ឆ្នាំ និងលោកតា ភេម ភឿម អាយុ៦៨ឆ្នាំ មានទីលំនៅជិតប្រាសាទបាគង ស្រុកប្រាសាទបាគង ខេត្តសៀមរាប។ មានប្រសាសន៍ក្រោយទទួលបានប័ណ្ណសរសើររួច លោកតា ស៊ឹម អឿម បានរៀបរាប់ថា លោកតា និងក្រុមការងារបានចាប់ផ្តើមការងារជួសជុលប្រាសាទឥដ្ឋតាំងពីនៅក្មេងៗ ដោយឪពុករបស់លោក ក៏ជាអ្នកជួសជុល និងបង្ហាត់បង្ហាញ។ លោកតាបន្តថា ការងារនេះលោកតាចេះពីឪពុកលោកខ្លះ និងទទួលបានការបណ្តុះបណ្តាលបន្ថែមពីអ្នកជំនាញហុងគ្រី អ៊ីតាលី និងអាល្លឺម៉ង់ ក្នុងពេលដែលលោកតាចូលរួមធ្វើការជាមួយពួកគេតាំងពីឆ្នាំ១៩៩៤មក។
ចាប់តាំងពីឆ្នាំ២០០០មក លោកតាបានចូលរួមធ្វើការជាមួយអាជ្ញាធរជាតិអប្សរា តាមរយៈនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ។ លោកតា ស៊ឹម អឿមបានរៀបរាប់បន្ថែមថា លោកតាមានសេចក្តីរីករាយយ៉ាងខ្លាំង ដែលបានចូលរួមក្នុងកិច្ចការជួសជុលប្រាសាទរបស់ខ្មែរ ទោះបីជាលោកតាមានអាយុកាន់តែច្រើន និងមានជំងឺខ្លះៗប្រចាំកាយក៏ដោយ។ គិតមកទល់នឹងពេលនេះ ក្រុមការងាររបស់លោកតាបានចូលរួមជួសជុលប្រាសាទព្រះគោ បានរួចរាល់ និងកំពុងបន្តជួសជុលប្រាសាទបាគង ប្រាសាទលលៃ និងប្រាសាទគោកចក ជាមួយនឹងក្រុមជំនាញរបស់អាជ្ញាធរជាតិអប្សរា។
ជាការផ្តែផ្តាំដល់កូនចៅជំនាន់ក្រោយ លោកតា អឿម បានលើកឡើងថា សូមឲ្យកូនខ្មែរទាំងអស់យកចិត្តទុកដាក់រៀនសូត្រ ដើម្បីរក្សាបច្ចេកទេសនៃការជួសជុលនេះបានបន្តរហូត ដោយពុំបាច់ពឹងបរទេសទាំងស្រុង ព្រោះប្រាសាទទាំងនោះជាបេតិកភណ្ឌរបស់ដូនតាខ្មែរយើង៕
អត្ថបទ៖ អាជ្ញាធរជាតិអប្សរា
© រក្សាសិទ្ធិដោយ thmeythmey.com
