ជាតិ
ព្រំដែន
កម្ពុជា-ថៃ នឹងពង្រឹងរក្សាសន្តិសុខតាមព្រំដែនឲ្យកាន់តែល្អប្រសើរ 05, Jun 2015 , 6:30 pm
![](https://image.thmeythmey.com/pictures/2015/06/05/thumb2/893_c_t_01.jpg)
×![]()
ភ្នំពេញ៖ លោក នេត សាវឿន អគ្គស្នងការនគរបាលជាតិ បានប្រាប់លោក Nuttavutdh Photisaro ឯកអគ្គរាជទូតថៃ ទើបតែងតាំងថ្មីប្រចាំកម្ពុជាថា កម្ពុជា-ថៃ ត្រូវបង្កើនកិច្ចសហការគ្នានៅតាមខ្សែបន្ទាត់ព្រំដែនប្រទេសទាំងពីរ ឲ្យកាន់ល្អបន្ថែមទៀត។ លោក នេត សាវឿន បានបន្ថែមថា លោក ស ខេង រដ្ឋមន្ត្រីក្រសួងមហាផ្ទៃកម្ពុជា នឹងអញ្ជើញចូលរួមកិច្ចប្រជុំពាក់ព័ន្ធនឹងបញ្ហាសន្តិសុខព្រំដែន រវាងកម្ពុជា ថៃ នៅទីក្រុងបាងកក ប្រទេសថៃរយៈពេល៣ថ្ងៃ ចាប់ពីថ្ងៃទី១០ ដល់ថ្ងៃ១២ ខែមិថុនា ។ នេះបើតាមគេហរទំព័រអគ្គស្នងការដ្ឋាននគរបាលជាតិ។
នៅក្នុងជំនួបពិភាក្សាការងារជាមួយលោក Nuttavutdh Photisaro ឯកអគ្គរាជទូតថៃ កាលថ្ងៃទី៤ ខែមិថុនានេះ នៅអគ្គស្នងការនគរបាលជាតិ លោក នេត សាវឿន បញ្ជាក់ថា តាមរយៈកិច្ចប្រជុំនោះ នឹងជំរុញឲ្យស្ថានការណ៍នៃការគ្រប់គ្រងសន្តិសុខ សណ្តាប់ធ្នាប់ នៅតាមខ្សែបន្ទាត់ព្រំដែនកម្ពុជា ថៃ មានភាពល្អប្រសើរឡើង។ ជាពិសេសកិច្ចសហប្រតិបត្តិការការបង្ក្រាបបទល្មើសឆ្លងដែន ការផ្តល់ឱកាសឲ្យប្រជាពលរដ្ឋឆ្លងដែនប្រកបរបរបំរើការងារចិញ្ចឹមជីវិត រវាងប្រទេសទាំងពីរ និងសហការចាត់វិធានការអនុវត្តទៅលើជនខិលខូច ជនល្មើសឆ្លងដែនជាដើម។
លោកឯកអគ្គរាជទូតថៃ ក៏ជំរុញឲ្យអាជ្ញាធរប្រទេសទាំងពីរ បន្តបង្កើនទំនាក់ទំនងល្អទាំង កងកំលាំងមានសមត្ថកិច្ច រវាងអ្នកឈរជើងនៅតាមខ្សែបន្ទាត់ព្រំដែនកម្ពុជា និងអាជ្ញាធរនានាទៀត ៕
© រក្សាសិទ្ធិដោយ thmeythmey.com