ជាតិ
សេដ្ឋកិច្ច
កម្ពុជានាំចេញអង្ករបានជិត២៥ម៉ឺនតោន ក្នុងរយៈពេល៥ខែ ឆ្នាំ២០១៥នេះ 05, Jun 2015 , 8:00 pm
![](https://image.thmeythmey.com/pictures/2015/06/05/thumb2/rice_trading.jpg)
×![]()
នៅក្នុងរយៈពេល៥ខែ ឆ្នាំ២០១៥នេះ កម្ពុជានាំចេញអង្ករទៅកាន់ទីផ្សារអន្តរជាតិបានចំនួន២៤៣,០២៥តោន កើនឡើង៦៣.៩ភាគរយ បើធៀបទៅនឹងការនាំចេញក្នុងរយៈពេលដូចគ្នា ក្នុងឆ្នាំ២០១៤ ដែលមានចំនួន ១៤៨,២៦២តោន។ តាមគម្រោងក្នុងឆ្នាំ២០១៥នេះរាជរដ្ឋាភិបាលកម្ពុជា នឹងសម្រេចឲ្យបាននូវការនាំចេញអង្ករឱ្យបាន១លានតោន។ វិស័យស្រូវ អង្ករជាកូនសោមួយយ៉ាងសំខាន់សម្រាប់ជួយដល់ការកាត់បន្ថយភាពក្រីក្រ ឱ្យកាន់តែលឿនថែមទៀត។
នៅក្នុងរយៈពេល៥ខែ ឆ្នាំ២០១៥នេះ កម្ពុជានាំចេញអង្ករទៅកាន់ទីផ្សារអន្តរជាតិបានចំនួន២៤៣,០២៥តោន កើនឡើង៦៣.៩ភាគរយ បើធៀបទៅនឹងការនាំចេញក្នុងរយៈពេលដូចគ្នា ក្នុងឆ្នាំ២០១៤ ដែលមានចំនួន១៤៨,២៦២តោន។ នេះបើយោងតាមរបាយការណ៍នៃការនាំចេញអង្ករ របស់សហព័ន្ធស្រូវអង្ករកម្ពុជា។
បើយោងតាមរបាយការណ៍ដដែលនៅក្នុងខែឧសភាឆ្នាំ២០១៥ កម្ពុជានាំចេញអង្ករបានចំនួន ៤១,៨៤២តោន កើនឡើង៤៩.៥ ភាគរយ បើធៀបនឹងការនាំចេញអង្ករកាលពីមេសាឆ្នាំ ២០១៤ ដែលមានចំនួន២៧,៩៧១តោន។
សូមបញ្ជាក់ថា កាលពីឆ្នាំ២០១៤កន្លងទៅកម្ពុជាបាននាំអង្ករចេញទៅកាន់ទីផ្សារ អន្តរជាតិបានចំនួន ៣៨៧,០៦១តោន។ តាមគម្រោងរាជរដ្ឋាភិបាលកម្ពុជា នឹងសម្រេចឲ្យបាននូវការនាំចេញអង្ករឱ្យបាន១លានតោននៅក្នុង ឆ្នាំ២០១៥នេះ ។ ការសម្រេចបាន១លានតោនការនាំចេញនាឆ្នាំ២០១៥ គឺមានន័យថាផ្តល់នូវកំណើនផលទុនសរុបជាតិឱ្យកាន់តែធំថែមទៀត និងរួមផ្តល់ចំណូលកាន់តែខ្ពស់ដល់ប្រជាជនខ្មែរ។ វិស័យស្រូវ អង្ករជាកូនសោមួយយ៉ាងសំខាន់សម្រាប់ជួយដល់ការកាត់បន្ថយភាពក្រីក្រ ឱ្យកាន់តែលឿនថែមទៀត៕
© រក្សាសិទ្ធិដោយ thmeythmey.com