ជាតិ
សង្គមជាតិ
ក្រសួងបរិស្ថានស្នើឲ្យ ICC Angkor ជួយអភិរក្ស និងអភិវឌ្ឍភ្នំគូលេន
06, Jun 2015 , 9:33 am
លិង្គមួយពាន់នៅភ្នំគូលេននារដូវប្រាំង
×![]()
សៀមរាប៖ នៅក្នុងកិច្ចប្រជុំគណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍតំបន់អង្គរ ហៅកាត់ថា ICC Angkor ក្រសួងបរិស្ថាន បានស្នើឲ្យគណៈកម្មាធិការនេះ ជួយរៀបចំ អភិរក្ស និងអភិវឌ្ឍរមណីយដ្ឋានភ្នំគូលេន។ ឆ្លើយតបនឹងសំណើររបស់រដ្ឋមន្ត្រីក្រសួងបរិស្ថាន គណៈកម្មាធិការអន្តរជាតិ ICC Angkor បានទទួលយកសំណើរ និងសន្យាជួយរៀបចំផែនការនានា ដើម្បីគ្រប់គ្រងតំបន់ភ្នំគូលេន។
សំណើរសុំឲ្យរៀបចំផែនការអភិរក្ស និងអភិវឌ្ឍភ្នំគូលេន របស់ក្រសួងបរិស្ថាន ធ្វើឡើងក្នុងកិច្ចប្រជុំ ICC Angkor កាលពីថ្ងៃទី ៤ និងទី៥ មិថុនា នៅស្នាក់ការអាជ្ញាធរជាតិអប្សរា ខេត្តសៀមរាប។ ក្នុងព័ត៌មានដែលចុះផ្សាយក្នុងទំព័រហ្វេសប៊ុកក្រសួងបរិស្ថាន បានឲ្យដឹងថា តំបន់ភ្នំគូលេន គួរត្រូវបានរៀបចំ គ្រប់គ្រង អភិរក្សបេតិកភណ្ឌ វប្បធម៌ ប្រពៃណី ទំនៀមទម្លាប់ ក៏ដូចជាជីវចម្រុះនៅលើភ្នំនេះ។
ភ្នំគូលេន បានផ្តល់សក្កានុពលជាច្រើនដល់ខេត្តសៀមរាប ក្នុងនោះក្រៅពីតំបន់ទេសចរណ៍ ភ្នំគូលេន គឺសម្បូរដោយប្រាសាទបុរាណ និងជាពិសេសប្រភពទឹក នៅក្នុងខេត្តសៀមរាបទាំងមូលផង។ រមណីយដ្ឋានភ្នំគូលេន មានផ្ទៃដីប្រមាណ ៣៧៥០០ ហិកតា ដែលបច្ចុប្បន្ន ក្រុមហ៊ុន ស៊ីធី របស់លោក សៀង ណាំ និងទាហានភូមិភាគ៤ កំពុងគ្រប់គ្រងយកថ្លៃសំបុត្រទស្សនា។ ចំណែកហេដ្ឋារចនាសម្ព័ន្ធវិញ គេឃើញថា មិនទាន់មានការអភិវឌ្ឍនៅឡើយទេ គឺផ្លូវឡើង និងចុះ គឺតែមួយ ហើយមានហានិភ័យខ្ពស់ចំពោះអ្នកទេសចរទៅកម្សាន្ត អំឡុងខែវស្សា។ ភ្នំគូលេន ដែលជាផ្នែកមួយនៃឧទ្យានជាតិ មានឈ្មោះហៅថា ឧទ្យានជាតិព្រះជ័យវរ្ម័ន-នរោត្តម។
តាមរយៈការស្រាវជ្រាវ និងរុករកនៅលើភ្នំគូលេន ចាប់តាំងពីចុងសតវត្សទី១៩មក ប្រាសាទ បុរាណជាច្រើន ត្រូវបានកត់ត្រា និងចុះក្នុងបញ្ជីសារពើភណ្ឌប្រាសាទបុរាណ។ ប្រាសាទបុរាណទាំងនោះ ភាគច្រើនត្រូវបានកសាងឡើងក្នុងរាជព្រះបាទជ័យវរ្ម័នទី២ នាដើមសតវត្សទី៩ និងប្រាសាទមួយចំនួនទៀតត្រូវបានកសាងឡើងក្នុងរាជព្រះបាទជ័យវរ្ម័នទី៧ នាសតវត្សទី១។ មានប្រាសាទចំនួនជាង ៥០ ដែលកសាងនៅលើភ្នំគូលេននេះ។
នៅក្នុងសម័យសង្គ្រាម រមណីយដ្ឋានភ្នំគូលេន គឺជាកន្លែងឈរជើងរបស់កងទ័ព ហើយក្នុងនោះ តំបន់មួយចំនួន ក៏រងការបំផ្លិចបំផ្លាញផងដែរ។ ក្រសួងបរិស្ថានក៏មានផែនការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ ដែលកប់នៅក្នុងតំបន់ភ្នំគូលេន។ យ៉ាងណាមិញ ការរៀបចំរបាយការណ៍នានា ដើម្បីអភិរក្ស គ្រប់គ្រងរមណីយដ្ឋានភ្នំគូលេន នឹងឡើងយកមកនិយាយម្តងទៀត នៅកិច្ចប្រជុំពេញអង្គរបស់គណៈគម្មាធិការអន្តរជាតិ អាយស៊ីស៊ីអង្គរ ដែលនឹងប្រព្រឹត្តិទៅនៅក្នុងខែធ្នូខាងមុខនេះ៕
សំណើរសុំឲ្យរៀបចំផែនការអភិរក្ស និងអភិវឌ្ឍភ្នំគូលេន របស់ក្រសួងបរិស្ថាន ធ្វើឡើងក្នុងកិច្ចប្រជុំ ICC Angkor កាលពីថ្ងៃទី ៤ និងទី៥ មិថុនា នៅស្នាក់ការអាជ្ញាធរជាតិអប្សរា ខេត្តសៀមរាប។ ក្នុងព័ត៌មានដែលចុះផ្សាយក្នុងទំព័រហ្វេសប៊ុកក្រសួងបរិស្ថាន បានឲ្យដឹងថា តំបន់ភ្នំគូលេន គួរត្រូវបានរៀបចំ គ្រប់គ្រង អភិរក្សបេតិកភណ្ឌ វប្បធម៌ ប្រពៃណី ទំនៀមទម្លាប់ ក៏ដូចជាជីវចម្រុះនៅលើភ្នំនេះ។
ភ្នំគូលេន បានផ្តល់សក្កានុពលជាច្រើនដល់ខេត្តសៀមរាប ក្នុងនោះក្រៅពីតំបន់ទេសចរណ៍ ភ្នំគូលេន គឺសម្បូរដោយប្រាសាទបុរាណ និងជាពិសេសប្រភពទឹក នៅក្នុងខេត្តសៀមរាបទាំងមូលផង។ រមណីយដ្ឋានភ្នំគូលេន មានផ្ទៃដីប្រមាណ ៣៧៥០០ ហិកតា ដែលបច្ចុប្បន្ន ក្រុមហ៊ុន ស៊ីធី របស់លោក សៀង ណាំ និងទាហានភូមិភាគ៤ កំពុងគ្រប់គ្រងយកថ្លៃសំបុត្រទស្សនា។ ចំណែកហេដ្ឋារចនាសម្ព័ន្ធវិញ គេឃើញថា មិនទាន់មានការអភិវឌ្ឍនៅឡើយទេ គឺផ្លូវឡើង និងចុះ គឺតែមួយ ហើយមានហានិភ័យខ្ពស់ចំពោះអ្នកទេសចរទៅកម្សាន្ត អំឡុងខែវស្សា។ ភ្នំគូលេន ដែលជាផ្នែកមួយនៃឧទ្យានជាតិ មានឈ្មោះហៅថា ឧទ្យានជាតិព្រះជ័យវរ្ម័ន-នរោត្តម។
តាមរយៈការស្រាវជ្រាវ និងរុករកនៅលើភ្នំគូលេន ចាប់តាំងពីចុងសតវត្សទី១៩មក ប្រាសាទ បុរាណជាច្រើន ត្រូវបានកត់ត្រា និងចុះក្នុងបញ្ជីសារពើភណ្ឌប្រាសាទបុរាណ។ ប្រាសាទបុរាណទាំងនោះ ភាគច្រើនត្រូវបានកសាងឡើងក្នុងរាជព្រះបាទជ័យវរ្ម័នទី២ នាដើមសតវត្សទី៩ និងប្រាសាទមួយចំនួនទៀតត្រូវបានកសាងឡើងក្នុងរាជព្រះបាទជ័យវរ្ម័នទី៧ នាសតវត្សទី១។ មានប្រាសាទចំនួនជាង ៥០ ដែលកសាងនៅលើភ្នំគូលេននេះ។
នៅក្នុងសម័យសង្គ្រាម រមណីយដ្ឋានភ្នំគូលេន គឺជាកន្លែងឈរជើងរបស់កងទ័ព ហើយក្នុងនោះ តំបន់មួយចំនួន ក៏រងការបំផ្លិចបំផ្លាញផងដែរ។ ក្រសួងបរិស្ថានក៏មានផែនការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ ដែលកប់នៅក្នុងតំបន់ភ្នំគូលេន។ យ៉ាងណាមិញ ការរៀបចំរបាយការណ៍នានា ដើម្បីអភិរក្ស គ្រប់គ្រងរមណីយដ្ឋានភ្នំគូលេន នឹងឡើងយកមកនិយាយម្តងទៀត នៅកិច្ចប្រជុំពេញអង្គរបស់គណៈគម្មាធិការអន្តរជាតិ អាយស៊ីស៊ីអង្គរ ដែលនឹងប្រព្រឹត្តិទៅនៅក្នុងខែធ្នូខាងមុខនេះ៕
© រក្សាសិទ្ធិដោយ thmeythmey.com
