ជាតិ
សង្គមជាតិ
អង្គរវត្តជាប់ជាគោលដៅទេសចរណ៍លេចធ្លោជាងគេនៅលើពិភពលោក 06, Jun 2015 , 3:27 pm
![](https://image.thmeythmey.com/pictures/2015/06/06/thumb2/trip_advisor.jpg)
×![]()
សៀមរាប៖ ថ្មីៗនេះ គេហទំព័រដ៏ល្បីល្បាញមួយរបស់ពិភពលោក គឺ Trip Advisor បានធ្វើការបោះឆ្នោតតាមរយៈគេហទំព័ររបស់ខ្លួន ដោយក្នុងនោះ ប្រាសាទអង្គរវត្តរបស់កម្ពុជា ឈ្នះលេខមួយ ជាប់ពីគោលដៅទេសចរណ៍ដ៏ល្អបំផុតក្នុងពិភពលោក World’s Number 1 Landmark ដោយបានទម្លាក់ដំណែងប្រាសាទ Machu Picchu របស់ប្រទេសប៉េរូជាប់លេខ២ និងប្រាសាទ Taj Mahal ដ៏ល្បីល្បាញរបស់ប្រទេសឥណ្ឌាទៅលេខ៣ ។
ជារៀងរាល់ថ្ងៃ គេហទំព័រទេសចរណ៍ដីល្បីល្បាញក្នុងពិភពលោក Trip Advisor មានអ្នកចូលទស្សនារាប់ម៉ឺននាក់។ ហើយថ្មីៗនេះ Trip Advisor បានផ្តល់ចំណាត់ថ្នាក់ល្អបំផុតដល់ប្រាសាទអង្គរវត្ត ដែលលេចធ្លោជាងគេ។ កាលពីខែមិនាកន្លងទៅ វេបសាយ Trip Advisor ក៏បានផ្តល់ចំណាត់ថ្នាក់ដល់ខេត្តសៀមរាប ដែលជាប់ជាគោលដៅទេសចរណ៍លេខមួយនៅអាស៊ី និងលេខពីរនៅលើពិភព តាមរយៈការបោះឆ្នោតក្នុងវេបសាយរបស់ខ្លួន។ តំណាង Trip Advisor ដែលបានចុះប្រគល់ពានរង្វាន់ដល់ខេត្តសៀមរាប រំពឹងថា នៅឆ្នាំក្រោយខេត្តសៀមរាប ទទួលបានចំណាត់ថ្នាក់លេខមួយនៅលើពិភពលោក ព្រោះថា ខេត្តសៀមរាប ស័ក្តិសមនឹងទទួលបាន។
ប្រជាពលរដ្ឋជាច្រើនបានសាទរចំពោះការផ្តល់ចំណាត់ថ្នាក់នេះ។ យ៉ាងណាមិញ មានមតិខ្លះក៏បានសម្តែងការបារម្ភចំពោះប្រាសាទអង្គរវត្តផង ព្រោះថា ដោយសារកត្តាធម្មជាតិ គួបផ្សំនឹងកតា្តមនុស្ស ប្រាសាទមួយនេះបានរងការខូចខាតជាច្រើន ដោយក្នុងនោះដូចជាការពុកផុយនៃថ្មប្រាសាទជាដើម៕
សម្រាប់ព័ត៌មានបន្ថែមចំពោះការផ្តល់ចំណាត់ថ្នាក់នេះ សូមចូលទៅកាត់វេបសាយ http://www.tripadvisor.com/TravelersChoice-Landmarks
© រក្សាសិទ្ធិដោយ thmeythmey.com