ជាតិ
បទយកការណ៍ / បទសម្ភាសន៍
លោកស្រី ស៊ីវណៃ ៦៧ ឆ្នាំចុងភៅចំណានចូលរួមបង្កើតធនាគារបបរជាមួយលោក ម៉េងលី 07, Jun 2015 , 8:59 am
ភ្នំពេញ៖ លោកស្រី ញ៉ែម ស៊ីវណៃ អាយុ ៦៧ឆ្នាំ បានសន្យាថា នឹងចម្អិនបបរសសម្រាប់ធនាគារបបររបស់លោក គួច ម៉េងលី រហូតដល់ធ្វើលែងកើត។ លោក គួច ម៉េងលី ស្ថាបនិកសាលាអន្តរទ្វីប និងវិទ្យាស្ថានអន្តរទ្វីបអាមេរិកាំងបានបង្កើតសកម្មភាពមូលនិធិជាច្រើនក្នុងនោះ មានដូចជា ធនាគារឈាម និងធនាគារបបរ។ ធនាគារបបរ គឺជាសកម្មភាពមួយក្នុងចំណោមសកម្មភាពមនុស្សធម៌ដទៃទៀតរបស់លោក វេជ្ជបណ្ឌិត ម៉េងលី។
ក្រុមការងាររបស់លោកសាស្ត្រចារ្យ គួច ម៉េងលី ត្រូវចំអិនបបរសាច់មាន់លាយសាច់ជ្រូកដ៏ឆ្ងាញ់ដើម្បីដើរចែកជូនមហាជន មិនថា អ្នកមាន ឬអ្នកក្រីក្រ១ដង ឬ២ដងក្នុង១ខែ។ ចាប់តាំងពីការបង្កើតធនាគារបបរមក ក្រុមការងារបានចែកជូនដល់មហាជនចំនួនជាង២០លើកហើយ។ មនុស្សច្រើនម៉ឺននាក់បានទទួលអាហារបបរពីធនាគារបបររបស់លោក គួច ម៉េងលី។ ក្នុងរយៈពេល១០ឆ្នាំចុងក្រោយនេះ លោក គួច ម៉េងលី បានចំណាយថវិកាផ្ទាល់ខ្លួនប្រមាណជា៥លានដុល្លារអាមេរិកដើម្បីធ្វើសកម្មភាពមនុស្សធម៌៕
ដើម្បីជ្រាបព័ត៌មានលម្អិតពីឆន្ទៈរបស់លោកស្រី ញ៉ែម ស៊ីវណៃ សូមអញ្ជើញស្តាប់សម្ភាសន៍ខ្លីរវាងលោក គី សុខលីម អគ្គនាយកសារព័ត៌មានថ្មីៗ និងលោកស្រីចុងភៅជំនាញបបរ ស៊ីវណៃ ដូចតទៅ៖
![](/imgs/image/CHEAV%20Samnang/Proidge%20Cook%20(2).JPG)
![](/imgs/image/CHEAV%20Samnang/Proidge%20Cook%20(1).JPG)
© រក្សាសិទ្ធិដោយ thmeythmey.com