ជាតិ
សង្គមជាតិ
រដ្ឋាភិបាល និងវិស័យឯកជនទាមទារឲ្យឥណ្ឌាបញ្ឈប់ការសង់ប្រាសាទចម្លងពីអង្គរវត្ត
07, Jun 2015 , 10:32 am
ប្លង់ប្រាសាទអង្គរវត្ត ដែលឥណ្ឌាចង់សាងសង់
×![]()
នៅថ្ងៃទី៦ មិថុនាម្សិលមិញ ក្រសួងការបរទេស និងសហប្រតិបត្តិការអន្តរជាតិ បានផ្ញើកំណត់ទូតមួយទៅកាន់ក្រសួងការបរទេសឥណ្ឌា ដោយស្នើឲ្យស្ថាប័ននេះ ចាត់ការទៅក្រុមហ៊ុនមួយរបស់ឥណ្ឌា ឲ្យបញ្ឈប់គម្រោងសាងសង់ប្រាសាទអង្គរវត្ត ដែលចម្លងរចនាបថទាំងស្រុងពីប្រាសាទអង្គរវត្តកម្ពុជា។ ក្រៅពីរដ្ឋាភិបាល វិស័យឯក ដូចជាទីភ្នាក់ងារទេសចរណ៍ និងមគ្គុទ្ទេសក៍ជាដើម បានយល់ស្របចំពោះចំណាត់ការនេះ និងថារដ្ឋាភិបាលគួរមានវិធានការឲ្យលឿនជាងនេះបន្តិច។
ខ្លឹមសារក្នុងកំណត់ទូតដដែលបានសរសេរថា ការសង់ប្រាសាទដោយចម្លងតាមប្រាសាទអង្គរវត្តនោះ គឺក្នុងបំណងផលប្រយោជន៍ពាណិជ្ជកម្ម និងបង្ហាញពីការរំលោភបំពានយ៉ាងធ្ងន់ធ្ងរ ដល់សម្បត្តិបេតិកភ័ណ្ឌពិភពលោក។ ក្រសួងការបរទេសកម្ពុជា ទាមទារឲ្យក្រសួងការបរទេសឥណ្ឌា អន្តរាគមន៍ឲ្យក្រុមហ៊ុន MAHAVIR MANDIR TRUST បញ្ឈប់ការសាងសង់ប្រាសាទ អ្វីដែលជារបស់ខ្មែរ ជាក់ស្តែងប្រាសាទអង្គរវត្ត គឺជានិមិត្តរូបដ៏សំខាន់ក្នុងទង់ជាតិកម្ពុជាជាច្រើនសតវត្សមកហើយនោះ។
ប្រធានសមាគមទីភ្នាក់ងារទេសចរណ៍កម្ពុជា ក៏បានអបអរសាទរចំពោះចំណាត់ការរដ្ឋាភិបាលនេះដែរ។ យ៉ាងណាលោក អាង គឹមអៀង យល់ថា ចំណាត់ការនេះមានភាពយឺតយ៉ាវបន្តិច គួរណាជំទាស់តាំងពីមុនចាប់ផ្តើមសាងសង់មកម្លេះ។ លោក គឹមអៀង បន្ថែមថា៖« ក្នុងនាមខ្ញុំជាម្ចាស់អង្គរមួយរូប ខ្ញុំមិនគាំទ្រឲ្យមានការសង់ប្រាសាទចម្លងពីអង្គរវត្តទេ។ ប្រសិនការចម្លងមានទ្រង់ទ្រាយតូចៗ ខ្ញុំមិនយល់ទាស់ទេ តែនេះធំស្កឹមស្កៃពេក»។
ប្រធានសមាគមទីភ្នាក់ងារទេសចរណ៍កម្ពុជា ក៏បានស្នើឲ្យអង្គការយូណេស្គូ ជួយទប់ស្កាត់ការលួចចម្លងនេះឲ្យបានឆាប់រហ័ស បើមិនដូច្នោះទេ សេដ្ឋកិច្ច និងវប្បធម៌កម្ពុជា នឹងរងការប៉ះពាល់។ ប្រសិនបើឥណ្ឌាពិតជាកសាងប្រាសាទអង្គរវត្តបានពិតប្រាកដមែន នោះទេសចរនឹងបែងចែកជាពីរ ទីមួយគឺអ្នកដែលចង់ទៅឃើញរបស់ពិត និងទីពីរ គឺចង់ឃើញរបស់ថ្មី។ របស់ថ្មីដែលអាចមានការសាងសង់ទំនើបជាង។ «ធម្មតារបស់ចាស់ វាមានតម្លៃជាងរបស់ថ្មី តែអ្វីដែលថ្មី វាក៏មានអាយុវែងជារបស់ចាស់ដែរ»។ នេះបើតាមការយល់ឃើញរបស់លោក អាង គឹមអៀង។
ដោយឡែកប្រធានសមាគមមគ្គុទ្ទេសក៍ទេសចរណ៍ភាសាកូរ៉េ លោក ប៉ឹក ថុល ក៏យល់ថា ការចម្លងស្នាដៃអង្គរវត្តពីសំណាក់ឥណ្ឌា ជារឿងមួយប៉ះពាល់ដល់វិស័យទេសចរណ៍កម្ពុជាដែរ។ ក្រៅពីទាញទម្លាក់ចំនួនភ្ញៀវទេសចរហើយនោះ ប្រទេសឥណ្ឌាក៏អាចលួចប្រវត្តិសាស្ត្រខ្មែរបានយ៉ាងងាយស្រួលដែរ ដើម្បីបំភ្លៃប្រាប់ភ្ញៀវទេសចររបស់ខ្លួន។ លោក ថុល បានទទួចយ៉ាងមុតមាំទៅរដ្ឋាភិបាល ធ្វើយ៉ាងណាទប់ស្កាត់ឲ្យបានចំពោះបំណងរបស់ឥណ្ឌា ដែលចង់សង់ប្រាសាទចម្លងតាមអង្គរវត្ត ដែលជាស្នាដៃរបស់បុព្វបុរសខ្មែរពីដើមនោះ។
គួររម្លឹកថា ព័ត៌មានមួយចំនួនបានចុះផ្សាយថា ឥណ្ឌាកំពុងដំណើរសាងសង់ប្រាសាទអង្គរវត្ត ដោយយកគំរូតាមប្រាសាទអង្គរវត្តរបស់ខ្មែរ។ ការសាងសង់ គឺនៅលើផ្ទៃដីប្រមាណ ២០០ហិកតា ដោយគ្រោងចំណាយថវិកាចំនួន ៧៨លានដុល្លារសហរដ្ឋអាមេរិក។ ឥណ្ឌាគឺជាប្រទេសមួយ ដែលវិនិយោគលើការជួយជួសជុលប្រាសាទក្នុងតំបន់រមណីយដ្ឋានអង្គរ ក្នុងនោះមានប្រាសាទអង្គរវត្ត ហើយបច្ចុប្បន្ន ប្រទេសនេះកំពុងដំណើរការជួសជុលនៅបរិវេណប្រាសាទតាព្រហ្ម។ តើអាចនិយាយបានទេថា ឥណ្ឌាមានគំនិតចម្លងស្នាដៃអង្គរវត្ត មុននឹងខ្លួនចូលខ្លួនវិនិយោគជួយជួសជុលប្រាសាទរបស់ខ្មែរ?
ខ្លឹមសារក្នុងកំណត់ទូតដដែលបានសរសេរថា ការសង់ប្រាសាទដោយចម្លងតាមប្រាសាទអង្គរវត្តនោះ គឺក្នុងបំណងផលប្រយោជន៍ពាណិជ្ជកម្ម និងបង្ហាញពីការរំលោភបំពានយ៉ាងធ្ងន់ធ្ងរ ដល់សម្បត្តិបេតិកភ័ណ្ឌពិភពលោក។ ក្រសួងការបរទេសកម្ពុជា ទាមទារឲ្យក្រសួងការបរទេសឥណ្ឌា អន្តរាគមន៍ឲ្យក្រុមហ៊ុន MAHAVIR MANDIR TRUST បញ្ឈប់ការសាងសង់ប្រាសាទ អ្វីដែលជារបស់ខ្មែរ ជាក់ស្តែងប្រាសាទអង្គរវត្ត គឺជានិមិត្តរូបដ៏សំខាន់ក្នុងទង់ជាតិកម្ពុជាជាច្រើនសតវត្សមកហើយនោះ។
ប្រធានសមាគមទីភ្នាក់ងារទេសចរណ៍កម្ពុជា ក៏បានអបអរសាទរចំពោះចំណាត់ការរដ្ឋាភិបាលនេះដែរ។ យ៉ាងណាលោក អាង គឹមអៀង យល់ថា ចំណាត់ការនេះមានភាពយឺតយ៉ាវបន្តិច គួរណាជំទាស់តាំងពីមុនចាប់ផ្តើមសាងសង់មកម្លេះ។ លោក គឹមអៀង បន្ថែមថា៖« ក្នុងនាមខ្ញុំជាម្ចាស់អង្គរមួយរូប ខ្ញុំមិនគាំទ្រឲ្យមានការសង់ប្រាសាទចម្លងពីអង្គរវត្តទេ។ ប្រសិនការចម្លងមានទ្រង់ទ្រាយតូចៗ ខ្ញុំមិនយល់ទាស់ទេ តែនេះធំស្កឹមស្កៃពេក»។
ប្រធានសមាគមទីភ្នាក់ងារទេសចរណ៍កម្ពុជា ក៏បានស្នើឲ្យអង្គការយូណេស្គូ ជួយទប់ស្កាត់ការលួចចម្លងនេះឲ្យបានឆាប់រហ័ស បើមិនដូច្នោះទេ សេដ្ឋកិច្ច និងវប្បធម៌កម្ពុជា នឹងរងការប៉ះពាល់។ ប្រសិនបើឥណ្ឌាពិតជាកសាងប្រាសាទអង្គរវត្តបានពិតប្រាកដមែន នោះទេសចរនឹងបែងចែកជាពីរ ទីមួយគឺអ្នកដែលចង់ទៅឃើញរបស់ពិត និងទីពីរ គឺចង់ឃើញរបស់ថ្មី។ របស់ថ្មីដែលអាចមានការសាងសង់ទំនើបជាង។ «ធម្មតារបស់ចាស់ វាមានតម្លៃជាងរបស់ថ្មី តែអ្វីដែលថ្មី វាក៏មានអាយុវែងជារបស់ចាស់ដែរ»។ នេះបើតាមការយល់ឃើញរបស់លោក អាង គឹមអៀង។
ដោយឡែកប្រធានសមាគមមគ្គុទ្ទេសក៍ទេសចរណ៍ភាសាកូរ៉េ លោក ប៉ឹក ថុល ក៏យល់ថា ការចម្លងស្នាដៃអង្គរវត្តពីសំណាក់ឥណ្ឌា ជារឿងមួយប៉ះពាល់ដល់វិស័យទេសចរណ៍កម្ពុជាដែរ។ ក្រៅពីទាញទម្លាក់ចំនួនភ្ញៀវទេសចរហើយនោះ ប្រទេសឥណ្ឌាក៏អាចលួចប្រវត្តិសាស្ត្រខ្មែរបានយ៉ាងងាយស្រួលដែរ ដើម្បីបំភ្លៃប្រាប់ភ្ញៀវទេសចររបស់ខ្លួន។ លោក ថុល បានទទួចយ៉ាងមុតមាំទៅរដ្ឋាភិបាល ធ្វើយ៉ាងណាទប់ស្កាត់ឲ្យបានចំពោះបំណងរបស់ឥណ្ឌា ដែលចង់សង់ប្រាសាទចម្លងតាមអង្គរវត្ត ដែលជាស្នាដៃរបស់បុព្វបុរសខ្មែរពីដើមនោះ។
គួររម្លឹកថា ព័ត៌មានមួយចំនួនបានចុះផ្សាយថា ឥណ្ឌាកំពុងដំណើរសាងសង់ប្រាសាទអង្គរវត្ត ដោយយកគំរូតាមប្រាសាទអង្គរវត្តរបស់ខ្មែរ។ ការសាងសង់ គឺនៅលើផ្ទៃដីប្រមាណ ២០០ហិកតា ដោយគ្រោងចំណាយថវិកាចំនួន ៧៨លានដុល្លារសហរដ្ឋអាមេរិក។ ឥណ្ឌាគឺជាប្រទេសមួយ ដែលវិនិយោគលើការជួយជួសជុលប្រាសាទក្នុងតំបន់រមណីយដ្ឋានអង្គរ ក្នុងនោះមានប្រាសាទអង្គរវត្ត ហើយបច្ចុប្បន្ន ប្រទេសនេះកំពុងដំណើរការជួសជុលនៅបរិវេណប្រាសាទតាព្រហ្ម។ តើអាចនិយាយបានទេថា ឥណ្ឌាមានគំនិតចម្លងស្នាដៃអង្គរវត្ត មុននឹងខ្លួនចូលខ្លួនវិនិយោគជួយជួសជុលប្រាសាទរបស់ខ្មែរ?
© រក្សាសិទ្ធិដោយ thmeythmey.com
