កីឡាជាតិ
ជាតិ
ប៉េតង់៖ កីឡាករ ថោង ឈឿន និងកីឡាការិនី អ៊ុន ស្រីយ៉ា កំពុងត្រៀមប្រកួតយកមេដាយមាសរៀងៗខ្លួន 08, Jun 2015 , 8:19 am
![កីឡាករ ថោង ឈឿន និងកីឡាការិនី អ៊ុន ស្រីយ៉ា](https://image.thmeythmey.com/pictures/2015/06/08/thumb2/chhoeung.jpg)
កីឡាករ ថោង ឈឿន និងកីឡាការិនី អ៊ុន ស្រីយ៉ា
×![]()
កីឡាករប៉េតង់ ថោង ឈឿន យកឈ្នះកីឡាករវៀតណាម Ngo Ron ១៣-៦ ខណៈកីឡាការនី អ៊ុន ស្រីយ៉ា បានយកឈ្នះកីឡាការិនីឡាវ Thepphankan Bovilak ១៣-៥ នៅវគ្គពាក់កណ្តាលផ្តាច់ព្រ័ត្រវិញ្ញាសាឯកត្តជន នៅទីលាន Padang នាព្រឹត្តិការណ៍កីឡាស៊ីហ្គេមលើកទី២៨ នាព្រឹកថ្ងៃចន្ទ ទី៨ ខែមិថុនា នេះ។
ថោង ឈឿន កំពុងត្រៀមប្រជែងមេដាយមាសជាមួយកីឡាករ ម៉ាឡេស៊ី MAT DAUD Muhd Hafizuddin ដែលបានយកឈ្នះកីឡាករឡាវ KEOKANNIKA Phoudthala។ នៅវគ្គជម្រុះតាមពូល ថោង ឈឿន ស្ថិតនៅ ចំណាត់ថ្នាក់លេខ៤ ដោយលេងឈ្នះហ្វីលីពីន ១៣-៦ ឈ្នះវៀតណាម ១៣-១០ ឈ្នះថៃ ១៣-១១ ឈ្នះសឹង្ហបុរី ១៣-១២ ឈ្នះមីយ៉ាន់ម៉ារ ១៣-១០ ឈ្នះប្រ៊ុយណេ ១៣-៧ តែចាញ់ឥណ្ឌូនេស៊ី ១៣-១២ ចាញ់ ឡាវ ១៣-៩ និងចាញ់ម៉ាឡេស៊ី ១៣-១២ ។
អ៊ុន ស្រីយ៉ា ត្រូវប៉ះកីឡាការិនីថៃ FUEANGSANIT Nantawan នៅវគ្គផ្តាច់ព្រ័ត្រ។ កីឡាការិនីថៃ បានបំបាក់កីឡាការិនីមីយ៉ាន់ម៉ារ THET Khin Cherry នាវគ្គពាក់កណ្តាលផ្តាច់ព្រ័ត្រនៅវគ្គជម្រុះ អ៊ុន ស្រីយ៉ា ជាប់ចំណាត់ថ្នាក់លេខ២ដោយឈ្នះឡាវ ១០-៧ ឈ្នះមីយ៉ាន់ម៉ារ ១៣-៩ ឈ្នះវៀតណាម ១៣-៤ ឈ្នះសឹង្ហបុរី ១៣-១០ ឈ្នះម៉ាឡេស៊ី ១៣-៣ ឈ្នះឥណ្ឌូនេស៊ី ១៣-៥ តែចាញ់ថៃ ១៣-៤ ចាញ់ហ្វីលីពីន ១៣-៩ ៕
© រក្សាសិទ្ធិដោយ thmeythmey.com