លោក ម៉ាង ព្រែក៖ មិនចង់ទៅធ្វើកម្មករនៅក្រៅប្រទេស ព្រោះខ្លាចគេបាញ់សម្លាប់

ជាតិ

បទយកការណ៍ / បទសម្ភាសន៍

លោក ម៉ាង ព្រែក៖ មិនចង់ទៅធ្វើកម្មករនៅក្រៅប្រទេស ព្រោះខ្លាចគេបាញ់សម្លាប់

09, Jun 2015 , 8:19 am

រូបភាព

ដោយ:

មានវ័យ ២៨ឆ្នាំ លោក ម៉ាង ព្រែក ជាប្រធានក្រុមផ្នែកថែទាំកៅស៊ូ ក្នុងក្រុមហ៊ុនដាំកៅស៊ូ បរទេសឯកជនមួយ ក្នុងខេត្តព្រះវិហារ។ បុរសមានដើមកំណើតក្នុងខេត្តកំពង់ចាមរូបនេះ សុខចិត្តធ្វើកម្មករក្នុងប្រទេស ទោះបីជាស្រួល ឬលំបាកក៏ដោយចុះ ដោយលោកលើកឡើងថា ការធ្វើចំណាកស្រុកគឺមានហានិយភ័យខ្ពស់។ «ខ្ញុំមិនហ៊ានទៅធ្វើស្រុកគេ ព្រោះខ្លាចគេបាញ់ ងាប់ ពីមុននាំគ្នាគេបាញ់កម្មករ ដូចនេះខ្ញុំមិនហ៊ានទៅទេ»។ នេះបញ្ជាក់របស់លោក ព្រែក។

ចុចទីនេះដើម្បីទទួលបានព័ត៌មានរហ័ស

ជាបន្តសូមស្តាបបទសម្ភាសន៍រវាងលោក ម៉ាង ព្រែក និងលោក រឿន ភារុន អ្នកសារព័ត៌មានអេឡិចត្រូនិចថ្មីដូចតទៅ៖

កាលពី ៣ឆ្នាំមុន លោកធ្លាប់បានគេអូសទាញទៅធ្វើការការងារដឹកឈើខុសច្បាប់នៅតំបន់ព្រំដែនកម្ពុជា ថៃទៀតផង ប៉ុន្តែដោយសារការខ្លាចរអានឹងកាណុងកាំភ្លើងនោះ លោកក៏ឈប់ប្រកបរបរប្រថុយប្រថាននេះដែរ។ បន្ទាប់ពីនោះមក បុរសដែលធ្លាប់មានបំណងទៅធ្វើការការងារជាពលករចំណាកស្រុកខុសច្បាប់រូបនេះ បានសម្រេចចិត្តរកការងារក្នុង ចំការកៅស៊ូក្នុងស្រុកវិញ។

បច្ចុប្បន្ននេះ តាមរយៈការងារមើលថែទាំដំណាំកៅស៊ូក្នុងតំបន់ព្រៃភ្នំ លោក ព្រែក អាចសល់ថវិកាសម្រាប់ចិញ្ចឹមគ្រួសារ ហើយមួយចំណែកទៀត លោកអាចសន្សំទុកដើម្បីត្រឡប់ទៅប្រកបរបរធ្វើស្រែចំការផ្ទាល់ខ្លួននៅស្រុកកំណើតនាពេលអនាគត៕