ជាតិ
សង្គមជាតិ
EDCផ្អាកផ្គត់ផ្គង់អគ្គិសនី៤ថ្ងៃនៅភ្នំពេញនិងខេត្តកណ្តាល តាមពេល និងកន្លែងផ្សេងគ្នា
10, Jun 2015 , 10:52 am
×![]()
ដោយ: សារព័ត៌មានថ្មីៗ
អគ្គិសនីកម្ពុជានឹងផ្អាកការផ្គត់ផ្គង់អគ្គិសនីនៅតំបន់ភ្លើងមួយចំនួន តាមពេលវេលានិងទីកន្លែងផ្សេងគ្នារយៈពេល៤ថ្ងៃ ចាប់ពីថ្ងៃទី១១ដល់ថ្ងៃទី១៤ខែមិថុនាឆ្នាំ២០១៥ ។ ការផ្អាកការផ្គត់ផ្គង់អគ្គិសនីនេះ គឺដើម្បីសម្រួលដល់ការអនុវត្តការងារជួលជុល ផ្លាស់ប្តូរ តម្លើងបរិក្ខារ និងរុះរើគន្លងខ្សែបណ្តាញបង្កលក្ខណៈងាយស្រួលដល់ការដ្ឋានពង្រីកផ្លូវ។ នេះបើតាមការប្រកាសនៅក្នុងសេចក្តី ជូនដំណឹងរបស់អគ្គិសនីកម្ពុជាEDC។
បើតាមសេចក្តីជូនដំណឹង ចាប់ពីម៉ោង៩ព្រឹក ដល់ម៉ោង៥ល្ងាច ថ្ងៃទី១១ខែមិថុនា EDC នឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខប.ត៣០៦ ស្ថិតនៅតាមបណ្តោយផ្លូវជាតិលេខ១ ក្នុងសង្កាត់វាលស្បូវ ខណ្ឌច្បារអំពៅ តំបន់ភ្លើងលេខប.ត៣៦៩ ស្ថិតនៅភូមិទួលត្នោត ក្នុងសង្កាត់ទួលសង្កែ ខណ្ឌឫស្សីកែវ តំបន់ភ្លើងលេខP៣៤៣ ស្ថិតនៅភូមិឫស្សី សង្កាត់ស្ទឹង មានជ័យ ខណ្ឌមានជ័យ តំបន់ភ្លើងមួយចំនួនដែលស្ថិតនៅភូមិដំណាក់ធំ ភូមិទ្រា ក្នុងសង្កាត់ស្ទឹងមានជ័យ ខណ្ឌមានជ័យ ភូមិស្លែងរលើង សង្កាត់ទឹកថ្លា ខណ្ឌសែនសុខ ភូមិចំបក់សង្កាត់ចោមចៅ ខណ្ឌពោធិ៍សែនជ័យ និងតំបន់ភ្លើងមួយចំនួនដែលស្ថិតនៅតាមបណ្តាយផ្លូវជាតិលេខ៥ ចាប់ពីភូមិផ្សារលិច ក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ រហូតដល់ភូមិព្រែកតាទែន ស្រុកពញាឮ ខេត្តកណ្តាល។
«នៅថ្ងៃទី១២ខែមិថុនា ចាប់ពីម៉ោង៩ព្រឹក ដល់ម៉ោង៥ល្ងាច EDC នឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខប.ត៣០៦ ស្ថិតនៅតាមបណ្តោយផ្លូវជាតិលេខ១ ក្នុងសង្កាត់វាលស្បូវ ខណ្ឌច្បារអំពៅ តំបន់ភ្លើងលេខប.ត៣៦៩ ស្ថិតនៅភូមិទួលត្នោត ក្នុងសង្កាត់ទួលសង្កែ ខណ្ឌឫស្សីកែវ តំបន់ភ្លើងមួយចំនួនដែលស្ថិតនៅតាមបណ្តាយផ្លូវជាតិលេខ២១ ចាប់ពីសង្កាត់តាខ្មៅ ក្រុងតាខ្មៅ រហូតដល់ភូមិទួលក្រសាំង ក្នុងឃុំរការខ្ពស់ ស្រុកស្អាង ខេត្តកណ្តាល និងតំបន់ភ្លើងមួយចំនួនដែលស្ថិតនៅតាមបណ្តាយផ្លូវជាតិលេខ៥ ចាប់ពីភូមិផ្សារលិច ក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ រហូតដល់ភូមិព្រែកតាទែន ស្រុកពញាឮ ខេត្តកណ្តាល។ ដោយឡែកនៅថ្ងៃទី១៣មិថុនាចាប់ពីម៉ោង៩ព្រឹក ដល់ម៉ោង៥ល្ងាច EDC នឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខប.ត៣៦៩ P០៥២ P៧៩៨ ស្ថិតនៅភូមិទួលត្នោត ភូមិទួលគោក ក្នុងសង្កាត់ទួលសង្កែ ខណ្ឌឫស្សីកែវ តំបន់ភ្លើងមួយចំនួនដែលស្ថិតនៅតាមបណ្តាយផ្លូវជាតិលេខ១ ចាប់ពីសង្កាត់ច្បារអំពៅ១ សង្កាត់ច្បារអំពៅសង្កាត់និរោធ ខណ្ឌច្បារអំពៅ និងចាប់ពីសង្កាត់ក្បាលកោះ សង្កាត់ច្បារអំពៅ រាជធានីភ្នំពេញ រហូតដល់ភូមិស្តៅកន្លែង ស្រុកកៀនស្វាយ ខេត្តកណ្តាល តំបន់ភ្លើងមួយចំនួនស្ថិតនៅភូមិផ្សារតូច ភូមិទួលគោក ក្នុងសង្កាត់ទួលសង្កែ ខណ្ឌឫស្សីកែវ និងតំបន់ភ្លើងមួយចំនួនស្ថិតនៅតាមបណ្តាយផ្លូវជាតិលេខ២១ ចាប់ពីសង្កាត់តាខ្មៅ ក្រុងតាខ្មៅ រហូតដល់ភូមិទួលក្រសាំង ក្នុងឃុំរការខ្ពស់ ស្រុកស្អាង ខេត្តកណ្តាល»។ នេះបើតាមខ្លឹមសារនៃសេចក្តីជូនដំណឹងរបស់អគ្គិសនីកម្ពុជាEDC។
សេចក្តី ជូនដំណឹងបានឲ្យដឹងទៀតថា នៅថ្ងៃអាទិត្យទី១៤ខែមិថុនា ចាប់ពី៩ព្រឹកដល់ម៉ោង៥ល្ងាច នឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខ P០៥២តនៅភូមិទួលគោក ក្នុងសង្កាត់ទួលសង្កែ ខណ្ឌឫស្សីកែវ តំបន់ភ្លើងលេខប.ត៣៦៤ ស្ថិតនៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ តំបន់ភ្លើងលេខP៨៧៦ ស្ថិតនៅភូមិផ្សារលិច ក្នុងសង្កាត់ព្រែកព្នៅ ខណ្ឌព្រែកព្នៅ តំបន់ភ្លើងលេខP១២៣៨ ស្ថិតនៅភូមិសំរោង សង្កាត់សំរោង ខណ្ឌសែនសុខ តំបន់ភ្លើងមួយចំនួនដែលស្ថិតនៅតាមបណ្តាយផ្លូវជាតិលេខ១ ចាប់ពីសង្កាត់ច្បារអំពៅ១ រហូតដល់សង្កាត់វាលស្បូវ និងតំបន់ភ្លើងមួយចំនួនដែលស្ថិតនៅតាមបណ្តាយផ្លូវជាតិលេខ៤ ចាប់ពីឃុំបែកចាន រហូតដល់ឃុំដំណាក់អំពិល ស្រុកអង្គស្នួល ខេត្តកណ្តាល៕
© រក្សាសិទ្ធិដោយ thmeythmey.com
