ជាតិ
សង្គមជាតិ
កម្ពុជាមានគ្រឹះស្ថានសិក្សាទាំងសាធារណៈ និងឯកជនជាង ១ម៉ឺនកន្លែងទូទាំងប្រទេស
10, Jun 2015 , 12:00 pm
×![]()
ដោយ: ថ្មីៗ
រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានថ្លែងថា កម្ពុជាមានគ្រឹះស្ថានសិក្សាទាំងរដ្ឋ និងឯកជន ចាប់ពីកម្រិតមត្តេយ្យសិក្សា ដល់កម្រិចមធ្យមសិក្សាចំណេះទូទៅសរុបចំនួន ១២ ៨៦៣ កន្លែង។ ក្នុងនោះ មត្តេយ្យសិក្សាចំនួន ៣៦៧៨ សាលាបឋមសិក្សាចំនួន ៧៣៤៨ អនុវិទ្យាល័យចំនួន ១២៩៥ និងវិទ្យាល័យចំនួន ៥៤២ ។ លោកថ្លែងដូចនេះ នៅក្នុងពិធីផ្សព្វផ្សាយរបាយការណ៍ពិនិត្យតាមដានសកល ស្តីពីការអប់រំសម្រាប់ទាំងអស់គ្នា ២០០០-២០១៥ នៅវិទ្យាស្ថានជាតិអប់រំ។
ពិធីប្រកាសផ្សព្វផ្សាយរបាយការណ៍ដែលរៀបចំដោយអង្គការយូណេស្កូ និងក្រសួងអប់រំ នៅថ្ងៃទី១០ មិថុនានេះ មានការចូលរួមពីមន្ត្រីអប់រំ និងតំណាងភាគីពាក់ព័ន្ធទាំងជាតិ និងអន្តរជាតិជាង ១រយនាក់ ។ រដ្ឋមន្ត្រីក្រសួងអប់រំ លោក ហង់ ជួនណារ៉ុន បានថ្លែងថា ក្នុងឆ្នាំសិក្សា ២០១៤ ២០១៥នេះ ក្រសួងអប់រំបានសាងសង់អគារសិក្សាជាច្រើននៅទូទាំង ប្រទេស ជាពិសេសនៅតាមតំបន់ព្រំដែន និងតំបន់ជួបការលំបាក ដើម្បីបង្ខិតសាលារៀនឲ្យកាន់តែជិតតំបន់ដែល មានមនុស្សរស់នៅ។
ជាមួយគ្នានេះ លោកបញ្ជាក់ថា សិស្សានុសិស្សចំនួន ៣ ១១២ ៩៦៩ នាក់ ក្នុងសិស្សនារីចំនួន ១ ៥២០ ៣១១ ស្មើនឹង ៤៨,៨ភាគរយ បាននឹងកំពុងសិក្សានៅតាមគ្រឹះស្ថានសិក្សាទាំងអស់ ទាំងសាធារណៈ និងឯកជនចាប់ពីមត្តេយ្យសិក្សាដល់មធ្យមសិក្សា។
លោកបន្តថា គ្រឹះស្ថានកម្រិតឧត្តមសិក្សានៅទូទាំងប្រទេសមានចំនួន ១១០កន្លែង ក្នុងនោះគ្រឹះស្ថានឧត្តមសាធារណៈចំនួន ៤៣ និងឯកជនចំនួន ៦៧ មានទីតាំងនៅក្នុងតាម ១៩ រាជធានី ខេត្ត។ ហើយគ្រឹះស្ថានឧត្តមសិក្សាទាំងនេះ ស្ថិតក្រោមការគ្រប់គ្រងរបស់ក្រសួង ១៤ ផ្សេងៗគ្នា។ លោករដ្ឋមន្ត្រីបន្តថា និស្សិតចាប់ពីថ្នាក់បរិញ្ញាបត្ររង ដល់បណ្ឌិតមានចំនួន ២៤៩ ០៩២ នាក់ នារី ១០៣ ៦៦១នាក់ ស្មើនឹង ៤១,៦ភាគរយ។ បើតាមលោករដ្ឋមន្ត្រី បុគ្គលិកអប់រំទូទាំងប្រទេសមានចំនួន ១១៣ ៩៨៦ នាក់ ក្នុងនោះស្រីមានចំនួន ៤៨ ៣៤២នាក់ ស្មើនឹង ៤២,៤១ភាគរយ។
ក្នុងឱកាសនេះដែរ លោករដ្ឋមន្ត្រី ហង់ ជួនណារ៉ុន ក៏បានលើកឡើងពីការកំណត់អាទិភាព រយៈពេលវែងរបស់កម្ពុជាផងដែរ។ អាទិភាពចម្បងរយៈពេលវែងដើម្បីពង្រឹងគុណភាពអប់រំ របស់ក្រសួងអប់រំ ដែលលោករដ្ឋមន្ត្រីបានលើកឡើងនោះ រួមមាន ធានាឲ្យកុមារ និងយុវជន ទទួលការអប់រំរយៈពេល ១២ឆ្នាំ ប្រកបដោយគុណភាពឥតគិតថ្លៃ ធានាបានសមភាពយេនឌ័រ ក្នុងការទទួលសេវាអប់រំ ផ្តោតការយកចិត្តទុកដាក់គ្រូបង្រៀនដែលមានគុណភាព និងលើកកម្ពស់ការសិក្សាមុខវិជ្ជាវិទ្យាសាស្ត្រ បច្ចេកវិទ្យា ពិសេសគឺ ការប្រើប្រាស់បច្ចេកវិទ្យា ព័ត៌មានក្នុងការពង្រឹងប្រព័ន្ធអប់រំ ជាដើម៕
ពិធីប្រកាសផ្សព្វផ្សាយរបាយការណ៍ដែលរៀបចំដោយអង្គការយូណេស្កូ និងក្រសួងអប់រំ នៅថ្ងៃទី១០ មិថុនានេះ មានការចូលរួមពីមន្ត្រីអប់រំ និងតំណាងភាគីពាក់ព័ន្ធទាំងជាតិ និងអន្តរជាតិជាង ១រយនាក់ ។ រដ្ឋមន្ត្រីក្រសួងអប់រំ លោក ហង់ ជួនណារ៉ុន បានថ្លែងថា ក្នុងឆ្នាំសិក្សា ២០១៤ ២០១៥នេះ ក្រសួងអប់រំបានសាងសង់អគារសិក្សាជាច្រើននៅទូទាំង ប្រទេស ជាពិសេសនៅតាមតំបន់ព្រំដែន និងតំបន់ជួបការលំបាក ដើម្បីបង្ខិតសាលារៀនឲ្យកាន់តែជិតតំបន់ដែល មានមនុស្សរស់នៅ។
ជាមួយគ្នានេះ លោកបញ្ជាក់ថា សិស្សានុសិស្សចំនួន ៣ ១១២ ៩៦៩ នាក់ ក្នុងសិស្សនារីចំនួន ១ ៥២០ ៣១១ ស្មើនឹង ៤៨,៨ភាគរយ បាននឹងកំពុងសិក្សានៅតាមគ្រឹះស្ថានសិក្សាទាំងអស់ ទាំងសាធារណៈ និងឯកជនចាប់ពីមត្តេយ្យសិក្សាដល់មធ្យមសិក្សា។
លោកបន្តថា គ្រឹះស្ថានកម្រិតឧត្តមសិក្សានៅទូទាំងប្រទេសមានចំនួន ១១០កន្លែង ក្នុងនោះគ្រឹះស្ថានឧត្តមសាធារណៈចំនួន ៤៣ និងឯកជនចំនួន ៦៧ មានទីតាំងនៅក្នុងតាម ១៩ រាជធានី ខេត្ត។ ហើយគ្រឹះស្ថានឧត្តមសិក្សាទាំងនេះ ស្ថិតក្រោមការគ្រប់គ្រងរបស់ក្រសួង ១៤ ផ្សេងៗគ្នា។ លោករដ្ឋមន្ត្រីបន្តថា និស្សិតចាប់ពីថ្នាក់បរិញ្ញាបត្ររង ដល់បណ្ឌិតមានចំនួន ២៤៩ ០៩២ នាក់ នារី ១០៣ ៦៦១នាក់ ស្មើនឹង ៤១,៦ភាគរយ។ បើតាមលោករដ្ឋមន្ត្រី បុគ្គលិកអប់រំទូទាំងប្រទេសមានចំនួន ១១៣ ៩៨៦ នាក់ ក្នុងនោះស្រីមានចំនួន ៤៨ ៣៤២នាក់ ស្មើនឹង ៤២,៤១ភាគរយ។
ក្នុងឱកាសនេះដែរ លោករដ្ឋមន្ត្រី ហង់ ជួនណារ៉ុន ក៏បានលើកឡើងពីការកំណត់អាទិភាព រយៈពេលវែងរបស់កម្ពុជាផងដែរ។ អាទិភាពចម្បងរយៈពេលវែងដើម្បីពង្រឹងគុណភាពអប់រំ របស់ក្រសួងអប់រំ ដែលលោករដ្ឋមន្ត្រីបានលើកឡើងនោះ រួមមាន ធានាឲ្យកុមារ និងយុវជន ទទួលការអប់រំរយៈពេល ១២ឆ្នាំ ប្រកបដោយគុណភាពឥតគិតថ្លៃ ធានាបានសមភាពយេនឌ័រ ក្នុងការទទួលសេវាអប់រំ ផ្តោតការយកចិត្តទុកដាក់គ្រូបង្រៀនដែលមានគុណភាព និងលើកកម្ពស់ការសិក្សាមុខវិជ្ជាវិទ្យាសាស្ត្រ បច្ចេកវិទ្យា ពិសេសគឺ ការប្រើប្រាស់បច្ចេកវិទ្យា ព័ត៌មានក្នុងការពង្រឹងប្រព័ន្ធអប់រំ ជាដើម៕
© រក្សាសិទ្ធិដោយ thmeythmey.com
