ជាតិ
តុលាការប្រកាសសាលក្រមឧកញ៉ា ថោង សារ៉ាត់ និងឪពុកម្តាយនៅថ្ងៃទី១៥ ខែមិថុនា
11, Jun 2015 , 8:19 pm
×![]()
សាលាដំបូងរាជធានីភ្នំពេញប្រកាសសាលក្រមនៃសំណុំរឿងកាន់កាប់អាវុធខុសច្បាប់ ដែលមានចុងចោទ ឧកញ៉ា ថោង សារ៉ាត់ លោក ថោង ចំរើន ជាឪពុក និងអ្នកស្រី កែវ សារី ជាម្តាយ នៅរសៀលថ្ងៃទី១៥ ខែមិថុនា ខាងមុខ។
សំណុំរឿងនេះ ជាប់ពាក់ព័ន្ធនឹងករណីឃាតកម្មលើឧកញ៉ា អ៊ឹង ម៉េងជី នៅកណ្តាលរាជធានីភ្នំពេញកាលពីរសៀលថ្ងៃទី២២ ខែវិច្ឆិកា ឆ្នាំ២០១៤ កន្លងមក។ លោក ថោង សារ៉ាត់ និងឪពុកម្តាយ រួមទាំងអង្គរក្សម្នាក់ទៀត ត្រូវចោទប្រកាន់តាមមាត្រា៤៩០ នៃក្រមព្រហ្មទណ្ឌ។
មេធាវីការពារក្តីលោក ថោង សារ៉ាត់ លោក ឈុន វីនីតា បានឲ្យដឹងថា តុលាការក្រុងភ្នំពេញ នឹងប្រកាសសាលក្រមកូនក្តីរបស់លោកជាផ្លូវការនៅថ្ងៃទី១៥ សប្តាហ៍ក្រោយនេះ។ លោកថា៖«ខ្ញុំមិនទាន់ទទួលបានលិខិតពន្យារ ឬលើកពេលប្រកាសសាលក្រមពីតុលាការទេ។ តុលាការនឹងប្រកាសសាលក្រមតាមសេចក្តីសម្រេចគ្រោងទុក»។
ជាមួយគ្នានេះដែរ មេធាវីការពារក្តីឲ្យឪពុកម្តាយលោក ថោង សារ៉ាត់ លោក លីម វណ្ណា ក៏បានបញ្ជាក់ថា តុលាការនឹងប្រកាសសាលក្រមកូនក្តីលោកដូចការកំណត់ដែរ។ លោកនិយាយថា៖«តុលាការលើកពេលប្រកាសឬ យ៉ាងណានោះ ខ្ញុំពុំទាន់ទទួលព័ត៌មានទេ តែបើតាមការកំណត់តុលាការនឹងប្រកាសនៅថ្ងៃទី ១៥ខាងមុខនេះ»។
គួររម្លឹកថា អំឡុងសវនាការអស់រយៈពេលប្រមាណ ៤ម៉ោង កាលពីរសៀលថ្ងៃទី២០ ខែឧសភា ឧកញ៉ា ថោង សារ៉ាត់ ដែលត្រូវបានចោទប្រកាន់ថា ជាអ្នកផ្តើមគំនិតនៅក្នុងករណីបាញ់សម្លាប់ឧកញ៉ា អ៊ឹង ម៉េងជឺ បានបដិសេធចំពោះបទចោទ ប្រកាន់ដទៃទៀត ដែលថា លោកកាន់កាប់អាវុធខុសច្បាប់។ ជាមួយគ្នានេះ លោក ថោង ចំរើន និងលោកស្រី កែវ សារី ដែលត្រូវជាឪពុកម្តាយលោក ថោង សារ៉ាត់ ដែលត្រូវបាន ចោទប្រកាន់ពាក់ព័ន្ធនឹងការកាន់កាប់អាវុធគ្មានច្បាប់អនុញ្ញាត ក៏បានចូលរួមសវនាការផងដែរ។ អ្នកទាំងពីរនាក់ ក៏បានអះអាងថា គ្មានទោសកំហុសដែរ ហើយបានសុំឲ្យតុលាការ លើកចោលបទចោទប្រកាន់ ទាំងអស់លើពួកគេ ហើយដោះលែងពួកគេពីពន្ធនាគារ។
ចៅក្រមជំនុំជម្រះ ឃី ឆែ បានប្រាប់តុលាការថា នគរបាលបានចុះទៅផ្ទះរបស់អ្នកទាំងបីនាក់កាលពីខែធ្នូ បន្ទាប់ពីករណីឃាតកម្មលើឧញ៉ា អ៊ឹង ម៉េងជឺ ដោយរកឃើញគ្រាប់កាំភ្លើង និងអាវុធចំនួន ១៥ដើម ក្នុងនោះ កាំភ្លើង AK-47 ចំនួនបួនដើម។ លោកបញ្ជាក់ថា ក្នុងចំណោមអាវុធទាំងអស់ ពួកគេមានអាជ្ញាប័ណ្ណស្របច្បាប់កាន់កាប់តែពីរប៉ុណ្ណោះ។
ជាការឆ្លើយតបនឹងសម្តីរបស់ចៅក្រម លោក ថោង សារ៉ាត់ ដែលជាអតីតឧត្តមសេនីយ៍ទោ និងជាម្ចាស់បុរី ៩៩៩ បាននិយាយថា លោកត្រូវបានចោទប្រកាន់ខុស។ លោកថា៖«ខ្ញុំពិត ជាបដិសេធ ចំពោះបទចោទប្រកាន់មកលើរូបខ្ញុំនេះ ខ្ញុំមិនបានកាន់កាប់កាំភ្លើងខុសច្បាប់។ ខ្ញុំមិនបានទុកកាំភ្លើងនៅក្នុងផ្ទះរបស់ខ្ញុំទេ»។
បន្ទាប់ពីការបដិសសេធរបស់កូនប្រុសរួច លោកស្រី កែវ សារី អាយុ ៥៥ឆ្នាំ បាននិយាយទៅកាន់តុលាការថា លោកស្រីមានតែកាំភ្លើងខ្លីពីរដើម ដែលមានច្បាប់អនុញ្ញាត ដែលត្រូវបានរឹបអូសក្នុងផ្ទះរបស់លោកស្រី។ ស្ត្រីដើមកំណើតវៀតណាមរូបនេះ និយាយភាសាខ្មែរប៉ែឡាំៗថា៖«ក្នុងចំណោមអាវុធទាំងអស់ ខ្ញុំទទួលស្គាល់តែពីរថា ជាអាវុធផ្ទាល់របស់ខ្ញុំ និងប្តីរបស់ខ្ញុំ ព្រោះយើងបានស្នើសុំពីក្រសួងការពារជាតិ។ ខ្ញុំប្រើសម្រាប់ការពារសុវត្ថិភាពខ្លួន និងការពារពេលដែលខ្ញុំជញ្ជូនលុយពីអតិថិជន ព្រោះលុយចូលច្រើនក្នុងមួយថ្ងៃ»។
មេធាវីការពារក្តីឪពុកម្តាយលោក ថោង សារ៉ាត់ លោក លីម វណ្ណា បានថ្លែងថា អាវុធមួយចំនួនក្នុងចំណោមអាវុធទាំងអស់ ដែលរឹបអូសពីផ្ទះពួកគេ ត្រូវបានដាក់ដោយនគរបាល ដើម្បីចោទប្រកាន់លើកូនក្តីរបស់លោក។ លោកថា៖«មិនមានភស្តុតាងពិតប្រាកដបង្ហាញថា កូនក្តីរបស់ខ្ញុំបានកាន់កាប់ និងរក្សាអាវុធទាំងនោះនៅក្នុងផ្ទះពួកគេទេ។ ខ្ញុំសូមឲ្យតុលាការលើកចោលបទចោទនេះ»។
ឧត្តមសេនីយ៍ទោ មាស វណ្ណា នាយករងខុទ្ទាកាល័យក្រសួងការពារជាតិ បានថ្លែងបញ្ជាក់ប្រាប់តុលាការថា ក្រសួងបានចេញអាជ្ញាប័ណ្ណកាំភ្លើងចំនួន ៩ដើមដល់លោក ថោង សារ៉ាត់ កាលពីខែមិថុនា ឆ្នាំ២០១៤ និង ២ដើមទៅលោក ថោង ចំរើន និងលោកស្រី កែវ សារី សម្រាប់បំពេញបេសកកម្ម។ លោកថា៖«លិខិតអនុញ្ញាតប្រើប្រាស់កាំភ្លើងទាំង ១១ ដើមនេះ នៅមានសុពលភាពនៅឡើយ សម្រាប់បំពេញបេសកកម្មឲ្យក្រសួង។ ប៉ុន្តែខ្ញុំមិនអាចបញ្ជាក់លើសពីនេះទេ ព្រោះនេះ ការសម្ងាត់របស់ជាតិ»។
នៅក្នុងសវនាការជាសាធារណៈនេះ លោក ថោង សារ៉ាត់ និងឪពុកម្តាយ រំពឹងថា ពួកគេនឹងទទួលបាននូវការដោះលែង ដោយសារតែអាវុធពួកគេមានលិខិតអនុញ្ញាតត្រឹមត្រូវ ហើយអាវុធផ្សេងទៀតគឺជារបស់កងអង្គរក្ស៕
សំណុំរឿងនេះ ជាប់ពាក់ព័ន្ធនឹងករណីឃាតកម្មលើឧកញ៉ា អ៊ឹង ម៉េងជី នៅកណ្តាលរាជធានីភ្នំពេញកាលពីរសៀលថ្ងៃទី២២ ខែវិច្ឆិកា ឆ្នាំ២០១៤ កន្លងមក។ លោក ថោង សារ៉ាត់ និងឪពុកម្តាយ រួមទាំងអង្គរក្សម្នាក់ទៀត ត្រូវចោទប្រកាន់តាមមាត្រា៤៩០ នៃក្រមព្រហ្មទណ្ឌ។
មេធាវីការពារក្តីលោក ថោង សារ៉ាត់ លោក ឈុន វីនីតា បានឲ្យដឹងថា តុលាការក្រុងភ្នំពេញ នឹងប្រកាសសាលក្រមកូនក្តីរបស់លោកជាផ្លូវការនៅថ្ងៃទី១៥ សប្តាហ៍ក្រោយនេះ។ លោកថា៖«ខ្ញុំមិនទាន់ទទួលបានលិខិតពន្យារ ឬលើកពេលប្រកាសសាលក្រមពីតុលាការទេ។ តុលាការនឹងប្រកាសសាលក្រមតាមសេចក្តីសម្រេចគ្រោងទុក»។
ជាមួយគ្នានេះដែរ មេធាវីការពារក្តីឲ្យឪពុកម្តាយលោក ថោង សារ៉ាត់ លោក លីម វណ្ណា ក៏បានបញ្ជាក់ថា តុលាការនឹងប្រកាសសាលក្រមកូនក្តីលោកដូចការកំណត់ដែរ។ លោកនិយាយថា៖«តុលាការលើកពេលប្រកាសឬ យ៉ាងណានោះ ខ្ញុំពុំទាន់ទទួលព័ត៌មានទេ តែបើតាមការកំណត់តុលាការនឹងប្រកាសនៅថ្ងៃទី ១៥ខាងមុខនេះ»។
គួររម្លឹកថា អំឡុងសវនាការអស់រយៈពេលប្រមាណ ៤ម៉ោង កាលពីរសៀលថ្ងៃទី២០ ខែឧសភា ឧកញ៉ា ថោង សារ៉ាត់ ដែលត្រូវបានចោទប្រកាន់ថា ជាអ្នកផ្តើមគំនិតនៅក្នុងករណីបាញ់សម្លាប់ឧកញ៉ា អ៊ឹង ម៉េងជឺ បានបដិសេធចំពោះបទចោទ ប្រកាន់ដទៃទៀត ដែលថា លោកកាន់កាប់អាវុធខុសច្បាប់។ ជាមួយគ្នានេះ លោក ថោង ចំរើន និងលោកស្រី កែវ សារី ដែលត្រូវជាឪពុកម្តាយលោក ថោង សារ៉ាត់ ដែលត្រូវបាន ចោទប្រកាន់ពាក់ព័ន្ធនឹងការកាន់កាប់អាវុធគ្មានច្បាប់អនុញ្ញាត ក៏បានចូលរួមសវនាការផងដែរ។ អ្នកទាំងពីរនាក់ ក៏បានអះអាងថា គ្មានទោសកំហុសដែរ ហើយបានសុំឲ្យតុលាការ លើកចោលបទចោទប្រកាន់ ទាំងអស់លើពួកគេ ហើយដោះលែងពួកគេពីពន្ធនាគារ។
ចៅក្រមជំនុំជម្រះ ឃី ឆែ បានប្រាប់តុលាការថា នគរបាលបានចុះទៅផ្ទះរបស់អ្នកទាំងបីនាក់កាលពីខែធ្នូ បន្ទាប់ពីករណីឃាតកម្មលើឧញ៉ា អ៊ឹង ម៉េងជឺ ដោយរកឃើញគ្រាប់កាំភ្លើង និងអាវុធចំនួន ១៥ដើម ក្នុងនោះ កាំភ្លើង AK-47 ចំនួនបួនដើម។ លោកបញ្ជាក់ថា ក្នុងចំណោមអាវុធទាំងអស់ ពួកគេមានអាជ្ញាប័ណ្ណស្របច្បាប់កាន់កាប់តែពីរប៉ុណ្ណោះ។
ជាការឆ្លើយតបនឹងសម្តីរបស់ចៅក្រម លោក ថោង សារ៉ាត់ ដែលជាអតីតឧត្តមសេនីយ៍ទោ និងជាម្ចាស់បុរី ៩៩៩ បាននិយាយថា លោកត្រូវបានចោទប្រកាន់ខុស។ លោកថា៖«ខ្ញុំពិត ជាបដិសេធ ចំពោះបទចោទប្រកាន់មកលើរូបខ្ញុំនេះ ខ្ញុំមិនបានកាន់កាប់កាំភ្លើងខុសច្បាប់។ ខ្ញុំមិនបានទុកកាំភ្លើងនៅក្នុងផ្ទះរបស់ខ្ញុំទេ»។
បន្ទាប់ពីការបដិសសេធរបស់កូនប្រុសរួច លោកស្រី កែវ សារី អាយុ ៥៥ឆ្នាំ បាននិយាយទៅកាន់តុលាការថា លោកស្រីមានតែកាំភ្លើងខ្លីពីរដើម ដែលមានច្បាប់អនុញ្ញាត ដែលត្រូវបានរឹបអូសក្នុងផ្ទះរបស់លោកស្រី។ ស្ត្រីដើមកំណើតវៀតណាមរូបនេះ និយាយភាសាខ្មែរប៉ែឡាំៗថា៖«ក្នុងចំណោមអាវុធទាំងអស់ ខ្ញុំទទួលស្គាល់តែពីរថា ជាអាវុធផ្ទាល់របស់ខ្ញុំ និងប្តីរបស់ខ្ញុំ ព្រោះយើងបានស្នើសុំពីក្រសួងការពារជាតិ។ ខ្ញុំប្រើសម្រាប់ការពារសុវត្ថិភាពខ្លួន និងការពារពេលដែលខ្ញុំជញ្ជូនលុយពីអតិថិជន ព្រោះលុយចូលច្រើនក្នុងមួយថ្ងៃ»។
មេធាវីការពារក្តីឪពុកម្តាយលោក ថោង សារ៉ាត់ លោក លីម វណ្ណា បានថ្លែងថា អាវុធមួយចំនួនក្នុងចំណោមអាវុធទាំងអស់ ដែលរឹបអូសពីផ្ទះពួកគេ ត្រូវបានដាក់ដោយនគរបាល ដើម្បីចោទប្រកាន់លើកូនក្តីរបស់លោក។ លោកថា៖«មិនមានភស្តុតាងពិតប្រាកដបង្ហាញថា កូនក្តីរបស់ខ្ញុំបានកាន់កាប់ និងរក្សាអាវុធទាំងនោះនៅក្នុងផ្ទះពួកគេទេ។ ខ្ញុំសូមឲ្យតុលាការលើកចោលបទចោទនេះ»។
ឧត្តមសេនីយ៍ទោ មាស វណ្ណា នាយករងខុទ្ទាកាល័យក្រសួងការពារជាតិ បានថ្លែងបញ្ជាក់ប្រាប់តុលាការថា ក្រសួងបានចេញអាជ្ញាប័ណ្ណកាំភ្លើងចំនួន ៩ដើមដល់លោក ថោង សារ៉ាត់ កាលពីខែមិថុនា ឆ្នាំ២០១៤ និង ២ដើមទៅលោក ថោង ចំរើន និងលោកស្រី កែវ សារី សម្រាប់បំពេញបេសកកម្ម។ លោកថា៖«លិខិតអនុញ្ញាតប្រើប្រាស់កាំភ្លើងទាំង ១១ ដើមនេះ នៅមានសុពលភាពនៅឡើយ សម្រាប់បំពេញបេសកកម្មឲ្យក្រសួង។ ប៉ុន្តែខ្ញុំមិនអាចបញ្ជាក់លើសពីនេះទេ ព្រោះនេះ ការសម្ងាត់របស់ជាតិ»។
នៅក្នុងសវនាការជាសាធារណៈនេះ លោក ថោង សារ៉ាត់ និងឪពុកម្តាយ រំពឹងថា ពួកគេនឹងទទួលបាននូវការដោះលែង ដោយសារតែអាវុធពួកគេមានលិខិតអនុញ្ញាតត្រឹមត្រូវ ហើយអាវុធផ្សេងទៀតគឺជារបស់កងអង្គរក្ស៕
© រក្សាសិទ្ធិដោយ thmeythmey.com
