ជាតិ
សង្គមជាតិ
លោក មាជ សុវណ្ណរ៉ា រងរបួសបែកមុខក្នុងហេតុការណ៍គ្រោះថ្នាក់ចរាចរណ៍ 11, Jun 2015 , 3:54 pm
![](https://image.thmeythmey.com/pictures/2015/06/11/thumb2/meach_sovanara.jpg)
×![]()
រថយន្តទំនើបម៉ាក luxus ៣៣០ របស់ប្រធាននាយកដ្ឋានព័ត៌មាននៃគណបក្សសង្គ្រោះជាតិ លោក មាជ សុវណ្ណរ៉ា បានខ្ទេចខាងមុខទាំងស្រុង នៅក្នុងហេតុការណ៍គ្រោះថ្នាក់ចរាចរណ៍នៅលើកំណាត់ផ្លូវជាតិលេខ ៥ ស្ថិតនៅក្នុងស្រុកក្រគរខេត្តពោធិ៍សាត់។ ក្នុងហេតុការណ៍នេះ លោក មាជ សុវណ្ណរ៉ា បានរងរបួសមុខខាងស្តាំ និងស្រ្តីម្នាក់ទៀត ដែលជាភរិយារបស់លោកសន្លប់ភ្លាមៗ។នេះបើតាមប្រសាសន៍របស់អ្នកស្រី មូ សុខហួរ។
អ្នកស្រី មូ សុខហួរ ដែលបានទៅដល់កន្លែងកើតហេតុនោះ បានអះអាងប្រាប់សារព័ត៌មានថ្មីៗថា ហេតុការណ៍នេះ បានកើតឡើងនៅម៉ោងជិត ៣ រសៀលថ្ងៃទី ១១ ខែមិថុនា នេះ។ បើតាមអ្នកស្រី រថយន្តរបស់លោក មាជ សុវណ្ណរ៉ា ធ្វើដំណើរឆ្ពោះទៅឈប់សម្រាកនៅខេត្តបាត់ដំបូង មុននឹងរូបលោកបន្តដំណើរទៅបំពេញការងារនៅខេត្តបន្ទាយមានជ័យ។ « រថយន្តកើតហេតុ បើកបញ្ច្រាស់គ្នា។ម្ចាស់រថយន្តដែលបើកមកបុករថយន្តលោក មាជ សុវណ្ណរ៉ា ស្រវឹងស្រា ហើយរត់គេចខ្លួនបាត់។ ខ្ញុំមិនទាន់អាចនិយាយថា ករណីនេះ វាជាគ្រោះថ្នាក់ចៃដន្យឬយ៉ាងណានោះទេ។
ក្រោយពេលកើតហេតុក្រុមការងារគណបក្សសង្គ្រោះជាតិ បានដឹកលោក មាជ សុវណ្ណរ៉ា និងភរិយារបស់លោក ទៅព្យាបាលនៅមន្ទីរពេទ្យខេត្តពោធិ៍សាត់៕
© រក្សាសិទ្ធិដោយ thmeythmey.com