ជាតិ
សិស្សមធ្យមសិក្សាបោះបង់សាលា ដោយសារការរឹតបន្តឹងគុណភាពអប់រំ និងកំណើនរោងចក្រ 11, Jun 2015 , 4:43 pm
![](https://image.thmeythmey.com/pictures/2015/06/11/thumb2/060___20140927001___img_0113.jpg)
×![]()
ភ្នំពេញ៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានថ្លែងថា កំណើនរោងចក្រនៅកម្ពុជា មូលហេតុមួយ ធ្វើឲ្យការបោះបង់ចោលការសិក្សាថ្នាក់មធ្យមសិក្សា មានអត្រាខ្ពស់។ លោករដ្ឋមន្ត្រី ហង់ ជួនណារ៉ុន ថ្លែងប្រាប់អ្នកសារព័ត៌មានបែបនេះ ក្នុងពិធីប្រកាសផ្សព្វផ្សាយ របាយការណ៍ពិនិត្យតាមដានពិភពលោក ស្តីពីការអប់រំសម្រាប់ទាំងអស់ ឆ្នាំ២០០០-២០១៥ នៅថ្ងៃទី១០ ខែមិថុនា នាវិទ្យាស្ថានជាតិអប់រំ។
សូមស្តាប់សំឡេង លោក ហង់ ជួន ណារ៉ុន
រដ្ឋមន្ត្រីក្រសួងអប់រំ បានបន្តថា កំណើនរោងចក្រនៅកម្ពុជាធ្វើឲ្យសិស្សានុសិស្ស បោះបង់ចោលការសិក្សាមានអត្រាកាន់តែខ្ពស់ ដោយពួកគេទៅធ្វើការងារនៅរោងចក្រ ដើម្បីផ្គត់ផ្គង់ជីវភាពគ្រួសារ។ លោកបន្តអះអាងថា នេះគឺជាបញ្ហាប្រឈម ដែលដើរផ្ទុយគ្នារវាងវិស័យអប់រំ និងការអភិវឌ្ឍន៍ផ្នែកសេដ្ឋកិច្ចនៅកម្ពុជា។
ម្យ៉ាងទៀត លោកបន្តថា វិធានការពង្រឹងគុណភាពអប់រំ តាមរយៈការប្រលងសញ្ញាបត្រ មធ្យមទុតិយភូមិ ឬបាក់ឌុបក្នុងឆ្នាំ២០១៤ កន្លងមក ក៏ជាកត្តាមួយ ដែលធ្វើឲ្យសិស្សមិនបាន បន្តការសិក្សាផងដែរ។
© រក្សាសិទ្ធិដោយ thmeythmey.com