ជាតិ
សង្គមជាតិ
កម្ពុជានឹងរៀបចំការប្រកួតនិយាយភាសាខ្មែរសម្រាប់ជនបរទេសជាលើកដំបូង
13, Jun 2015 , 10:38 am
×![]()
ដោយ: ថ្មីៗ
ភ្នំពេញ៖ កម្ពុជានឹងប្រកួតនិយាយភាសាខ្មែរសម្រាប់ជនបរទេសជាលើកដំបូង ក្នុងគោលបំណងលើកទឹកចិត្តជនបរទេសឲ្យសិក្សាភាសាខ្មែរ ក៏ដូចជាលើកកម្កើងភាសាខ្មែរ។ ពិធីនេះ នឹងប្រព្រឹត្តទៅនៅម៉ោង ២រសៀលថ្ងៃទី១៣ ខែមិថុនានេះ នៅសាកលវិទ្យាល័យបញ្ញាកម្ពុជា (ខាងត្បូងវិមានឯករាជ្យ)។ ជនបរទេសចំនួន ២៥នាក់មកពី ៩ប្រទេសផ្សេងគ្នានឹងចូលរួមធ្វើបទបង្ហាញប្រកួតប្រជែងលើប្រធានបទទាក់ទងនឹងកត្តាជំរុញទឹកចិត្តឲ្យពួកគេសិក្សាភាសាខ្មែរ និយាយអំពីសំនួនពាក្យក្នុងភាសាខ្មែរ និងនិយាយអំពីអនុស្សាវរីយ៍ដែលមានអត្ថន័យសម្រាប់ពួកគេចំពោះកម្ពុជា។
គោលគំនិតសំខាន់នៅក្នុងកម្មវិធីនេះ គឺដើម្បីលើកកម្ពស់ផ្សព្វផ្សាយការសិក្សាភាសាខ្មែរ ក៏ដូចជាបង្ហាញដល់ប្រជាជនកម្ពុជាថា ជនបរទេសជាច្រើនដែលកំពុងរស់នៅប្រទេសកម្ពុជាអាចនិយាយ និងប្រើប្រាស់ភាសាខ្មែរបានយ៉ាងល្អ។ ម្យ៉ាងទៀត អ្នករៀបចំមានបំណងលើក ទឹកចិត្តដល់ជនបរទេសក្នុងការសិក្សាភាសាខ្មែរដែរ។
វិញ្ញាសារដែលដាក់ឲ្យបេក្ខជនប្រកួតចែកចេញជា៣កម្រិត រួមមាន កម្រិតមធ្យម កម្រិតខ្ពស់ និងកម្រិតជំនាញ។ បេក្ខជនដែលចូលរួមប្រកួតមានចំនួន ២៥រូបមកពី ៩ប្រទេស ដូចជា ជប៉ុន បារាំង ប៊ែលហ្ស៊ីក កូរ៉េខាងត្បូង កូរ៉េខាងជើង អូស្ត្រាលី អ៊ីតាលី អង់គ្លេស និងសហរដ្ឋអាមេរិក។ គណៈកម្មការប្រកួតនឹងទុករយៈពេល ៣នាទីសម្រាប់ឲ្យបេក្ខជននីមួយៗ និយាយបង្ហាញជាភាសាខែ្មរក្នុងប្រធានបទរបស់ពួកគេ។ ជ័យលាភីក្នុងការប្រកួតនេះ នឹងទទួលបានរង្វាន់ជាច្រើនពីម្ចាស់ឧបត្ថម្ភ ក្រុមហ៊ុនជាតិ និងអន្តរជាតិនានាផងដែរ។
សមាជិកគណៈកម្មការក្នុងការប្រកួតនេះ មាន៦រូប ក្នុងនោះ រួមមាន រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកស្រី ភឿង សកុណា រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន និងសាស្ត្រាចារ្យផ្នែកខេមរវិទ្យា និងប្រវត្តិសាស្ត្រខ្មែរ លោក សំបូរ ម៉ាណ្ណារ៉ា ព្រមទាំងលោកគ្រូ អ្នកគ្រូភាសាខ្មែរផ្សេងទៀត៕
គោលគំនិតសំខាន់នៅក្នុងកម្មវិធីនេះ គឺដើម្បីលើកកម្ពស់ផ្សព្វផ្សាយការសិក្សាភាសាខ្មែរ ក៏ដូចជាបង្ហាញដល់ប្រជាជនកម្ពុជាថា ជនបរទេសជាច្រើនដែលកំពុងរស់នៅប្រទេសកម្ពុជាអាចនិយាយ និងប្រើប្រាស់ភាសាខ្មែរបានយ៉ាងល្អ។ ម្យ៉ាងទៀត អ្នករៀបចំមានបំណងលើក ទឹកចិត្តដល់ជនបរទេសក្នុងការសិក្សាភាសាខ្មែរដែរ។
វិញ្ញាសារដែលដាក់ឲ្យបេក្ខជនប្រកួតចែកចេញជា៣កម្រិត រួមមាន កម្រិតមធ្យម កម្រិតខ្ពស់ និងកម្រិតជំនាញ។ បេក្ខជនដែលចូលរួមប្រកួតមានចំនួន ២៥រូបមកពី ៩ប្រទេស ដូចជា ជប៉ុន បារាំង ប៊ែលហ្ស៊ីក កូរ៉េខាងត្បូង កូរ៉េខាងជើង អូស្ត្រាលី អ៊ីតាលី អង់គ្លេស និងសហរដ្ឋអាមេរិក។ គណៈកម្មការប្រកួតនឹងទុករយៈពេល ៣នាទីសម្រាប់ឲ្យបេក្ខជននីមួយៗ និយាយបង្ហាញជាភាសាខែ្មរក្នុងប្រធានបទរបស់ពួកគេ។ ជ័យលាភីក្នុងការប្រកួតនេះ នឹងទទួលបានរង្វាន់ជាច្រើនពីម្ចាស់ឧបត្ថម្ភ ក្រុមហ៊ុនជាតិ និងអន្តរជាតិនានាផងដែរ។
សមាជិកគណៈកម្មការក្នុងការប្រកួតនេះ មាន៦រូប ក្នុងនោះ រួមមាន រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកស្រី ភឿង សកុណា រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន និងសាស្ត្រាចារ្យផ្នែកខេមរវិទ្យា និងប្រវត្តិសាស្ត្រខ្មែរ លោក សំបូរ ម៉ាណ្ណារ៉ា ព្រមទាំងលោកគ្រូ អ្នកគ្រូភាសាខ្មែរផ្សេងទៀត៕
© រក្សាសិទ្ធិដោយ thmeythmey.com
