ជាតិ
សង្គមជាតិ
មជ្ឈមណ្ឌលជាតិផ្តល់ឈាម រំពឹងថានឹងប្រមូលបានឈាម៤,៥០០០ប្លោកនៅឆ្នាំនេះ 16, Jun 2015 , 1:53 pm
![](https://image.thmeythmey.com/pictures/2015/06/16/thumb2/1662015140359blood_donation.jpg)
×![]()
មជ្ឈមណ្ឌលជាតិផ្តល់ឈាមទទួលបានអំណោយឈាមចំនួន៧០ប្លោក ពីនិសិត្ស សាស្ត្រាចារ្យ បុគ្គលិក និងសាធារណជន នៅថ្ងៃទី១៦មិថុនានេះ។ កម្មវិធីទទួលអំណោយឈាមនៅថ្ងៃនេះ មានឈ្មោះថា«ផ្តល់ឈាមដើម្បីសប្បុរសធម៌» និងបានរៀបចំឡើងនៅបរិវេណសាកលវិទ្យា ល័យពុទ្ធិសាស្ត្រ។
សូមបញ្ជាក់ថា កម្ពុជាត្រូវការឈាមចំនួន១៥០ប្លោកក្នុងមួយថ្ងៃ ដើម្បីសង្គ្រោះជីវិតមនុស្ស។ ឈាមដែលប្រមូលបានពីសប្បុរសជន មជ្ឈមណ្ឌលជាតិផ្តល់ឈាម បានធ្វើការបែងចែកទៅឲ្យមន្ទីរពេទ្យនានា ដើម្បីសង្គ្រោះជីវិតអ្នកជំងឺដែលត្រូវការឈាម ដូចជាការសម្រាលកូន អ្នកគ្រោះថ្នាក់ចរាចរណ៍ និងអ្នកដែលត្រូវការវះកាត់ជាដើម។ បច្ចុប្បន្នការបរិច្ចាគឈាមដោយស្ម័គ្រចិត្តមានចំនួនត្រឹម៣៥ភាគរយប៉ុណ្ណោះ ចំណែក៦៥ភាគរយទៀតជាការដោះដូរអំ ណោយឈាមតាមរយៈសាច់ញាតិអ្នកជំងឺ។
មជ្ឈមណ្ឌលជាតិផ្តល់ឈាម រំពឹងថានៅឆ្នាំ២០១៥នេះ មជ្ឈមណ្ឌលជាតិផ្តល់ឈាម នឹងប្រមូលបានឈាមដែលជាការបរិច្ចាគដោយស្ម័គ្រចិត្តពីសប្បុរសជន បានចំនួន៤,៥០០០ប្លោក ដើម្បីផ្គត់ផ្គង់តម្រូវការឈាមនៅក្នុងប្រទេស៕
© រក្សាសិទ្ធិដោយ thmeythmey.com