ជាតិ
សង្គមជាតិ
ខ្មែរឥស្លាមកំណត់ថ្ងៃ១៨មិថុនាស្អែកដើម្បីផ្តើមខែរ៉ម៉ាឌន
17, Jun 2015 , 2:59 pm
លោកនាយករដ្ឋមន្រ្តី ហ៊ុន សែន ចូលរួមពិសារអាហារស្រាយបួសថ្នាក់ជាតិនៅសាលសន្និសីទកោះពេជ្រ នៅថ្ងៃទី ១៨ កក្កដា ឆ្នាំ២០១៤ ។
×![]()
ភ្នំពេញ៖ ខែរ៉ម៉ាឌន (Ramadan) ឫខែបួសរបស់សាសនាឥស្លាមនៅឆ្នាំនេះបានមកដល់ហើយ។ នៅប្រទេសកម្ពុជា ខ្មែរឥស្លាមបានកំណត់យកថ្ងៃទី១៨ មិថុនាស្អែក ដើម្បីស្វាគមន៍ និងចាប់ផ្តើមខែរ៉ម៉ាឌនរបស់ខ្លួន។ ខែរ៉ម៉ាឌន ដែលត្រូវតមអាហារនៅពេលថ្ងៃរយៈពេលពេញមួយខែ ត្រូវបានសាសនិកឥស្លាមជឿថា ជាខែដ៏ពិសិដ្ឋនិងពិសេសជាងខែផ្សេងៗ ក្នុងការគោរពសក្ការទៅព្រះជាម្ចាស់ (អាល់ឡោះ Allah)។
យោងតាមសេចក្តីជូនដំណឹងរបស់គណៈដឹកនាំជាន់ខ្ពស់នៃសាសនាឥស្លាមកម្ពុជា បានបង្គាប់ឲ្យសាសនិកឥស្លាមនៅកម្ពុជាទាំងអស់ ត្រូវផ្តើមបួសចាប់ពីថ្ងៃព្រហស្បតិ៍ស្អែក ជាកំហិត។ សេចក្តីជូនដំណឹងដែលចេញផ្សាយនៅថ្ងៃទី ១៦ មិថុនា បានសរសេរថា អ៊ីមុំាគ្រប់ជាន់ថ្នាក់ (ថ្នាក់ដឹកនាំឥស្លាម) ត្រូវប្រកាសជូនដំណឹងបន្តទៅដល់បងប្អូនសាសនិកឥស្លាមផ្សេងទៀត ដើម្បីចូលបួសនៅថ្ងៃព្រហស្បតិ៍ស្អែកកុំបីខាន។
ដូចរៀងរាល់ឆ្នាំ មុនខែរ៉ម៉ាឌនមកដល់ សាសនិកឥស្លាមនៅកម្ពុជា បានរៀបចំចំណីអាហារ និងសម្ភារចាំបាច់មួយចំនួនសម្រាប់ខែនេះ។ ម្ហូបអាហារមួយចំនួនធំ ត្រូវទិញទុកពេលព្រឹក និងត្រៀមរៀបចំចំអិនអាហារសម្រាប់ស្រាយបួសពេលល្ងាច(ពេលថ្ងៃលិច)។ ហាងអាហារ និងភោជនីយដ្ឋានរបស់សាសនិកឥស្លាមមួយចំនួនធំ បានបិទទ្វារពេញមួយខែរ៉ម៉ាឌននេះ។ នៅពេលយប់ មានការថ្វាយបង្គុំរួមគ្នា (សឡាតតារ៉ាវេស Taraweeh) នៅតាមវិហារឥស្លាមតាមមូលដ្ឋាន។
ប្រមុខរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន បានប្រកាសចូលរួមពិធីហូបអាហារស្រាយបួសនិងសាសនិកឥស្លាមជាលើកទី២ ។ ពិធីស្រាយបួសជាថ្នាក់ជាតិនៅឆ្នាំនេះ បានកំណត់យកថ្ងៃទី ២៦ មិថុនា ដែលរៀបចំឡើងនៅសាលសន្និសីទកោះពេជ្រ ហើយដែលមានសាសនិកឥស្លាមតាមបណ្តាខេត្តចូលរួមផង។ កាលពីឆ្នាំទៅ ពិធីអាហារស្រាយបួសជាប្រវត្តិសាស្ត្រ រៀបចំឡើងនៅថ្ងៃទី ១៨ កក្កដា ឆ្នាំ២០១៤ ដែលមានមន្ត្រីជាន់ខ្ពស់រដ្ឋាភិបាល និងអង្គទូតនានាចូលរួមផងដែរ៕
យោងតាមសេចក្តីជូនដំណឹងរបស់គណៈដឹកនាំជាន់ខ្ពស់នៃសាសនាឥស្លាមកម្ពុជា បានបង្គាប់ឲ្យសាសនិកឥស្លាមនៅកម្ពុជាទាំងអស់ ត្រូវផ្តើមបួសចាប់ពីថ្ងៃព្រហស្បតិ៍ស្អែក ជាកំហិត។ សេចក្តីជូនដំណឹងដែលចេញផ្សាយនៅថ្ងៃទី ១៦ មិថុនា បានសរសេរថា អ៊ីមុំាគ្រប់ជាន់ថ្នាក់ (ថ្នាក់ដឹកនាំឥស្លាម) ត្រូវប្រកាសជូនដំណឹងបន្តទៅដល់បងប្អូនសាសនិកឥស្លាមផ្សេងទៀត ដើម្បីចូលបួសនៅថ្ងៃព្រហស្បតិ៍ស្អែកកុំបីខាន។
ដូចរៀងរាល់ឆ្នាំ មុនខែរ៉ម៉ាឌនមកដល់ សាសនិកឥស្លាមនៅកម្ពុជា បានរៀបចំចំណីអាហារ និងសម្ភារចាំបាច់មួយចំនួនសម្រាប់ខែនេះ។ ម្ហូបអាហារមួយចំនួនធំ ត្រូវទិញទុកពេលព្រឹក និងត្រៀមរៀបចំចំអិនអាហារសម្រាប់ស្រាយបួសពេលល្ងាច(ពេលថ្ងៃលិច)។ ហាងអាហារ និងភោជនីយដ្ឋានរបស់សាសនិកឥស្លាមមួយចំនួនធំ បានបិទទ្វារពេញមួយខែរ៉ម៉ាឌននេះ។ នៅពេលយប់ មានការថ្វាយបង្គុំរួមគ្នា (សឡាតតារ៉ាវេស Taraweeh) នៅតាមវិហារឥស្លាមតាមមូលដ្ឋាន។
ប្រមុខរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន បានប្រកាសចូលរួមពិធីហូបអាហារស្រាយបួសនិងសាសនិកឥស្លាមជាលើកទី២ ។ ពិធីស្រាយបួសជាថ្នាក់ជាតិនៅឆ្នាំនេះ បានកំណត់យកថ្ងៃទី ២៦ មិថុនា ដែលរៀបចំឡើងនៅសាលសន្និសីទកោះពេជ្រ ហើយដែលមានសាសនិកឥស្លាមតាមបណ្តាខេត្តចូលរួមផង។ កាលពីឆ្នាំទៅ ពិធីអាហារស្រាយបួសជាប្រវត្តិសាស្ត្រ រៀបចំឡើងនៅថ្ងៃទី ១៨ កក្កដា ឆ្នាំ២០១៤ ដែលមានមន្ត្រីជាន់ខ្ពស់រដ្ឋាភិបាល និងអង្គទូតនានាចូលរួមផងដែរ៕
© រក្សាសិទ្ធិដោយ thmeythmey.com
