ជាតិ
សង្គមជាតិ
សេចក្តីព្រាងច្បាប់NGOs បានទៅដល់ដៃរដ្ឋសភា តែមិនទាន់កំណត់ថ្ងៃពិភាក្សា
17, Jun 2015 , 4:46 pm
×![]()
ដោយ: ខន ចំប៉ា
សេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម ដ៏ចម្រូងចម្រាស់រវាងរដ្ឋាភិបាលកម្ពុជា និងក្រុមអង្គការក្រៅរដ្ឋាភិបាល បានបញ្ជូនទៅដល់ដៃរដ្ឋសភាហើយ នៅថ្ងៃទី១៦ខែមិថុនា។ យ៉ាងណាក៏ដោយរដ្ឋសភាមិនទាន់សម្រេចថ្ងៃដើម្បីពិភាក្សា ឬអនុម័តច្បាប់នេះនៅឡើយ រង់ចាំប្រជុំគណៈកម្មការអចិន្ត្រៃយ៍នៅសប្តាហ៍ក្រោយជាមុនសិន។ 
សេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម ជាប្រធានបទក្តៅដ៏ចម្រូង ចម្រាស់រវាងរដ្ឋាភិបាលកម្ពុជា និងក្រុមអង្គការក្រៅរដ្ឋាភិបាល បើទោះបីជាវាត្រូវបានទីស្តីការគណៈរដ្ឋមន្ត្រី សម្រេចអនុម័តទៅហើយក្តី។ សេចក្តីព្រាងច្បាប់នេះ ត្រូវបានអនុម័តដោយរដ្ឋាភិបាល កាលពីថ្ងៃទី ៥មិថុនា និងបានបញ្ជូនទៅដល់ដៃរដ្ឋសភាហើយ នៅថ្ងៃទី១៦ខែមិថុនា។
តែយ៉ាងណាក៏ដោយរដ្ឋសភា មិនទាន់កំណត់ថ្ងៃដើម្បីពិភាក្សា ឬអនុម័តនៅឡើយ ដោយរង់ចាំប្រជុំគណៈកម្មការអចិន្ត្រៃយ៍នៅសប្តាហ៍ក្រោយជាមុនសិន។ នេះបើតាមលោក ឈាង វុន អ្នកនាំពាក្យរដ្ឋសភាជាតិ។
លោកបានបញ្ជាក់ថា៖«យើងមិនទាន់កំណត់ថ្ងៃដើម្បីពិភាក្សា អនុម័តទេ។ គណៈកម្មការអចិន្ត្រៃយ៍ នឹងបើកកិច្ចប្រជុំនៅសប្តាហ៍ក្រោយ ហើយគណៈកម្មការអចិន្ត្រៃយ៍នៃរដ្ឋសភា នឹងបញ្ជូនសេចក្តីព្រាងច្បាប់នេះ ទៅគណៈកម្មាធិការជំនាញណាមួយរបស់រដ្ឋសភា ដើម្បីធ្វើការសិក្សាស្រាវជ្រាវ និងពិនិត្យ មុនពេលដាក់ឲ្យមានការពិភាក្សាពិគ្រោះយោបល់»។
ទាក់ទងនឹងសេចក្តីព្រាងច្បាប់ដ៏ចម្រូងចម្រាសនេះ អង្គការសង្គមស៊ីវិលចំនួន១០ បានជួបពិភាក្សាជាមួយ លោក កឹម សុខា អនុប្រធានទី១នៃរដ្ឋសភា នៅព្រឹកថ្ងៃទី១៧ខែមិថុនានេះ។
ក្នុងជំនួបនោះ ក្រុមអង្គការសង្គមស៊ីវិល បានស្នើឱ្យអនុប្រធានគណបក្សសង្គ្រោះជាតិរូបនេះ ជួយផ្តល់យោបល់ទៅរដ្ឋសភាធ្វើយ៉ាងណាដើម្បីឲ្យសេចក្តីព្រាងច្បាប់នេះ មានការពិភាក្សាបានទូលំទូលាយពីគ្រប់ភាគី។ យ៉ាងណាក៏ដោយ លោក កឹម សុខា បានថ្លែងថា រហូតមកដល់ពេលនេះ ទាំងលោក កឹម សុខា មិនទាន់បានទទួលសេចក្ដីព្រាងច្បាប់នេះជាផ្លូវការនៅឡើយ។
សេចក្តីព្រាងច្បាប់ចុងក្រោយស្តីពីអង្គការមិនមែនរដ្ឋាភិបាល និងសមាគម មាន៩ជំពូក និង៣៩មាត្រា។ រដ្ឋាភិបាលបានសម្រេចកែសម្រួលពាក្យពេចន៍ និងបានដកមាត្រាចំនួនពីរចេញពីសេចក្តីព្រាងច្បាប់នេះ គឺមាត្រាដែលចែងពីការដាក់កំហិតលើការចំណាយថវិការដ្ឋបាលរបស់អង្គការ សមាគម និងនីតិវិធីនៃការចុះបញ្ជីរបស់អង្គការអន្តរជាតិ។
សូមបញ្ជាក់ថា កន្លងមកតំណាងអង្គការសហប្រជាជាតិមួយចំនួន និងអគ្គរដ្ឋទូតសហរដ្ឋអាមេរិកបានចេញមុខសំដែងការព្រួយបារម្ភជាចំហទល់នឹងរដ្ឋាភិបាលកម្ពុជា ហើយរហូតដល់រដ្ឋាភិបាលកម្ពុជាចេញកំណត់ទូតតទល់នឹងការអត្ថាធិប្បាយរបស់ អង្គការអន្តរជាតិ និងទូតអាមេរិកទៀតផង។
ក្រុមអង្គការក្រៅរដ្ឋាភិបាលបានរិះគន់រដ្ឋាភិបាលថា តាក់តែងសេចក្តីព្រាងច្បាប់ដែលមិនមានការចូលរួមពីសង្គមស៊ីវិល ហើយមានខ្លឹមសាររឹតត្បិតសិទ្ធិ និងសកម្មភាព របស់អង្គការក្រៅរដ្ឋាភិបាល។ ប៉ុន្តែផ្ទុយពីការលើកឡើងរបស់អង្គការសង្គមស៊ីវិល រាជរដ្ឋាភិបាលកម្ពុជា អះអាងថាសេចក្តីព្រាងច្បាប់នេះ បង្កើតឡើងដើម្បីលើកស្ទួយការប្រើប្រាស់សិទ្ធិសេរីភាព ក្នុងការបង្កើតសមាគម និងអង្គការមិនមែនរដ្ឋាភិបាល និងលើកកម្ពស់កិច្ចសហប្រតិប្រតិបត្តិការជាមួយអង្គការសង្គមស៊ីវិលលើគ្រប់វិស័យ៕
សេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម ជាប្រធានបទក្តៅដ៏ចម្រូង ចម្រាស់រវាងរដ្ឋាភិបាលកម្ពុជា និងក្រុមអង្គការក្រៅរដ្ឋាភិបាល បើទោះបីជាវាត្រូវបានទីស្តីការគណៈរដ្ឋមន្ត្រី សម្រេចអនុម័តទៅហើយក្តី។ សេចក្តីព្រាងច្បាប់នេះ ត្រូវបានអនុម័តដោយរដ្ឋាភិបាល កាលពីថ្ងៃទី ៥មិថុនា និងបានបញ្ជូនទៅដល់ដៃរដ្ឋសភាហើយ នៅថ្ងៃទី១៦ខែមិថុនា។
តែយ៉ាងណាក៏ដោយរដ្ឋសភា មិនទាន់កំណត់ថ្ងៃដើម្បីពិភាក្សា ឬអនុម័តនៅឡើយ ដោយរង់ចាំប្រជុំគណៈកម្មការអចិន្ត្រៃយ៍នៅសប្តាហ៍ក្រោយជាមុនសិន។ នេះបើតាមលោក ឈាង វុន អ្នកនាំពាក្យរដ្ឋសភាជាតិ។
លោកបានបញ្ជាក់ថា៖«យើងមិនទាន់កំណត់ថ្ងៃដើម្បីពិភាក្សា អនុម័តទេ។ គណៈកម្មការអចិន្ត្រៃយ៍ នឹងបើកកិច្ចប្រជុំនៅសប្តាហ៍ក្រោយ ហើយគណៈកម្មការអចិន្ត្រៃយ៍នៃរដ្ឋសភា នឹងបញ្ជូនសេចក្តីព្រាងច្បាប់នេះ ទៅគណៈកម្មាធិការជំនាញណាមួយរបស់រដ្ឋសភា ដើម្បីធ្វើការសិក្សាស្រាវជ្រាវ និងពិនិត្យ មុនពេលដាក់ឲ្យមានការពិភាក្សាពិគ្រោះយោបល់»។
ទាក់ទងនឹងសេចក្តីព្រាងច្បាប់ដ៏ចម្រូងចម្រាសនេះ អង្គការសង្គមស៊ីវិលចំនួន១០ បានជួបពិភាក្សាជាមួយ លោក កឹម សុខា អនុប្រធានទី១នៃរដ្ឋសភា នៅព្រឹកថ្ងៃទី១៧ខែមិថុនានេះ។
ក្នុងជំនួបនោះ ក្រុមអង្គការសង្គមស៊ីវិល បានស្នើឱ្យអនុប្រធានគណបក្សសង្គ្រោះជាតិរូបនេះ ជួយផ្តល់យោបល់ទៅរដ្ឋសភាធ្វើយ៉ាងណាដើម្បីឲ្យសេចក្តីព្រាងច្បាប់នេះ មានការពិភាក្សាបានទូលំទូលាយពីគ្រប់ភាគី។ យ៉ាងណាក៏ដោយ លោក កឹម សុខា បានថ្លែងថា រហូតមកដល់ពេលនេះ ទាំងលោក កឹម សុខា មិនទាន់បានទទួលសេចក្ដីព្រាងច្បាប់នេះជាផ្លូវការនៅឡើយ។
សេចក្តីព្រាងច្បាប់ចុងក្រោយស្តីពីអង្គការមិនមែនរដ្ឋាភិបាល និងសមាគម មាន៩ជំពូក និង៣៩មាត្រា។ រដ្ឋាភិបាលបានសម្រេចកែសម្រួលពាក្យពេចន៍ និងបានដកមាត្រាចំនួនពីរចេញពីសេចក្តីព្រាងច្បាប់នេះ គឺមាត្រាដែលចែងពីការដាក់កំហិតលើការចំណាយថវិការដ្ឋបាលរបស់អង្គការ សមាគម និងនីតិវិធីនៃការចុះបញ្ជីរបស់អង្គការអន្តរជាតិ។
សូមបញ្ជាក់ថា កន្លងមកតំណាងអង្គការសហប្រជាជាតិមួយចំនួន និងអគ្គរដ្ឋទូតសហរដ្ឋអាមេរិកបានចេញមុខសំដែងការព្រួយបារម្ភជាចំហទល់នឹងរដ្ឋាភិបាលកម្ពុជា ហើយរហូតដល់រដ្ឋាភិបាលកម្ពុជាចេញកំណត់ទូតតទល់នឹងការអត្ថាធិប្បាយរបស់ អង្គការអន្តរជាតិ និងទូតអាមេរិកទៀតផង។
ក្រុមអង្គការក្រៅរដ្ឋាភិបាលបានរិះគន់រដ្ឋាភិបាលថា តាក់តែងសេចក្តីព្រាងច្បាប់ដែលមិនមានការចូលរួមពីសង្គមស៊ីវិល ហើយមានខ្លឹមសាររឹតត្បិតសិទ្ធិ និងសកម្មភាព របស់អង្គការក្រៅរដ្ឋាភិបាល។ ប៉ុន្តែផ្ទុយពីការលើកឡើងរបស់អង្គការសង្គមស៊ីវិល រាជរដ្ឋាភិបាលកម្ពុជា អះអាងថាសេចក្តីព្រាងច្បាប់នេះ បង្កើតឡើងដើម្បីលើកស្ទួយការប្រើប្រាស់សិទ្ធិសេរីភាព ក្នុងការបង្កើតសមាគម និងអង្គការមិនមែនរដ្ឋាភិបាល និងលើកកម្ពស់កិច្ចសហប្រតិប្រតិបត្តិការជាមួយអង្គការសង្គមស៊ីវិលលើគ្រប់វិស័យ៕
© រក្សាសិទ្ធិដោយ thmeythmey.com
