ជាតិ
សង្គមជាតិ
មន្ត្រីប្រឆាំងគ្រឿងញៀន ចុះផ្សព្វផ្សាយនិងអប់រំនៅវិទ្យាល័យកំពង់ធំ
24, Jun 2015 , 8:19 am
×![]()
កំពង់ធំ៖ គ្រូបង្រៀន និងសិស្សសាលានៃវិទ្យាល័យកំពង់ធំ កាលពីព្រឹកថ្ងៃទី២២ ខែមិថុនា បានទទួលការអប់រំណែនាំពីការិយាល័យប្រឆាំងគ្រឿងញៀនខេត្ត ដែលដឹកនាំដោយលោក ងួន ហៀង ស្តីពីកម្មវិធីកម្ចាត់គ្រឿងញៀននៅក្នុងវិទ្យាល័យរបស់ខ្លួន។ 
យុទ្ធនាការផ្សព្វផ្សាយ ដែលមានការចូលរួមយ៉ាងច្រើនកុះករពីសំណាក់គ្រូបង្រៀន និងសិក្សានុសិស្សនៃវិទ្យាល័យកំពង់ធំ បានផ្តោតទៅលើផលប៉ះពាល់ជាអវិជ្ជមាននៃការប្រើប្រាស់គ្រឿងញៀន ដែលជះឥទ្ធិពលដល់អ្នកប្រើប្រាស់ផ្ទាល់ និងសង្គមជាតិ។
លោក ជា តុងហៃ មន្ត្រីការិយាល័យប្រឆាំងគ្រឿងញៀន ខេត្តកំពង់ធំ បានបញ្ជាក់ឲ្យដឹងថា៖ «កម្មវិធីអប់រំនេះ គឺទាក់ទងទៅនឹងកម្មវិធីភូមិឃុំមានសុវត្ថិភាពរបស់រដ្ឋាភិបាល ដោយផ្តោតលើការផ្សព្វផ្សាយពីគ្រោះថ្នាក់នៃគ្រឿងញៀន»។
លោកបានលើកឧទាហរណ៍ប្រាប់អ្នកចូលរួមថាគ្រឿងញៀន មានផលប៉ះពាល់ដូចជា ការបាត់បង់ទ្រព្យសម្បត្តិ កិត្តិយស និងពេលវេលា ហើយអាចឈានទៅដល់គ្រោះថ្នាក់ដល់អាយុជីវិតទៀតផង។ បន្ថែមពីលើនេះ អ្នកប្រើប្រាស់គ្រឿងញៀនអាចមានស្ថានទម្ងន់ទោស ត្រូវជាប់គុកពី៦ខែទៅ១ឆ្នាំ ។ ចំណែកអ្នកចែកចាយនិងជួញដូរ នឹងត្រូវជាប់ពន្ធនាគារហើយ នឹងត្រូវពិន័យជាប្រាក់ផងដែរ។
បើតាមលោក ជា តុងហៃ កង្វល់ដ៏ធំនោះ គឺសិស្សសាលាក្លាយជាគោលដៅមួយសម្រាប់ចែកចាយគ្រឿងញៀនរបស់ក្រុមជួញដូរ ដូច្នេះការបញ្ជ្រាបបញ្ហានេះទៅពួកគេ នឹងរួមចំណែកយ៉ាងសំខាន់ក្នុងការទប់ស្កាត់ការប្រើប្រាស់ និងជួញដូរគ្រឿងញៀន។
លោក សឹម នី គ្រូបង្រៀនវិទ្យាល័យកំពង់ធំ ក៏បានកត់សម្គាល់ផងដែរថា ការផ្សព្វផ្សាយ អប់រំ សិក្សានុសិស្សស្តីពីគ្រោះថ្នាក់គ្រឿងញៀន ផ្តល់ភាពងាយស្រួលក្នុងការទប់ស្កាត់ ពីព្រោះកន្លងមក សមត្ថកិច្ចធ្លាប់បានដឹងពីមុខសញ្ញានៃបណ្តាញក្រុមទុច្ចរិតនៅក្នុងសាលា។
«សម្រាប់ខ្ញុំយល់ថា ជារឿងល្អដែលគេចុះមកអប់រំដល់សិស្សនៅក្នុងសាលារៀនខ្ញុំ ជាពិសេសសិស្សមួយចំនួនដែលមិនទាន់យល់ដឹង អាចឱ្យពួកគេបានដឹងច្រើនជាងមុន»។ នេះជាសម្តីរបស់យុវសិស្ស ឈួន វិសិដ្ឋ។ វិសិដ្ឋលើកឡើងថា គ្រឿងញៀនមានផលអាក្រក់ច្រើនណាស់សម្រាប់សិស្សសាលា
ដូចជា ខាតបង់ពេលវេលាសិក្សា លុយកាក់ សុខភាព និងកេរ្តិ៍ឈ្មោះក្រុមគ្រួសារទៀតផង៕
យុទ្ធនាការផ្សព្វផ្សាយ ដែលមានការចូលរួមយ៉ាងច្រើនកុះករពីសំណាក់គ្រូបង្រៀន និងសិក្សានុសិស្សនៃវិទ្យាល័យកំពង់ធំ បានផ្តោតទៅលើផលប៉ះពាល់ជាអវិជ្ជមាននៃការប្រើប្រាស់គ្រឿងញៀន ដែលជះឥទ្ធិពលដល់អ្នកប្រើប្រាស់ផ្ទាល់ និងសង្គមជាតិ។
លោក ជា តុងហៃ មន្ត្រីការិយាល័យប្រឆាំងគ្រឿងញៀន ខេត្តកំពង់ធំ បានបញ្ជាក់ឲ្យដឹងថា៖ «កម្មវិធីអប់រំនេះ គឺទាក់ទងទៅនឹងកម្មវិធីភូមិឃុំមានសុវត្ថិភាពរបស់រដ្ឋាភិបាល ដោយផ្តោតលើការផ្សព្វផ្សាយពីគ្រោះថ្នាក់នៃគ្រឿងញៀន»។
លោកបានលើកឧទាហរណ៍ប្រាប់អ្នកចូលរួមថាគ្រឿងញៀន មានផលប៉ះពាល់ដូចជា ការបាត់បង់ទ្រព្យសម្បត្តិ កិត្តិយស និងពេលវេលា ហើយអាចឈានទៅដល់គ្រោះថ្នាក់ដល់អាយុជីវិតទៀតផង។ បន្ថែមពីលើនេះ អ្នកប្រើប្រាស់គ្រឿងញៀនអាចមានស្ថានទម្ងន់ទោស ត្រូវជាប់គុកពី៦ខែទៅ១ឆ្នាំ ។ ចំណែកអ្នកចែកចាយនិងជួញដូរ នឹងត្រូវជាប់ពន្ធនាគារហើយ នឹងត្រូវពិន័យជាប្រាក់ផងដែរ។
បើតាមលោក ជា តុងហៃ កង្វល់ដ៏ធំនោះ គឺសិស្សសាលាក្លាយជាគោលដៅមួយសម្រាប់ចែកចាយគ្រឿងញៀនរបស់ក្រុមជួញដូរ ដូច្នេះការបញ្ជ្រាបបញ្ហានេះទៅពួកគេ នឹងរួមចំណែកយ៉ាងសំខាន់ក្នុងការទប់ស្កាត់ការប្រើប្រាស់ និងជួញដូរគ្រឿងញៀន។
លោក សឹម នី គ្រូបង្រៀនវិទ្យាល័យកំពង់ធំ ក៏បានកត់សម្គាល់ផងដែរថា ការផ្សព្វផ្សាយ អប់រំ សិក្សានុសិស្សស្តីពីគ្រោះថ្នាក់គ្រឿងញៀន ផ្តល់ភាពងាយស្រួលក្នុងការទប់ស្កាត់ ពីព្រោះកន្លងមក សមត្ថកិច្ចធ្លាប់បានដឹងពីមុខសញ្ញានៃបណ្តាញក្រុមទុច្ចរិតនៅក្នុងសាលា។
«សម្រាប់ខ្ញុំយល់ថា ជារឿងល្អដែលគេចុះមកអប់រំដល់សិស្សនៅក្នុងសាលារៀនខ្ញុំ ជាពិសេសសិស្សមួយចំនួនដែលមិនទាន់យល់ដឹង អាចឱ្យពួកគេបានដឹងច្រើនជាងមុន»។ នេះជាសម្តីរបស់យុវសិស្ស ឈួន វិសិដ្ឋ។ វិសិដ្ឋលើកឡើងថា គ្រឿងញៀនមានផលអាក្រក់ច្រើនណាស់សម្រាប់សិស្សសាលា
ដូចជា ខាតបង់ពេលវេលាសិក្សា លុយកាក់ សុខភាព និងកេរ្តិ៍ឈ្មោះក្រុមគ្រួសារទៀតផង៕
© រក្សាសិទ្ធិដោយ thmeythmey.com
