ជាតិ
សង្គមជាតិ
អគ្គរដ្ឋទូតសហរដ្ឋអាមេរិកផ្ញើសារជូនពរខ្មែរឥស្លាមក្នុងខែបុណ្យរ៉ាម៉ាឌន
24, Jun 2015 , 1:29 pm
×![]()
អគ្គរដ្ឋទូកសហរដ្ឋអាមេរិកប្រចាំកម្ពុជា នៅថ្ងៃពុធនេះ បានផ្ញើសារជូនពរដល់សាសនិកឥស្លាមនៅកម្ពុជាទាំងអស់ ដែលកំពុងប្រតិបត្តិបួសក្នុងខែបុណ្យរ៉ម៉ាឌន។ សម្រាប់សហរដ្ឋអាមេរិក បុណ្យរ៉ាម៉ាឌន គឺមានអត្ថន័យជ្រាលជ្រៅសម្រាប់សហគមន៍ឥស្លាមទូទាំងពិភពលោក។
«នៅប្រទេសកម្ពុជា ក្រុមចាមដែលមានចំនួនភាគតិច ក៏កំពុងប្រារព្ធបុណ្យរ៉ាម៉ាដានផងដែរ ដែលជាសសរស្តម្ភមួយក្នុងចំណោមសសរស្តម្ភទាំង៥ ក្នុងសាសនាឥស្លាម។ ក្នុងរយៈពេលដែលខ្ញុំធ្វើជាឯកអគ្គរដ្ឋទូតសហរដ្ឋអាមេរិកប្រចាំនៅប្រទេសកម្ពុជា ខ្ញុំចាត់ទុកការកសាង និងពង្រឹងទំនាក់ទំនងមិត្តភាពជាមួយគ្រប់សហគមន៍ទាំងអស់នៅកម្ពុជា ដោយរួមទាំងក្រុមចាមដែលកាន់សាសនាឥស្លាមផង គឺជាអាទិភាពមួយសំរាប់ស្ថានទូតអាមេរិក»។ នេះជាខ្លឹមសារមួយនៅក្នុងលិខិតជូនពររបស់លោក William E. Todd អគ្គរដ្ឋទូកសហរដ្ឋអាមេរិកប្រចាំកម្ពុជា ។
លោក E. Todd បន្ថែមថា បុណ្យខែរ៉ាម៉ាឌន ជាបុណ្យសាសនាដ៏ធំ និងសំខាន់បំផុតសម្រាប់សាសនាឥស្លាម។ ហើយអំឡុងពេលនេះ សាសនិកឥស្លាមទាំងអស់ត្រូវតមអាហារចាប់ពីមុនថ្ងៃរះ រហូតដល់ថ្ងៃលិច ដើម្បីបង្កើនអំណរគុណ និងការភ្ញាក់រឮកពីក្តីមេត្តារបស់ព្រះ។
ក្នុងសារជូនពរដែលចេញផ្សាយនៅថ្ងៃ២៤ មិថុនានេះ លោកអគ្គរដ្ឋទូតជិតផុតអាណត្តិបានរម្លឹកពីសកម្មភាពមួយចំនួនដែលស្ថានទូកបានធ្វើសម្រាប់សហគមន៍ខ្មែរឥស្លាមនៅកម្ពុជា ដែលរួមមាន ការរៀបចំពិធីអាហារស្រាយបួស នៅបំណាច់បុណ្យខែរ៉ាម៉ាឌន។ ក្រៅពីនោះ ក៏មានការផ្តល់អាហារូបករណ៍សិក្សាភាសាអង់គ្លេស និងការផ្តល់កម្មវិធីអប់រំជាច្រើនដល់សហគមន៍ឥស្លាមជាដើម។
គួររម្លឹកថា ក្នុងខែបុណ្យរ៉ាម៉ាឌននេះ នៅសហរដ្ឋអាមេរិក លោកប្រធានាធិបតី បារ៉ាក់ អូបាម៉ា បានរៀបចំពិធីអាហារស្រាយបួសជាមួយអ្នកកាន់សាសនាឥស្លាមនៅទីនោះ ខណៈដែលប្រមុខរដ្ឋាភិបាលកម្ពុជា ប្រកាសយកថ្ងៃទី២៦ មិថុនា ដើម្បីរៀបចំអាហារស្រាយបួសដូចគ្នានេះ ក្នុងគោលបំណងបង្ហាញពីភាពសិ្នទ្ធស្នាល និងបង្កើនចំណងមិត្តភាពរវាងសហគមន៍ខ្មែរឥស្លាម និងថ្នាក់ដឹកនាំប្រទេស៕
«នៅប្រទេសកម្ពុជា ក្រុមចាមដែលមានចំនួនភាគតិច ក៏កំពុងប្រារព្ធបុណ្យរ៉ាម៉ាដានផងដែរ ដែលជាសសរស្តម្ភមួយក្នុងចំណោមសសរស្តម្ភទាំង៥ ក្នុងសាសនាឥស្លាម។ ក្នុងរយៈពេលដែលខ្ញុំធ្វើជាឯកអគ្គរដ្ឋទូតសហរដ្ឋអាមេរិកប្រចាំនៅប្រទេសកម្ពុជា ខ្ញុំចាត់ទុកការកសាង និងពង្រឹងទំនាក់ទំនងមិត្តភាពជាមួយគ្រប់សហគមន៍ទាំងអស់នៅកម្ពុជា ដោយរួមទាំងក្រុមចាមដែលកាន់សាសនាឥស្លាមផង គឺជាអាទិភាពមួយសំរាប់ស្ថានទូតអាមេរិក»។ នេះជាខ្លឹមសារមួយនៅក្នុងលិខិតជូនពររបស់លោក William E. Todd អគ្គរដ្ឋទូកសហរដ្ឋអាមេរិកប្រចាំកម្ពុជា ។
លោក E. Todd បន្ថែមថា បុណ្យខែរ៉ាម៉ាឌន ជាបុណ្យសាសនាដ៏ធំ និងសំខាន់បំផុតសម្រាប់សាសនាឥស្លាម។ ហើយអំឡុងពេលនេះ សាសនិកឥស្លាមទាំងអស់ត្រូវតមអាហារចាប់ពីមុនថ្ងៃរះ រហូតដល់ថ្ងៃលិច ដើម្បីបង្កើនអំណរគុណ និងការភ្ញាក់រឮកពីក្តីមេត្តារបស់ព្រះ។
ក្នុងសារជូនពរដែលចេញផ្សាយនៅថ្ងៃ២៤ មិថុនានេះ លោកអគ្គរដ្ឋទូតជិតផុតអាណត្តិបានរម្លឹកពីសកម្មភាពមួយចំនួនដែលស្ថានទូកបានធ្វើសម្រាប់សហគមន៍ខ្មែរឥស្លាមនៅកម្ពុជា ដែលរួមមាន ការរៀបចំពិធីអាហារស្រាយបួស នៅបំណាច់បុណ្យខែរ៉ាម៉ាឌន។ ក្រៅពីនោះ ក៏មានការផ្តល់អាហារូបករណ៍សិក្សាភាសាអង់គ្លេស និងការផ្តល់កម្មវិធីអប់រំជាច្រើនដល់សហគមន៍ឥស្លាមជាដើម។
គួររម្លឹកថា ក្នុងខែបុណ្យរ៉ាម៉ាឌននេះ នៅសហរដ្ឋអាមេរិក លោកប្រធានាធិបតី បារ៉ាក់ អូបាម៉ា បានរៀបចំពិធីអាហារស្រាយបួសជាមួយអ្នកកាន់សាសនាឥស្លាមនៅទីនោះ ខណៈដែលប្រមុខរដ្ឋាភិបាលកម្ពុជា ប្រកាសយកថ្ងៃទី២៦ មិថុនា ដើម្បីរៀបចំអាហារស្រាយបួសដូចគ្នានេះ ក្នុងគោលបំណងបង្ហាញពីភាពសិ្នទ្ធស្នាល និងបង្កើនចំណងមិត្តភាពរវាងសហគមន៍ខ្មែរឥស្លាម និងថ្នាក់ដឹកនាំប្រទេស៕
© រក្សាសិទ្ធិដោយ thmeythmey.com
