ប្រជាកសិករ៥សហគមន៍ នាំគ្នាតវ៉ារកអន្តរាគមន៍ពីរដ្ឋសភា

ជាតិ

សង្គមជាតិ

ប្រជាកសិករ៥សហគមន៍ នាំគ្នាតវ៉ារកអន្តរាគមន៍ពីរដ្ឋសភា

20, Jul 2015 , 2:59 pm

រូបភាព

ដោយ: សារព័ត៌មានថ្មីៗ

តំណាងប្រជាកសិករចំនួន៥ភូមិផ្សេងៗគ្នា ប្រមាណជិត១០០នាក់ នៅរសៀលថ្ងៃទីច័ន្ទនេះ បាននាំគ្នាតវ៉ានៅមុខរដ្ឋសភា ដើម្បីដាក់ញ្ញតិនិងដាក់ពាក្យបណ្ដឹងទៅកាន់ស្ថាប័នមួយនេះ ក្នុងគោលបំណងស្នើឲ្យស្ថាប័នរដ្ឋសភាធ្វើការចុះស៊ើបអង្កេត អន្តរាគមន៍ទៅអាជ្ញាធរខេត្តព្រះសីហនុ និងខេត្តស្វាយរៀងដែលមិនបានធ្វើការដោះស្រាយបញ្ហាដីធ្លីជូនពួកគេ។ ប្រជាកសិករដែលនាំគ្នាមករកអន្តរាគមន៍ពីរដ្ឋសភានោះ ចោទអាជ្ញាធរថា បានឃុបឃិតគ្នាមិនផ្ដល់ប័ណ្ណកម្មសិទ្ធិដីធ្លីស្របជូនកសិករដែលជាម្ចាស់ដី។

ចុចទីនេះដើម្បីទទួលបានព័ត៌មានរហ័ស

ប្រជាកសិករទាំងនោះបាននាំគ្នាលើកបដានៅមុខរដ្ឋសភា ដោយពួកគេបានសរសេរថា ដីគឺជាជីវិតរបស់កសិករ គ្មានដីគ្មានជីវិត។ បាត់បង់ដីធ្លី បាត់បង់មុខរបរ។ ភាពក្រីក្រកាន់តែកើងឡើង។ សហគមន៍កសិករត្រូវការរដ្ឋសភាជួយដោះស្រាយជាដើម។

ប្រជាកសិករដែលមានបញ្ហាដីធ្លីតំណាងឲ្យប្រជាកសិករចំនួន១៨៤៧ គ្រួសារ ដែលមកពីភូមិចំនួនផ្សេងៗគ្នារួមមាន៖ សហគមន៍ដីធ្លីអណ្ដូងត្របែក សហគមន៍កសិកររមាសហែក សហគមន៍កសិករសាមគ្គីចេកមាស សហគមន៍កសិករសំរោមានជ័យ មកខេត្តស្វាយរៀង និងសហគមន៍កសិករព្រែកត្របែក អណ្ដូងទឹក ថ្មធំ មកពីខេត្តព្រះសីហនុ៕