ជាតិ
អ្នកសង្កេតការណ៍៖ សិស្សបាក់ឌុបជាប់ច្រើនខណៈពេលវិញ្ញាសារខ្លះមានបញ្ហា
16, Sep 2015 , 7:59 am
×![]()
ដោយ: ថ្មីៗ
ភ្នំពេញ៖ បេក្ខជនប្រឡងជាប់ក្នុងការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៥ឆ្នាំនេះ មានចំនួន៤៦.៥៦០នាក់ ត្រូវជា៥៥,៨៨ភាគរយនៃបេក្ខជនវត្តមានចំនួន ៨៣.៣២៥ នាក់។ នេះបើយោងទៅតាមសេចក្តីប្រកាសព័ត៌មានចេញផ្សាយដោយក្រសួងអប់រំកាលពីថ្ងៃសៅរ៍កន្លងទៅនេះ។
សេចក្តីប្រកាសព័ត៌មានរបស់ក្រសួងអប់រំឲ្យដឹងថា បេក្ខជនដែលប្រឡងជាប់ថ្នាក់វិទ្យាសាស្ត្រមានចំនួន ជិត៤ម៉ឺននាក់ ត្រូវជា៥៣,៨៧ភាគរយ នៃ បេក្ខជនចំនួន ៧៣.៦៧០នាក់ ហើយនៅថ្នាក់វិទ្យាសាស្ត្រសង្គមមានចំនួនជិត៤ម៉ឺននាក់ដែរ។
ក្រុមអ្នកឃ្លាំមើលការប្រឡងបាក់ឌុបបានទទួលស្គាល់ថា ការប្រឡងនៅឆ្នាំ២០១៥នេះ គឺមានភាពប្រសើរ និងតម្លាភាពដូចគ្នានឹងឆ្នាំ២០១៤ តែពួកគេថា ក្រសួងនៅមានការខ្វះចន្លោះនៅក្នុងការរៀបចំវិញ្ញាសារលើមុខវិជ្ជាវិទ្យាសាស្ត្រដូចជាមុខវិជ្ជាគីមីវិទ្យា និងរូបវិទ្យា។
លោកសន ជ័យ តំណាងសម្ព័ន្ធគណនេយ្យភាពសង្គមអាស៊ីបូព៌ា និងប៉ាស៊ីហ្វិកប្រចាំនៅកម្ពុជា មានប្រសាសន៍ប្រាប់វីអូអេថា ការប្រឡងបាក់ឌុបនៅឆ្នាំនេះគឺមានភាពប្រសើរជាងឆ្នាំណាទាំងអស់ ដោយសារបាតុភាពនៃការនាំឯកសារចម្លងចូលក្នុងបន្ទប់ប្រឡង និងការប្រមូលលុយឲ្យគ្រូដើម្បីលួចមើលឯកសារចម្លងក្នុងពេលប្រឡងត្រូវបានលុបបំបាត់ទាំងស្រុង។ ទោះបីជាយ៉ាងណាក៏ដោយ ការប្រឡងឆ្នាំនេះ មានលេចចេញនូវវិញ្ញាសារដែលចោទសួរសំណួរខុសនៅក្នុងមុខវិជ្ជារូបវិទ្យា និងគីមីវិទ្យា។ លោកថ្លែង ថានេះជាចំណុចដ៏ចម្បងមួយដែលក្រសួងអប់រំត្រូវតែជៀសវាង សម្រាប់ការប្រឡងនៅឆ្នាំក្រោយ។
«កំណែទម្រង់តទៀតទីមួយ ការរឹតបន្តឹងស្ថានភាពការប្រឡងហ្នឹងនៅដដែល ហើយដំណើរការនៃការកែហ្នឹងដដែល ប៉ុន្តែក្រសួងឆ្នាំក្រោយត្រូវតែពិនិត្យមើលវិញ្ញាសារដែលជៀសវាង ការខុសដូចឆ្នាំនេះ។ ឆ្នាំនេះ ពីរមុខវិជ្ជាមាន សំណួរខ្លះខុស អញ្ចឹងវានឹងអាចមានការវិភាគផ្សេងៗគ្នា ទៅលើការឲ្យពិន្ទុដោយស្វ័យប្រវត្តិ ទៅលើមុខវិជ្ជាឬក៏វិញ្ញាសារដែលខុសហ្នឹងដែរ»។
លោកបន្តថា កំហុសបច្ចេកទេសនេះ ធ្វើឲ្យភាគរយនៃចំនួនអ្នកជាប់ក្នុងការប្រឡងកើនឡើង ដោយលោកមានប្រសាសន៍ថា៖ «អាហ្នឹងៗ វាអាចរុញច្រាន ឲ្យមានភាគរយនៃការជាប់ច្រើន ព្រោះអី១៦ពិន្ទុណា៎ ហើយចំនួននេះវាអាចសម្រាប់អ្នកជាប់ ឬក៏សម្រាប់អាចអ្នកធ្លាក់។ អញ្ចឹង វាអាចមកពីចំណុចនេះ ជាចំណុចបចេ្ចកទេសមួយដែលត្រូវកែលំអសម្រាប់អនាគតដែរ»។
លោកបញ្ជាក់បន្ថែមថា ក្រៅពីការរឹតបន្តឹងការប្រឡងបាក់ឌុប ក្រសួងអប់រំត្រូវយកចិត្តទុកដាក់ក្នុងការលុបបំបាត់ការលក់ឯកសារមេរៀននៅក្នុងថ្នាក់ និងធ្វើឲ្យសិស្សមានស្ថានភាពគ្រួសារខុសៗគ្នាមានលទ្ធភាពទទួលបានការរៀនសូត្រលើមុខវិជ្ជាសំខាន់ៗនៅក្នុងថ្នាក់ឲ្យបានស្មើគ្នា ជាជាងការរៀនគួរក្រៅម៉ោង។ មុខវិជ្ជាសំខាន់ៗទាំងនោះ រួមមានអក្សសាស្ត្រខ្មែរ គណិតវិទ្យា រូបវិទ្យា ជីវៈវិទ្យា និងគីមីវិទ្យាជាដើម។
វីអូអេពុំអាចទំនាក់ទំនងលោកហង់ ជួនណារ៉ុន រដ្ឋមន្ត្រីក្រសួងអប់រំបានទេ។ វីអូអេក៏ពុំអាចសុំការអធិប្បាយពីលោករស់ សាលីន អ្នកនាំពាក្យក្រសួងអប់រំបានដែរ ដោយលោកមិនលើកទូរស័ព្ទ។
សេចក្តីប្រកាសព័ត៌មានរបស់ក្រសួងអប់រំដដែលនេះ បានឲ្យដឹងដែរថា បេក្ខជនទទួលបាននិទ្ទេស A មានចំនួន១០៨នាក់ និទ្ទេស B មានចំនួន១.០៨៥នាក់ និទ្ទេស C មានចំនួន៣.២៩២នាក់ និទ្ទេស D មានចំនួន ៦.០៩៣នាក់ និងនិទ្ទេស E មានចំនួន៣៥. ៩៨២នាក់។ បេក្ខជនទទូលបាននិទ្ទេស A មកពីរាជធានីភ្នំពេញមានចំនួន៤៨នាក់ សៀមរាប ១៤នាក់ បាត់ដំបង៧នាក់ ត្បូងឃ្មុំ និងតាកែវ ៦នាក់ ក្នុងមួយខេត្ត កណ្តាល និងកំពង់ចាម៥នាក់ ក្នុងមួយខេត្ត កំពត៤នាក់ ព្រះវិហារ កំពង់ធំ បន្ទាយមានជ័យ ក្រចេះ និងព្រះសីហនុ ២នាក់ ក្នុងមួយខេត្ត ហើយកំពង់ស្ពឺ ស្វាយរៀង និងប៉ៃលិន ១នាក់ ក្នុងមួយខេត្ត។
លោកស្រី អ៊ុក ឆាយ៉ាវី ប្រធានស្តីទីនៃសមាគមគ្រូបង្រៀនឯករាជ្យមានប្រសាសន៍ស្រដៀងគ្នាទៅនឹងលោកសន ជ័យចំពោះស្ថានភាពនៃការប្រឡង និងកំហុសបច្ចេកទេសនៃការចោទសួរក្នុងវិញ្ញាសាររូបវិទ្យា និងគីមីវិទ្យា តែអ្នកស្រីស្នើឲ្យក្រសួងអប់រំកែសម្រួលចំណុចខ្វះខាតមួយចំនួននៅក្នុងការប្រឡងបាក់ឌុបនៅឆ្នាំក្រោយ ទាក់ទងនឹងសកម្មភាពនៃអ្នកឃ្លាំមើលការប្រឡង។
«អ្នកឃ្លាំមើលប្រើទូរស័ព្ទ ប្រើឥទ្ធិពលរបស់គាត់ហាក់បីដូចជាគ្រូបង្រៀន ដែលនៅក្នុងបន្ទប់ ជាសិស្សហ្នឹងហាក់ដូចជា ជាចំណាប់ខ្មាំងរបស់គាត់»។ នេះជាសំណូមពរគួរតែកុំប្រើទាំងអស់ក្នុងពេលប្រឡង ព្រោះអ្វីការដាក់ឃ្លាំ វាពេញទឹក ពេញដីហើយ ហើយក៏គ្មានអ្វីកើតឡើងដែលគួរឲ្យ ដល់ប្រើទូរស័ព្ទបានមើលបានទាន់ ព្រោះអ្វីនៅក្នុងមណ្ឌលប្រឡងវាមាន ខ្សែបណ្តាញគេ ហើយមនុស្សហាក់បីដូចជាស្រមោចហើយ ហើយពួកគាត់មានសិទ្ធិប្រើទូរស័ព្ទឆ្វេចឆ្វាច ហាក់បីដូចជាការគំរាមកំហែង ការគាបសង្កត់ដល់សតិអារម្មណ៍ទាំងសិស្សទាំងគ្រូ»។
លោកស្រី ក៏សំណូមពរឲ្យក្រសួងមានតម្លាភាពនៅក្នុងការជ្រើសរើសគណៈមេប្រយោគ ដើម្បីជៀសវាងនៅអាក់អន់ចិត្តរបស់លោកគ្រូ និងអ្នកគ្រូដែលបានខិតខំបង្រៀនក្នុងសាលា។
កាលពីឆ្នាំកន្លងទៅក្រសួងអប់រំ យុវជន និងកីឡា បានធ្វើកំណែទម្រង់ប្រព័ន្ធអប់រំនៅកម្ពុជា ជាពិសេសទៅលើការប្រឡងសញ្ញាបត្រមធ្យមសិក្សាទុតិយភូមិ ដោយសហការជាមួយនឹងអង្គភាពប្រឆាំងអំពើពុករលួយ ដើម្បីលុបបំបាត់ការស៊ីសំណូកសូកប៉ាន់ក្នុងបន្ទប់ប្រឡងរវាង អនុរក្ស និងបេក្ខជន ក៏ដូចជាការលួចប្រើគ្រឿងអេឡិកត្រូនិក និងការយកសំណៅឯកសារចូលបន្ទប់ប្រឡងជាដើម។ ការណ៍នេះបានធ្វើឱ្យអត្រាជាប់របស់បេក្ខជនមានត្រឹមតែ៤០,៦៧ភាគរយ រួមទាំងការប្រឡងចំនួនពីរលើកនោះ៕
ផ្ដល់សិទ្ធិដោយ៖ វិទ្យុសំឡេងសហរដ្ឋអាមេរិក(VOA)
http://khmer.voanews.com/content/more-students-passed-high-school-exam-than-last-year/2963461.html
សេចក្តីប្រកាសព័ត៌មានរបស់ក្រសួងអប់រំឲ្យដឹងថា បេក្ខជនដែលប្រឡងជាប់ថ្នាក់វិទ្យាសាស្ត្រមានចំនួន ជិត៤ម៉ឺននាក់ ត្រូវជា៥៣,៨៧ភាគរយ នៃ បេក្ខជនចំនួន ៧៣.៦៧០នាក់ ហើយនៅថ្នាក់វិទ្យាសាស្ត្រសង្គមមានចំនួនជិត៤ម៉ឺននាក់ដែរ។
ក្រុមអ្នកឃ្លាំមើលការប្រឡងបាក់ឌុបបានទទួលស្គាល់ថា ការប្រឡងនៅឆ្នាំ២០១៥នេះ គឺមានភាពប្រសើរ និងតម្លាភាពដូចគ្នានឹងឆ្នាំ២០១៤ តែពួកគេថា ក្រសួងនៅមានការខ្វះចន្លោះនៅក្នុងការរៀបចំវិញ្ញាសារលើមុខវិជ្ជាវិទ្យាសាស្ត្រដូចជាមុខវិជ្ជាគីមីវិទ្យា និងរូបវិទ្យា។
លោកសន ជ័យ តំណាងសម្ព័ន្ធគណនេយ្យភាពសង្គមអាស៊ីបូព៌ា និងប៉ាស៊ីហ្វិកប្រចាំនៅកម្ពុជា មានប្រសាសន៍ប្រាប់វីអូអេថា ការប្រឡងបាក់ឌុបនៅឆ្នាំនេះគឺមានភាពប្រសើរជាងឆ្នាំណាទាំងអស់ ដោយសារបាតុភាពនៃការនាំឯកសារចម្លងចូលក្នុងបន្ទប់ប្រឡង និងការប្រមូលលុយឲ្យគ្រូដើម្បីលួចមើលឯកសារចម្លងក្នុងពេលប្រឡងត្រូវបានលុបបំបាត់ទាំងស្រុង។ ទោះបីជាយ៉ាងណាក៏ដោយ ការប្រឡងឆ្នាំនេះ មានលេចចេញនូវវិញ្ញាសារដែលចោទសួរសំណួរខុសនៅក្នុងមុខវិជ្ជារូបវិទ្យា និងគីមីវិទ្យា។ លោកថ្លែង ថានេះជាចំណុចដ៏ចម្បងមួយដែលក្រសួងអប់រំត្រូវតែជៀសវាង សម្រាប់ការប្រឡងនៅឆ្នាំក្រោយ។
«កំណែទម្រង់តទៀតទីមួយ ការរឹតបន្តឹងស្ថានភាពការប្រឡងហ្នឹងនៅដដែល ហើយដំណើរការនៃការកែហ្នឹងដដែល ប៉ុន្តែក្រសួងឆ្នាំក្រោយត្រូវតែពិនិត្យមើលវិញ្ញាសារដែលជៀសវាង ការខុសដូចឆ្នាំនេះ។ ឆ្នាំនេះ ពីរមុខវិជ្ជាមាន សំណួរខ្លះខុស អញ្ចឹងវានឹងអាចមានការវិភាគផ្សេងៗគ្នា ទៅលើការឲ្យពិន្ទុដោយស្វ័យប្រវត្តិ ទៅលើមុខវិជ្ជាឬក៏វិញ្ញាសារដែលខុសហ្នឹងដែរ»។
លោកបន្តថា កំហុសបច្ចេកទេសនេះ ធ្វើឲ្យភាគរយនៃចំនួនអ្នកជាប់ក្នុងការប្រឡងកើនឡើង ដោយលោកមានប្រសាសន៍ថា៖ «អាហ្នឹងៗ វាអាចរុញច្រាន ឲ្យមានភាគរយនៃការជាប់ច្រើន ព្រោះអី១៦ពិន្ទុណា៎ ហើយចំនួននេះវាអាចសម្រាប់អ្នកជាប់ ឬក៏សម្រាប់អាចអ្នកធ្លាក់។ អញ្ចឹង វាអាចមកពីចំណុចនេះ ជាចំណុចបចេ្ចកទេសមួយដែលត្រូវកែលំអសម្រាប់អនាគតដែរ»។
លោកបញ្ជាក់បន្ថែមថា ក្រៅពីការរឹតបន្តឹងការប្រឡងបាក់ឌុប ក្រសួងអប់រំត្រូវយកចិត្តទុកដាក់ក្នុងការលុបបំបាត់ការលក់ឯកសារមេរៀននៅក្នុងថ្នាក់ និងធ្វើឲ្យសិស្សមានស្ថានភាពគ្រួសារខុសៗគ្នាមានលទ្ធភាពទទួលបានការរៀនសូត្រលើមុខវិជ្ជាសំខាន់ៗនៅក្នុងថ្នាក់ឲ្យបានស្មើគ្នា ជាជាងការរៀនគួរក្រៅម៉ោង។ មុខវិជ្ជាសំខាន់ៗទាំងនោះ រួមមានអក្សសាស្ត្រខ្មែរ គណិតវិទ្យា រូបវិទ្យា ជីវៈវិទ្យា និងគីមីវិទ្យាជាដើម។
វីអូអេពុំអាចទំនាក់ទំនងលោកហង់ ជួនណារ៉ុន រដ្ឋមន្ត្រីក្រសួងអប់រំបានទេ។ វីអូអេក៏ពុំអាចសុំការអធិប្បាយពីលោករស់ សាលីន អ្នកនាំពាក្យក្រសួងអប់រំបានដែរ ដោយលោកមិនលើកទូរស័ព្ទ។
សេចក្តីប្រកាសព័ត៌មានរបស់ក្រសួងអប់រំដដែលនេះ បានឲ្យដឹងដែរថា បេក្ខជនទទួលបាននិទ្ទេស A មានចំនួន១០៨នាក់ និទ្ទេស B មានចំនួន១.០៨៥នាក់ និទ្ទេស C មានចំនួន៣.២៩២នាក់ និទ្ទេស D មានចំនួន ៦.០៩៣នាក់ និងនិទ្ទេស E មានចំនួន៣៥. ៩៨២នាក់។ បេក្ខជនទទូលបាននិទ្ទេស A មកពីរាជធានីភ្នំពេញមានចំនួន៤៨នាក់ សៀមរាប ១៤នាក់ បាត់ដំបង៧នាក់ ត្បូងឃ្មុំ និងតាកែវ ៦នាក់ ក្នុងមួយខេត្ត កណ្តាល និងកំពង់ចាម៥នាក់ ក្នុងមួយខេត្ត កំពត៤នាក់ ព្រះវិហារ កំពង់ធំ បន្ទាយមានជ័យ ក្រចេះ និងព្រះសីហនុ ២នាក់ ក្នុងមួយខេត្ត ហើយកំពង់ស្ពឺ ស្វាយរៀង និងប៉ៃលិន ១នាក់ ក្នុងមួយខេត្ត។
លោកស្រី អ៊ុក ឆាយ៉ាវី ប្រធានស្តីទីនៃសមាគមគ្រូបង្រៀនឯករាជ្យមានប្រសាសន៍ស្រដៀងគ្នាទៅនឹងលោកសន ជ័យចំពោះស្ថានភាពនៃការប្រឡង និងកំហុសបច្ចេកទេសនៃការចោទសួរក្នុងវិញ្ញាសាររូបវិទ្យា និងគីមីវិទ្យា តែអ្នកស្រីស្នើឲ្យក្រសួងអប់រំកែសម្រួលចំណុចខ្វះខាតមួយចំនួននៅក្នុងការប្រឡងបាក់ឌុបនៅឆ្នាំក្រោយ ទាក់ទងនឹងសកម្មភាពនៃអ្នកឃ្លាំមើលការប្រឡង។
«អ្នកឃ្លាំមើលប្រើទូរស័ព្ទ ប្រើឥទ្ធិពលរបស់គាត់ហាក់បីដូចជាគ្រូបង្រៀន ដែលនៅក្នុងបន្ទប់ ជាសិស្សហ្នឹងហាក់ដូចជា ជាចំណាប់ខ្មាំងរបស់គាត់»។ នេះជាសំណូមពរគួរតែកុំប្រើទាំងអស់ក្នុងពេលប្រឡង ព្រោះអ្វីការដាក់ឃ្លាំ វាពេញទឹក ពេញដីហើយ ហើយក៏គ្មានអ្វីកើតឡើងដែលគួរឲ្យ ដល់ប្រើទូរស័ព្ទបានមើលបានទាន់ ព្រោះអ្វីនៅក្នុងមណ្ឌលប្រឡងវាមាន ខ្សែបណ្តាញគេ ហើយមនុស្សហាក់បីដូចជាស្រមោចហើយ ហើយពួកគាត់មានសិទ្ធិប្រើទូរស័ព្ទឆ្វេចឆ្វាច ហាក់បីដូចជាការគំរាមកំហែង ការគាបសង្កត់ដល់សតិអារម្មណ៍ទាំងសិស្សទាំងគ្រូ»។
លោកស្រី ក៏សំណូមពរឲ្យក្រសួងមានតម្លាភាពនៅក្នុងការជ្រើសរើសគណៈមេប្រយោគ ដើម្បីជៀសវាងនៅអាក់អន់ចិត្តរបស់លោកគ្រូ និងអ្នកគ្រូដែលបានខិតខំបង្រៀនក្នុងសាលា។
កាលពីឆ្នាំកន្លងទៅក្រសួងអប់រំ យុវជន និងកីឡា បានធ្វើកំណែទម្រង់ប្រព័ន្ធអប់រំនៅកម្ពុជា ជាពិសេសទៅលើការប្រឡងសញ្ញាបត្រមធ្យមសិក្សាទុតិយភូមិ ដោយសហការជាមួយនឹងអង្គភាពប្រឆាំងអំពើពុករលួយ ដើម្បីលុបបំបាត់ការស៊ីសំណូកសូកប៉ាន់ក្នុងបន្ទប់ប្រឡងរវាង អនុរក្ស និងបេក្ខជន ក៏ដូចជាការលួចប្រើគ្រឿងអេឡិកត្រូនិក និងការយកសំណៅឯកសារចូលបន្ទប់ប្រឡងជាដើម។ ការណ៍នេះបានធ្វើឱ្យអត្រាជាប់របស់បេក្ខជនមានត្រឹមតែ៤០,៦៧ភាគរយ រួមទាំងការប្រឡងចំនួនពីរលើកនោះ៕
ផ្ដល់សិទ្ធិដោយ៖ វិទ្យុសំឡេងសហរដ្ឋអាមេរិក(VOA)
http://khmer.voanews.com/content/more-students-passed-high-school-exam-than-last-year/2963461.html
Tag:
អប់រំ
© រក្សាសិទ្ធិដោយ thmeythmey.com
