ជាតិ
រដ្ឋាភិបាលបន្ថយរយៈពេលវិនិយោគក្រុមហ៊ុន៣៧ ខណៈក្រុមហ៊ុន២៣ទៀតត្រូវបានដកមកវិញ
15, Sep 2015 , 6:59 pm
×![]()
ដោយ: ថ្មីៗ
រដ្ឋាភិបាល សម្រេចកាត់បន្ថយរយៈពេលវិនិយោគរបស់ក្រុមហ៊ុនចំនួន ៩ សម្រាប់គម្រោងវិនិយោគអភិវឌ្ឍន៍សម្បទានដីសេដ្ឋកិច្ច មកត្រឹម៥០ឆ្នាំ ។ រហូតមកដល់ពេលនេះ មានក្រុមហ៊ុនចំនួន ៣៧ ហើយ ដែលត្រូវរដ្ឋាភិបាលកាត់បន្ថយរយៈពេលវិនិយោគមកត្រឹម៥០ឆ្នាំនេះ។ ចំណែកក្រុមហ៊ុន ចំនួន២៣ទៀត ត្រូវបានរដ្ឋាភិបាលដកហូតវិញ។
បើតាមសេចក្ដីប្រកាសព័ត៌មានរបស់ក្រសួងបរិស្ថានចុះថ្ងៃទី១៥ កញ្ញានេះ ក្រុមហ៊ុនចំនួន៩ ដែលមានផ្ទៃដីសរុប ២១៨៣៩ ហិកតា ដែលស្ថិតនៅក្នុងតំបន់ប្រើប្រាស់នៃដែនជម្រកសត្វព្រៃបឹងពែរ ខេត្តកំពង់ធំ ត្រូវបានរដ្ឋាភិបាលសម្រេចបន្ថយរយៈពេលវិនិយោគមកត្រឹម៥០ឆ្នាំវិញ។
សេចក្ដីប្រកាសដដែលបន្តថា រដ្ឋាភិបាលបានផ្តល់គោលការណ៍គម្រោងវិនិយោគសម្បទានដីសេដ្ឋកិច្ចដល់ក្រុមហ៊ុន១១៣ដែលមានផ្ទៃដីសរុប៦១០២៩៦,៧៥ហិកតាស្ថិតនៅក្រោមការគ្រវប់គ្រងរបស់ក្រសួងបរិស្ថាន ដោយគម្រោងចំនួន១០៩ បានដាក់ឆ្លងអង្គប្រជុំគណៈកម្មាធិការអន្តរក្រសួងពិភាក្សា ដើម្បីដាក់ឲ្យប្រមុខរដ្ឋាភិបាលពិនិត្យនិងសម្រេច។ ហើយក្នុងនោះគម្រោងចំនួន២៣ មានផ្ទៃដីសុរប៩០៦៨២ហិកតា ត្រូវបានរដ្ឋាភិបាលសម្រេចដកហូតសិទ្ធិវិនិយោគ ។ គម្រោង៤ មានផ្ទៃដី១៥៧៩៩ហិកតា ត្រូវបានកាត់បន្ថយទំហំផ្ទៃដី វិនិយោគ ។
ដោយឡែក គម្រោង៤ មានផ្ទៃដីសរុប ១៥៣៩៩ ហិកតា បានប្រគល់ដោយស្ម័គ្រចិត្តឲ្យរដ្ឋាភិបាលគ្រប់គ្រងវិញ និងគម្រោងចំនួន២០ មានផ្ទៃដីសរុប១៣១៧១៧,៧៥ហិកតា ត្រូវបានរដ្ឋាភិបាលទុកពេលឲ្យ៦ខែទៅ១ឆ្នាំ ដើម្បីបន្តនីតិវិធី(ស្ថិតនៅក្រោមការតាមដាន) ។ហើយគម្រោងចំនួន៣៧មានផ្ទៃដីសរុបចំនួន១៧៣៧៣០ហិកតា ត្រូវបានរដ្ឋាភិបាលសម្រេចឲ្យបន្តអនុវត្តគម្រោងលើផ្ទៃដីដែលបានដោះស្រាយផលប៉ះពាល់រួច ដោយកាត់បន្ថយរយៈពេលនៃកិច្ចសន្យាមកត្រឹម៥០ឆ្នាំ។
សេចក្ដីប្រកាសបន្ថែមថា នៅសល់គម្រោងតែចំនួន៤ទៀតប៉ុណ្ណោះដែលនឹងត្រូវដាក់ឆ្លងប្រជុំគណៈកម្មការអន្តរក្រសួង ដើម្បីត្រួតពិនិត្យវាស់វែងនិងវាយតម្លៃសម្បទានដីសេដ្ឋកិច្ច នៅថ្ងៃទី១៧ខែកញ្ញាឆ្នាំ២០១៥ខាងមុខនេះ ដើម្បីបញ្ចប់ទាំងស្រុងនូវការត្រួតពិនិត្យនិងវាយតម្លៃគម្រោងវិនិយោគអភិវឌ្ឍន៍សម្បទានដីសេដ្ឋកិច្ច៕
បើតាមសេចក្ដីប្រកាសព័ត៌មានរបស់ក្រសួងបរិស្ថានចុះថ្ងៃទី១៥ កញ្ញានេះ ក្រុមហ៊ុនចំនួន៩ ដែលមានផ្ទៃដីសរុប ២១៨៣៩ ហិកតា ដែលស្ថិតនៅក្នុងតំបន់ប្រើប្រាស់នៃដែនជម្រកសត្វព្រៃបឹងពែរ ខេត្តកំពង់ធំ ត្រូវបានរដ្ឋាភិបាលសម្រេចបន្ថយរយៈពេលវិនិយោគមកត្រឹម៥០ឆ្នាំវិញ។
សេចក្ដីប្រកាសដដែលបន្តថា រដ្ឋាភិបាលបានផ្តល់គោលការណ៍គម្រោងវិនិយោគសម្បទានដីសេដ្ឋកិច្ចដល់ក្រុមហ៊ុន១១៣ដែលមានផ្ទៃដីសរុប៦១០២៩៦,៧៥ហិកតាស្ថិតនៅក្រោមការគ្រវប់គ្រងរបស់ក្រសួងបរិស្ថាន ដោយគម្រោងចំនួន១០៩ បានដាក់ឆ្លងអង្គប្រជុំគណៈកម្មាធិការអន្តរក្រសួងពិភាក្សា ដើម្បីដាក់ឲ្យប្រមុខរដ្ឋាភិបាលពិនិត្យនិងសម្រេច។ ហើយក្នុងនោះគម្រោងចំនួន២៣ មានផ្ទៃដីសុរប៩០៦៨២ហិកតា ត្រូវបានរដ្ឋាភិបាលសម្រេចដកហូតសិទ្ធិវិនិយោគ ។ គម្រោង៤ មានផ្ទៃដី១៥៧៩៩ហិកតា ត្រូវបានកាត់បន្ថយទំហំផ្ទៃដី វិនិយោគ ។
ដោយឡែក គម្រោង៤ មានផ្ទៃដីសរុប ១៥៣៩៩ ហិកតា បានប្រគល់ដោយស្ម័គ្រចិត្តឲ្យរដ្ឋាភិបាលគ្រប់គ្រងវិញ និងគម្រោងចំនួន២០ មានផ្ទៃដីសរុប១៣១៧១៧,៧៥ហិកតា ត្រូវបានរដ្ឋាភិបាលទុកពេលឲ្យ៦ខែទៅ១ឆ្នាំ ដើម្បីបន្តនីតិវិធី(ស្ថិតនៅក្រោមការតាមដាន) ។ហើយគម្រោងចំនួន៣៧មានផ្ទៃដីសរុបចំនួន១៧៣៧៣០ហិកតា ត្រូវបានរដ្ឋាភិបាលសម្រេចឲ្យបន្តអនុវត្តគម្រោងលើផ្ទៃដីដែលបានដោះស្រាយផលប៉ះពាល់រួច ដោយកាត់បន្ថយរយៈពេលនៃកិច្ចសន្យាមកត្រឹម៥០ឆ្នាំ។
សេចក្ដីប្រកាសបន្ថែមថា នៅសល់គម្រោងតែចំនួន៤ទៀតប៉ុណ្ណោះដែលនឹងត្រូវដាក់ឆ្លងប្រជុំគណៈកម្មការអន្តរក្រសួង ដើម្បីត្រួតពិនិត្យវាស់វែងនិងវាយតម្លៃសម្បទានដីសេដ្ឋកិច្ច នៅថ្ងៃទី១៧ខែកញ្ញាឆ្នាំ២០១៥ខាងមុខនេះ ដើម្បីបញ្ចប់ទាំងស្រុងនូវការត្រួតពិនិត្យនិងវាយតម្លៃគម្រោងវិនិយោគអភិវឌ្ឍន៍សម្បទានដីសេដ្ឋកិច្ច៕
Tag:
សម្បទានដីសេដ្ឋកិច្ច
© រក្សាសិទ្ធិដោយ thmeythmey.com
