ជាតិ
ក្រសួងបរិស្ថានបើកកិច្ចប្រជុំពិគ្រោះយោបល់ ស្ដីពីការប្រែប្រួលអាកាសធាតុ
16, Sep 2015 , 8:19 am
×![]()
ដោយ: ថ្មីៗ
នាព្រឹកថ្ងៃពុធនេះ ក្រសួងបរិស្ថាន បើកកិច្ចប្រជុំពិគ្រោះយោបល់មួយ ដើម្បីប្រមូលមតិយោបល់ និងអនុសាសន៍នានាពីគ្រប់ក្រសួង ស្ថាប័ន និងដៃគូពាក់ព័ន្ធ ទៅលើរបាយការណ៍ចូលរួមចំណែករបស់កម្ពុជា ដើម្បីអនុវត្តន៍អនុសញ្ញាក្របខណ្ឌសហប្រជាជាតិស្ដីពីការប្រែប្រួលអាកាសធាតុ។ កិច្ចប្រជុំពិគ្រោះយោបល់នេះ ធ្វើឡើងនៅក្នុងសណ្ឋាគារ ហ៊ីម៉ាវ៉ារី។
ក្រសួងបរិស្ថានពិគ្រោះយោបល់ទៅលើរបាយការណ៍ចូលរួមចំណែករបស់កម្ពុជា ដើម្បីអនុវត្តន៍អនុសញ្ញាក្របខណ្ឌសហប្រជាជាតិនេះ ដែលជារបាយការណ៍សំខាន់ បញ្ជាក់ពីការចូលរួមរបស់ភាគីកម្ពុជា ក្នុងការឆ្លើយតបនឹងសេចក្ដីអំពាវនាវរបស់អនុសញ្ញានេះ ក្នុងគោលបំណងជំរុញឲ្យពិភពលោកធ្វើការដោះស្រាយការប្រែប្រួលអាកាសធាតុ។
ក្រោយពីពិគ្រោះយោបល់ហើយ របាយការណ៍នោះ នឹងត្រូវទៅកាន់លេខាធិការដ្ឋានអនុសញ្ញាក្របខ័ណ្ឌសហប្រជាជាតិ ស្ដីពីការប្រែប្រួលអាកាសធាតុ មុនការរៀបចំសន្និសីទកំពូលបណ្ដាភាគីជាសមាជិកនៃអនុសញ្ញាលើកទី២១ នាខែធ្នូខាងមុខ នៅទីក្រុងប៉ារីស៕
Tag:
ការប្រែប្រួលអាកាសធាតុ
© រក្សាសិទ្ធិដោយ thmeythmey.com
