ជាតិ
អនុប្រធានាធិបតីឥណ្ឌាកំពុងបំពេញទស្សនកិច្ចនៅកម្ពុជា
16, Sep 2015 , 11:19 am
រូបពី AKP
×![]()
ដោយ: ថ្មីៗ
អនុប្រធានាធិបតីឥណ្ឌាលោក មូហាម៉ាត់ ហាមីត អាន់សារី បានផ្តើមបំពេញទស្សនកិច្ចនៅកម្ពុជារយៈពេល៣ថ្ងៃ ពីថ្ងៃទី១៥ ដល់ថ្ងៃទី១៧ខែកញ្ញា។ ដំណើរទស្សនកិច្ចរបស់អនុប្រធានាធិបតីឥណ្ឌានៅកម្ពុជាពេលនេះ គឺដើម្បីពង្រឹងចំណងមិត្តភាព និងកិច្ចសហប្រតិបត្តិការលើគ្រប់វិស័យឲ្យកាន់តែរឹងមាំរវាងប្រទេសទាំងពីរ។ លោក មូហាម៉ាត់ ហាមីត អាន់សារី បានមកដល់ប្រទេសកម្ពុជា កាលពីរសៀលថ្ងៃអង្គារម្សិលមិញ។
តាមគម្រោង ក្នុងពេលបំបេញនៅកម្ពុជា អនុប្រធានាធិបតីឥណ្ឌា មូហាម៉ាត់ ហាមីត អាន់សារី (Mohammad Hamid Ansari) និងលោកនាយករដ្ឋមន្ត្រី ហ៊ុន សែន នឹងធ្វើជាអធិបតីក្នុងពិធីចុះហត្ថលេខាលើអនុស្សារណៈ នៃការយោគយល់គ្នាស្តីពីកិច្ចសហប្រតិបត្តិការទេសចរណ៍ និងកិច្ចព្រមព្រៀងស្តីពីកិច្ចសហប្រតិបត្តិការមេគង្គ-គង្គា រវាងប្រទេសទាំងពីរ។ លោកអនុប្រធានាធិបតីរូបនេះ ក៏នឹងអញ្ជើញទៅសារមន្ទីរជាតិ និងទៅទស្សនាសារមន្ទីរវាយនភ័ណ្ឌមេគង្គ-គង្គា និងប្រាសាទអង្គរវត្ត៕
© រក្សាសិទ្ធិដោយ thmeythmey.com
